¹ tsawuan , bitolongo bedolo he belobi, baya, pesi yé Zézu nu yuka. ² be pharisiens nébé Scribes , la wowé me wawami , Tima ye bangu ati: mutu yu yamba batu bé manvu ubi, adza bila buma yotu ne bangu. ³ Zézu, a wowé ne bangu ne milivilé. ⁴ wangu nidza, widzi ne bindovéne biyitsi, yutu tiya gnongo, ndé tuka dzika meku mebindovenebi tani ne binayi, Tina yé sétsé, né utsé fumba ye mégnongo dzi muyi kobisé: ⁵ wangu ukobisé ndonvéné, asatsé sé idzuku ne itsisa. ⁶ wangu ukala ndaku, akukisé bé mbatsi bedzi ne batu boko, atanda bangu ati : yaka bèbè bé tsisayi, makobisé ndonvéné yami ye megnongo. ⁷ yayu tanda beyi, ye tsédza ne itsida ikulu, ye mutu we manvu mébi, émekidzé Nzambi. kaka nda béméku metani ne ménayi, bétélé. ⁸ wangu mwatu nidza, widzi ne bedolo iku, solo mutu, to agnongo, ndé tuka takisé winda, akombo ndaku nu rumba dolo dzihi né kobisé ⁹ no wangu to akobisé, akukisé bé bantsi bedzi, ne batu boko, atanda ati; yaka bé tsisayi, ma kobisé solo wé gnongo. ¹⁰ wawo me tanda beyi, miti idzi nu itsisa tima yebé bandzi bé Nzambi, ndili ye mutu we manvu mébi imekidzé Nzambi ¹¹ yayu, Zézu ati : «mutu motu edza ne bana bolé. ¹² ye mwandzi wé tima yé bangu étanda ne tata, tata kaba me mwami ukobo. ye wangu ékabaka ukobo tima ye bangu. ¹³ masi me suta, mwana wé uté, akukisé biédzi biési, atsé sé ilongo dzé ulayi, awayu, yedzi éyalaka bébolé bédzi nu Sumba biédzi ékédzé ne tondo, ubuwusé bedolo sé manvu mébi. ¹⁴ yedzi émama yalaka bedolo besi, dzala ya udzé sé ilongo dzadzu, édzé a ya né tsési ye bedolo. ¹⁵ yedzi étsé, dzadza , kuélé yé. utu motu we ilongo dzadzu, we luma wangu kuba yedzi nu kaba bigu bila. ¹⁶ wangu éfumba dzabila bié bigu, ndé mutu mutu to né motu wikaba wangu bila. ¹⁷ yangu mwana we ibaka atsimena bedzambi. bétata wami bédzi nikué ? bangu bédzi ne bila, no mdzi wiya, megua ne dzala. ¹⁸ mé temé wa, me vutsé pesi ye tata wami, ya me tanda wangu miti: « tata ma pika manvu mébi né ikulu, nowé. ¹⁹ Maya kaka mwana wowé, boko me, nda udzandzi wowé. ²⁰ yayu mwana we ité a temé, atsé Kuélé ye tata wedzi. Asama ne ulayi, tata wedzi a yéné uvé, atanga, atsé kapité wangu sé tsugu, apoto wangu. ²¹ mwana atanda wangu ati: tata, ma pika manvu mébi ne busu vowé me ndé tuka vélé dzédzé mwana wowé. ²³ yayu yakayi ne ndovéné yé iwongo, buma yayu, dzakayi, pikayi itsinda. ²⁴ ni mwana wami édzé awa, yé wangu agnusé ; édza agnongo, no ba kobisé. yé bangu bébanda itsinda. ²⁵ sudzi yayu, ikulu wedzi édza ni mekuba, ni wangu aya tsindené sé danku, ayuka melinga ne mebina. ²⁶ ye wangu ébanga udzandzi wedzi motu, sumwulé wangu; abi bineni bié tuka dzé ni biyi. ²⁷ udzandzi atanda wangu ati: mwandzi wowé aya vutsé danku, yé tata wowé, abuma ndovéné yé iwongo, bédzi, ayé vutsé tsétsé. ²⁸ mwana, we butu a kanvé, ékévelé rumba idzilé sé ndanku, ni tata wedzi apula, abondo wangu. ²⁹ ni mwana we wika a vutisé, atanda ne tata wedzi: yéné, ya pika bisihu uyitsi, me dzandza nowé, me sandé suna manvu wowé. niwé sa ndé kaba me ndonvéné né udza bané bébantsi bami. ³⁰ ni ye mwana wowé aya, wétsé nu isaka utanvu bané batu bé melaka uyitsi, wa buma wangu ndonvéné yé iwongo. ³¹ ye tata atanda wangu : mwana, wedzi beni, nibiési bi dzi biami, biédzi ni biowé. ³² niyedzé ové nebébé nu pika itsinda, ni ikulu wowé yu édza awa, ni alugué, édza agnongo, ni bokobisé