¹ Mutu wi yakuè ati Zésu Krisete ani mwana wè Nzambi, ta tondo taata atondo ne mwana wèdji. ² Utsina ne vavu, bèbè bétondo bana be Nzambi, nda bebè bi tondo Nzambi nè mèndondzi mèdzi. ³ Yènè itondo dzé Nzambi, nè yi bata dzé méndo dzi mèdzi. Ne méndondzi mèdzi ndé udilu. ⁴ Yayu wè Nzambi édziya atakuè manvu mè ilongo. Yé béyène nda bi takuè ilongo ne ivukindze dze bebè. Wi takuè manvu me ilongo ni za? ⁵ Wè yakuè ati Zesu ni mwana we Nzambi. ⁶ Yene we ya ne manga, ne unsu: Jesus Krisete akeya ne mangu meto, aya ne unsu. ⁷ Yayu bangu beya ni besatu nu tanda kunvu. ⁸ Ne idunduma, ne mangu, ne unsu bangu besatu dzanvu dzotu. ⁹ Ti bebè ba yakué kunvù ye batu, ye Nzambi ya takue. Nzambi wangu mene atanda kunvù ye mwana. ¹⁰ Mutu wi yakue Jesus atanda kunvù yedzi mene. Mutu we nde yakue Nzambi a banga Nzambi ni dzuma nedzi ekeyakue kunvù ye Nzambi etanda ne mwana. ¹¹ Yene kunvù: Nzambi akaba bebè libiku le umbu ne umbu, ni libiku lalu lendzi se mwanawedzi. ¹² Mutu we ne mwana adzi ne libiku, we nde mwana nde libikiu. ¹³ Me tènde béyi manvu ma nati béyi béyi ati béyi be ne libuku le umbu ne umbu, ne béyi be yakué kunvu ye mwana we Nzambi. ¹⁴ Yene yivukidzi dzé besu, ti besu ba sunule wangu yila nda wangu etondo, wangu ayuka besu. ¹⁵ Bebè ti ba yiba ati wangu ayuka bebè pakasiyanga ye bebè bitsuka, wangu akaba. ¹⁶ Ti wa yene mwana Nzambi wi pika manvu me bi me nde bapa wangu peyi ye liku, wa bondo nedzi, Nzambi akaba wangu libiku. Me tanda wawu ne manvu me bi me nde bapa wangu payi ye liku. Adzi ne dzanvu tsi bi ndzi bapa peyi ye liku, beyi nde bondo ne dzadzu. ¹⁷ Ndzanvu ndze nde telé ni dzibi, ni idzi ne manvu me bi me nde bapa we peyi ye liku. ¹⁸ Bebè beyi ati mwana me Nzambi nde pika manvu me bi, we Nzambi edziala abata gnulu ya djabele nde tuka kobise wangu. ¹⁹ Bebé be yiba ati bebè ni bana be Nzambi, ni ilongo ni dze djabele. ²⁰ Ni bebè beyiba ati mwana we Nzambi aye kabe bebè utsengu vu yiba Nzambi we umbu. Vavu bebè beni se Nzambi we umbu ne mwana wendzi Jesus Krisete wangu ni Nzambi amene, ni libiku le umbu ne umbu. ²¹ A bana bami tangayi mati.