¹ Tsida e pebè e bu biri ya ba tsuoli Pâque ya tsinini. ² Na akani ba nini a Ndziami, na bari babe tende anguri a nde ba sara osumbu sa a buma Zesu. Na bâ aki ba duma bari. ³ Sata oguniri tsa Judas Escariot, andjandja Ndziami tsa a kumu no buele a nde ba asuole ⁴ Jusa oyeni ka wobo bila ankani ba nini, na a kumu ma woro oyila osumbu mara terè Zesu. ⁵ Bo akini tso o suorè, bo akiru mo pa nde a dorò. ⁶ Nde o yaliri, na nde kima mara sara asumbu yo ve mara pa Zesu ma yisiri, mara duma bari ⁷ Tsuru le pembe e bu liri ntini ya ba buma mwana ondo mbo o papue ayi. ⁸ Jesus o tumi Pierre, na Jean, ndi 《Le dje ka lama bila e Pâque e bisa be, be le dja.》 ⁹ Bô a duri :《We a sara ndi bisi bana a mami ku ru?》 ¹¹ Nde yaliri:《Leyura, ntini ébè ya leka tsa ogundu, balara lemo lebira bona ya andza, aya mpile be leluono nde o tsa djô e nde ya gnuru han. ¹⁰ Na bô le dura ku mu a djô: "Kumu ndi 《Ka ntini ka mè, ka me dja tsida e Pâque bila aluoni a mi ekò? ¹² Nda muèsè bé katini ka yulu, ka lô bibi essisso. Tsa han be lessa a mami asso》. ¹³ Bô a yeni, bo amoni bibi va nde kaduri na bo alami bila e Pâque. ¹⁴ A tari arô, nde oki otsi bila adjandji a nde. ¹⁵ Nde duri bo ndi:《Mi, ma djia tso tima me ka dja bila epaque bila be, ne moni emi ampassi》 ¹⁶ Me dura bè, mè ma dja ni ti ntini emdimi endziami ma, ma wa. ¹⁷ Ndè yari kobo nde pi leve na ndziami nde du:《Le yara kari, le kaba kari opa niri e be. ¹⁸ Me dura, me ma gnua mali ti ntini e puru e Ndziami yeya. ¹⁹ Ama, nde yari le pe nbè, ntini e nde ya pi le vè na tara, nde tsari, opi bo lô, nde duri ndi:《Kari han gnuru émè yama pa mo bè. Le sa kari mo otima me》. ²⁰ Na amana bila, nde yari kopi, nde ndi:《Kopi li dia le gniliri na tori le mè lalé va mo be. ²¹ Na lesa oyeri, buru ya soso mi, oli yila bila me. ²² Na mwana Ndziami a dje vara ténde dôro na mburu ya teri mè!》 ²³ Na bô, abani maro piza na bura yeki buru yuan tsa bô, yeki a buna sa mami a bua. ²⁴ Otore oy tsa ba moro ya tsa bo ya vulu abura. ²⁵ Nde na bo ndi:《Kumu a bali, eli ya Ndziami mi a vu bu bô, na ba okumu yila bô tsuolo bo ankumu ba nini ba ve. ²⁶ Na kari yeka ossumbu omo bila be ni. Na moburi ndi ya vulu okuru tsa be ki ka vulu okerè. Ra ya vilu a buro onini oki va ya djandja mo bura. ²⁷ Okolorò ya vuli oniri: na yali o yila oli ya ba dja, si kali ya pa? Ra ka yoli yila oti ya ba dja? Okoloro me li tsa be va mburu ya djandja, mo be. ²⁸ Ro be bari ba, le djiniri bila me tsa ampassi a mi. ²⁹ Me epa be ampuru, va tara mi o pi ampiru a mo. ³⁰ Mo ndi be le dja, le gnua, oyila o ti ya ba dja otsa ampuru a mi na be le ka otsi yile a baliri mo o pamo etsia ekumu na buelè e Israël. ³¹ Simon, Simon, sa oyeri santa a pisa na bè, leyira o yesuesè va alumu ma a ma tsua. ³² Na, mi ma buono mo we, mo bu ndi djimi e we i va ni a mana ntini e we ya yi, abura a we ndi:《Kumu me li ³³ Pierre na nde ndi:《Kumu mi iyalara ma ka dje oguenehin bila we, na leku.》 ³⁴ Na Zesu ndi:《Pierre, me dura we hen lumu e oluma tsusu hen etsiere o mi tumi dja tari. ³⁵ Na ndè duri bo:《Ntini è mi tumi bè buliri, na adoro, na apiè a bila, na akolorò kali, be le kami kila? ³⁶ Na nde duri:《Na parabu yeli na adorò, ka yara, mburu yeli na pie ka yara kali sè. Ne mburu yeli bara (bara la anguru) ka tère fah nde ma kassu ma bara djia. ³⁷ Okoloro mè dura be lô, ove ma mi mâ mò tèndè oyila kari e tò "nde eki a ma susa va mburu ya bisa yalari mami ma kumu ma dura." ³⁸ Bo a duri:《Kumu mono abara muélè.》 Na nde, na bo ndi:《Emi wa.》 ³⁹ Amana ka dja bila, Zesu o djeni va assumbu á nde ya assa, o yila okuru k'olivier, na adjandji a nde a luoni nde. ⁴⁰ Ntini e bo yayi, nde duri na bo ndi 《Le buono mo ndi, bé iva tsa mami ma bi.》 ⁴¹ Na nde yeni la na bô, a buo, nde buoni mara dura ndi: ⁴² 《Tara, we adia, tsièsé kobò ba, le li oyila mi, mo osumbu a mé ye djini ka mo osumbu a mè ye dia ni na okoloro na mo osumbu a we a djie ⁴³ Na bandji e Ndziami eyi mpile nde mo yulu mo o pa nde mpari. ⁴⁴ Nde oki tsa le ku, nde buôni bila mpari, na djanihin e nde eki va a talli ma niri, ma tori, mâ, ma va yila tsiè. ⁴⁵ Nde ka mana buono, nde yi mpilé a luani a nde, nde moni bô tsa tôlo mo gnia. ⁴⁶ Nde pisi na bô:《Be mema le tsa tôlò? Le temehin le buono tsanki be le ma va tsa a mami ma bî.》 ⁴⁷ Nde eki, kina wòbo, le djimi le bari ayi bila Juda, oluoni a nde tsa akumu na mbuèlè, a nde ba ki ka bi la nde. Nde timi pana Jesus mo o poro nde. ⁴⁸ Na Jesus na nde ndi:《Judas we ma aporô mi a soso mwana na Ndziami? ⁴⁹ Na ntini e bari ba ki bila Jesus a mono, mami asso ma yiri, bô ndi:《Kumu, bisi le bère mo gu ma ⁵⁰ Omo oberi odjandji a bari, baba kiele bari, nde otsari nde, tsû ⁵¹ Jesus ndi:《Emitô, le gnara:》 Na nde tili tsû, o saliri nde. ⁵² Jesus na bari bala kiele djo Ndziami ndi, bila ankumu m'eglise, na bari, bara ka tsa eglise, bali djala nde ogna:《Be leya, ma benhin, bila abara, na anku muhàn: ⁵³ Ntini e mi yeki tsa djô Ndziami e tsuru esso, be leka lô kuoro yila mi, ni, na ka kuni a tari a be a mi tô na tari le mami ma bi.》 ⁵⁴ Bâ ayari nde, bo abiri nde, a yeni ka pa nde tsa djô mburu ya sa mami a Ndziami na Pierre aki kesse o la. ⁵⁵ Bo amana nassa bâ otsa le burj na lekari bo aki tsi, Pierre aki tsi tsa bô. ⁵⁶ Odjiani omo yo kasi omi nde, nde eku ma ka tsi o mpana ka wi ka bâ. Okesi nde, nde ndi《Balara li eki bila nde.》 ⁵⁷ Na Pierre obisi, nde ndi:《Okasi mi ya nde ni.》 ⁵⁸ Amana okuma omoni nde, ndi 《We si oli tsa bo.》na Pierre ndi:《Ba lara mi ognanon.》 ⁵⁹ Tari le yé na vusu okima o djinihin ndi:《Ba lara lo se eki bíla, nde, ma nde ya ka Galileen.》 ⁶⁰ Pierre ndi:《Ba lara mi iya, èwe bara dura no.》 Ntini ya kulu yia nde eki, kina wobo, olu ma tsusi o uimi. ⁶¹ Na kumu o kaliri, okesi Pierre. Na Pierre o tsimi mbari e kumu ya duri:《Oluma tsusi a yima dja tari ni we a tuma me. ⁶² Nde tsuri, nde lili semisemi ⁶³ A balaraba kuari Jesus, a ki sèbè nde, aki bère nde. ⁶⁴ Bo amana bisa nde oba, bo opisi nde ndi:《Ma dura ya beri we na?》 ⁶⁵ Bo aduri mami akukuna, mo a tura nde. ⁶⁶ Parabu tsuru le tchi, okura o bari, na bari ba ya anguiri, na baba, te nde mami akuru. Bo a tsuoli Jesus tsa okura ⁶⁷ Bo ndi:《Aka we Christ, dura bisi.》 Na nde iya lara ni:《Me dura be, be le ya lara ni. ⁶⁸ nam me pisa be, be le yalara mi ni. ⁶⁹ Yira mwana Ndziami aka otsi mo kuoro ka alumu ka mpari a Ndziami ⁷⁰ Bo duri ndi:《We dza mwana Ndziami?》 Na nde yalirj ndi:《Be le dura mi li.》 ⁷¹ Na bo ndi 《Bisa, be le vura koma, ma yura mami? Na bisa le ma yura bisa be anku lu mo gnua nde.