¹ bana, mè etindè bè mami mabu ndi bè kissa assumu ni. okolorò buru kassa assumu, bisabè na buru wa pama kapana tara, Jesus Christ, ôtele. ² ndè buru yo atsuka assumu abisabè, nâ ka abisabè atut ni, na abari ba okiri assisso. ³ ô mami ma, bisabè leya ndè. yugu bisabè lekielè akiri a ndè. ⁴ nburu wa dura ndi: (mi yayi ndziami), okolorô ndè ki kielè akiri a ndè ni, nâ ala na assissielè na ndè kali. ⁵ okolorô mpini buru ka kielè mbari, é ndè, assissielè, na wua dia le ndziami leki téle. ma bia, bisabè leya ni bisabè leli bila ndè. ⁶ buru wa dura ndi ndè oli bila ndziami avè sè ndè oyiri vâ Jesus Christ ndè ndè ankulu oyiri. ⁷ abura ami adia mi eka tindè bè guiri yègnaliri ni, okolorô guiri ekala ebè ye le bani. guiri ekala, kamaka mbari ebè ye leyuri. ⁸ atini assisso mi etindè bè guiri ye gnaliri yeli assissielè ma. Christ bila bè, nâ le mpibi le tieri nâ kawui kassissielè kayi. ⁹ buru wa dura ndi ndè oli tsa kawui éh ndè ndzala bura le ndè kali oli tsa le mpibi tï lobi. ¹⁰ buru oli ma dia bura le ndè oli tsa kawui éh oberē sè omotu tsa ndè kali. ¹¹ okolorô buru oli na fununamuo na bura le ndè oli tsa le mpibi éh ndè ayira tsa le mpibi; ndè kiya mpila ndè yekadje ni le mpibi le mâ duba ndè mizi. ¹² me tindè bè bana ami, makama assumu a bè ama boloro mon ma nkumu éh ndè. ¹³ mi ma tindè bè atara, ma bè baleya buru wo ébani. mi ma tindè bè bana ba ekerè mabè ba levuli buru wôbi. me tindè bè, bana babuzu mabu ndi ba leya tara. ¹⁴ mi ma tindè bè tara, mabu ndi bè le maya buru wo ébani. mi ma tindè bè bana ba ékerè mabu ndi ba na mpari, éh mbari é ndziami eli na bè, éh bè le mavula buru wobi. ¹⁵ le gnina na kadia okiri bila mami mali tsa okiri. buru aka na djala okiri, dia le tara bila ndè kali. ¹⁶ bibi assisso beli tsa okiri (djala bibi egnuru, djala bibi balemomo ma mizi na kamba le omuo) ka pila tara béwa ni, oko ¹⁷ loro djo bewa pila okiri. okiri bila avè a ndè bayira okolorô mpibi buru assa mani a ndziami aka mbumbu. ¹⁸ bana ba ekere, yira atari abisa. va kabè kaleyuri ndi mbagui Christ aya, parabu kuna lé ambagui Christ amiya. mabua bisabè leyayi li tari le mbisa ¹⁹ . bo ami tsura tsa bisabè, okolorô bo ki k'abisabè ni. bo ki ma kaka abisabè, kena bo assili bila bisabè. okolorô bo atsuri, ossubu yua omuosi ndi bo ki k'abisabè ni. ²⁰ okolorô bè, bè nâ mpari yé buru o tsè tsè éh bè assisso, leya assissielè. ²¹ mi ki tindè bè ni bè kiya assissielè ni, bè leya mon é ala tsa assissielè kali. ²² nga ala na, aka ka buru wa bisa ndi Jesus ka Christ ni? buru mbagui Christ, keli ndè ma bisa tara bila muana . ²³ buru sè omon ka tsa bâ ma bisa muana ndè tars kali. mpibi buru woya muana ndè nâ muana sè. ²⁴ ma bè, mami a bè ma leyuri k'ébani ali bila bè. a bè ma leyuri ali bila bè, bè leli bila muana bila tara. ²⁵ lé monon ndagui é ndè yera pa bisabè: omuo ba obobo. ²⁶ mi ma tindè bè mami mâ ma bari ba bassara kassa bè katamara. ²⁷ nâ ma bè, mpari ebè ye le bari éli tsa bè, é bè kama na buru ma ka yisira bè kali. okolorô vâ mpari é ndè é leyizira bè mami assisso eli assissielè ka ala ni, é vâ ka ndè ka kayiziri bè, leka tsa ndè. ²⁸ parabu li bana ami, leka tsa ndè obundi tini éya ndè,bisabè le bara mpari é bisabè leka bara okuru ni tini eya ndè. ²⁹ bè leya ni ndè oli tèle, bè leya ni mpibi buru assa mami a tèle ma tsura ma ndè.