¹ Ya Tayofil, əmmigradaɤa-kin daɤ elkəttab-in wa azzaran əktabaɤ fel aratan kul wis issənta ɤaysa igi-nasan d səsəssəɤri-nasan harwa daɤ tizarat, ² har ezel wa d immədkal es jənnawan, dəffər as iga aholan-net əs tarna n infas wa zəddigan i nəmmuzal-net win isannafran. ³ Defer as iney aɤana inafalasandu idar, ikfen timettren aggotnen Ǝkkozat təmərwen n əzəl a iga inifalasan itagasan isalan n alxakum en Məššina. ⁴ Ǝzəl iyyan idrâw dər-san imensewan as tan-omar, inn_asan: «Ad wər təgmədam aɤrəm ən Yerusalam.Ǝqqəlat y arkawal n Abba wa dawan-əmala, ⁵ fəlas Yaxya aman a daɤ issəlmaɤ aytedan misan kawanay,ɤur adan wər nəggət ,Infas wa Zəddigan a daɤ za tətəwəsəlməɤam.» ⁶ Ǝddêwan ɤur -əs nəmmuzal -net as t-əssəstanan ,ennan-as: «Ǝməli ,amərədda ad za təssuɤəla təmənukəla y Israyil»? ⁷ Inn_asan: «wər kawan_təwer masnat n alwaq wala azamanən win daɣ otas Abba ⁸ tanaya_net.Mišan ya a fall-awan d-azzabbat Infas wa Zəddigan , təgrəwam tarna, təqqəlam tigiyyawen_in daɤ əɤrəm wa n Yerusalam, d akal kul wa n Yahudəyya əd m samarəya, taglim har da d_iraz amadal. » ⁹ As inna awen , immədkal əs jənnawan. Ǝswâdan daɤ_as har dasan-tay təlsa tagarak. ¹⁰ Harwâda əggizzayan ijənnawan assaɤa wad itagazzay ɣaysa, as du nafalalan əššin meddan ən simlalanen dəgma_nasan. ¹¹ Ǝnnan-asan : «Ya meddan ən Galilaya, mas təbdadam, təswâdam daɤ jənnawan ?ɣaysa wa immədkalan gər-ewwan da əs jənnawan, ilkâm a d-iqqəl s əmmək wa da əs tay_tənayam ikk-a ijənnawan.» ¹² Təzzar əfalan nəmmuzal adɤaɤ was itawannu wa n Ǝškan ən Zaytun,əqqalan əɤrəm ən Yerusalam a das-ihân edag ən teklay tas tətawala turagat-net daɤ əzəl wa n təsanfawt ən kəl -Elyəhud. ¹³ As din-osan ,əggazan ehan wa n afalla wa daɤ saganan. Ǝmosan Butros, Yaxya ,Yaqub, Andrawəs, Filibus, Tuma, Bartulamawəs, Matta, Yaqub wa n ag Alfay, simɤon was itawannu wa Isaggatakken əd yahuza wa n ga Yaqub . ¹⁴ Ketnasan tiddawan-du y igi ən təwatriwen s əwəl iyyanda ,əntanay əd mədrayan ən ɣaysa əd tədoden təha Maryama ta n anna -net. ¹⁵ Adan en da a daɤ ibdad Butros gər nəlkiman ən ɣaysa ,əmosnen temeday n awedan əd sanatat təmərwen,inn-asan: ¹⁶ «Imədrayan-in,əššil ad andu awa inna Infas wa Zəddigan daɤ Ǝlkəttaban irəw s əmi ən Dawəd daɤ salan ən Yahuza wa d-issəlalan aytedan win əbaznen ɣaysa ¹⁷ Fəlas kala daɤ-naɤ iddun nakkanay inəmmuzal ,amaran igrâw adagar-net daɤ əššəɤəl wa dər-naɤ isanattaf ɣaysa Ǝlməsix. ¹⁸ Aləs za wa ,izzənza tawagost daɤ azrəf wa igraw daɤ abakkad-net,dəffər awen uda izun daɤ amas bərəjen adanən-net ¹⁹ Aytedam kul win əxsarnen əzdaə-nen y'erusalam əslân awen ,har as tawagost ten əgan-as esəm daɤ awal-nasan"Akaldama",alamaɤna tawagost ta n əzni. ²¹ Daɤ adi-warana ad nəsənnəfrən iyyan daɤ meddan win dər nətidaw harkuk daɣ šikilan nana əd ɤisa a dobazzən ɤur əzəl wa t-isselmaɤ Yaxya daɤ aman har əzəl wa ɤur-naɤ immədkal əs jənnawan. ²² Aləs wa za nəsənnəfrən da ,ad iqqəl təgəyya ən tanakra ən ɤaysa daɤ tamattant.» ²³ Ǝssəbdadan əssin meddan əmosnen Yusəf was itawannu Barsabbas,gannin-as deɤ Yustus, əd Mateyyas ²⁴ Təzzar əttaran, ənnan : «Ya Eməli ,kay a issanan awa ihan iwallan n aytedan kul, sakn-ana wa təsannafrana gər meddan win əssin a , ²⁵ fel ad iggez eššeɤel wan ənnəmazul igmad Yahuza ikka edag wa imosan wa-net.» ²⁶ Ǝgan sisagheren, ebaznat, Matəyyas, iššewan i' nəmmuzal win maraw d iyyan.