¹ Yesu ayusuge gu Capernaum akuende gu yandi aburilu gu Nazareth. Be bingitsi be kuende nandi. ² Wisi gu kolila akiungene gu ndagu niambi akunenze dibundu. Mbili be mulongu bekube ne mugange. Bekue kuekuvulange gu yandi dililange duyabu duandi ne nguduandi negu vagange bilimbe. Be kuambilange. ³ Adianza ne munemi duamu yabi ne yandi ne gifumbe giandi. Duayabi Marie nguyandi duayabi bane be nguyi tsiandi Jacques, Joses, Jude, ne Simon ne bane benguyi be begetu batsageni netu. Beku bevagere yendanu. ⁴ Yesu ake bambile dingenzere redibundu nebe bigitsi bakobisi tumba gu dimbu diami besakobisi. Ne biburu bietu ne batu batsageni gu ndagu besa kobisi. ⁵ Nesi agabelusi be bibedu asa rungule guva muegilimbe. ⁶ Amamange gukielu page tsiawu. Akuende gu mimbu mebeliawu ake benenze. Gu kube wisi aku rombe be dukitsi bandi aku evagere nigu nu tinde bebei bebei guene nenza mu mbili mbure. Akube vege ⁷ Gu kube wisi aku rombe be bingitsi bandi aku bevagere nigu nutinde bebei bebei guene nenze mu mbili mbure. Akube vege ngudu gu sanza meniuniu mabi gu batu. ⁸ Akube belonze gu duare pondu negu bonge duvandi venu guvevilile. Nuya bonge biguye ne pengi tsi nuguverile bi guye ne doli tsi muvevilile. ⁹ Asbe vagere beku bonge biduatu bi gusanze. ¹⁰ Avane guandi akube longe venu guengene gu dimbu dineni guemutu as nurombe guende gu daguandi nukuende. Yanganu ningilanu gu ndagiune kuangenu venu gusugile dimbu. ¹¹ Guereve mbure yi dibunde besa nusinge nebe sanulilu singunanu metambi menu yusugane ve mburine. venugu vanane nugu belabise re besa musinge. ¹² Vane ve bebingitsi bende gu mbile mbure beku vega musamu gu dibundu re babi ne keri gu kielu mabi mawu abeku bodibagi nonge Niambi akebeve kokolu. ¹³ A sanzange mbili meniuniu mabi mubatu a bemosi akebe singe matsi ake be belusange. ¹⁴ Vana Mathe Herode Antipas akulu me Yesu avagange mbare mbili batu bambiange. Bemosi bambila gukielu Yesu mandire Jean Baptiste ama rambuge dibandu ane ngudu Niambi guva bilimbe bine. ¹⁵ Bemosi bevaga Yesu yandi mubigitsi wu gulu Elie yi Niambi avagere ageruge. Bemosi be vagangere Yesu viage ayi mubigitsi ne bebigitsi bube ve rege. ¹⁶ Ve ayililu me batu bambilange mathe Hérode Antipas akuambile mutu wa vagi bilimbe bine niani Jean. Nzeva gori tsiami mutabulianu muru tumbe ama rambuge. ¹⁷ Ve wusu gigumbi gine Hérode akonge Hérodias nesi ayibe mugetu wu mwane nguyandi Philippe. ¹⁸ Jean akube kaguambile Hérode musamu Niambi wusaku vengudu gonge mugetu mwane nguyagu ave akimoniu. Tumbe Hérodias amuvagangere vere Jean gu nzugu. Hérode yandi beni akutinde gori tsiandi Jean. Beku mugange beku muvere gu nzugu. ¹⁹ Tumbe mbare Hérodias ayibe ne mugangu gutsogise Jean akeba mutu gumu boke. Tumbe as rungulange mbareve Jean ayiba gu nzugu. Hérode amubandekene tage nandi. ²⁰ Hérode ava nane mbare ayulungu wome Jean mbare yabangere ayi sungeme akue vege gu Niambi. Mathe akube nepikile gukieluandia ase yabange di aguvage mbare arondange gumulilu. ²¹ Vegi gumbigine muse meyaye mevagu muse wuburili Hérode aku rombe bivunde bi dianza belinandi abube neme niange ne bivunde bimu posi Galilée guse guye negu gine nandi. ²² Ave digwere diguyile mwane mugetu Hérodias akwengene gurari avana akugine gukielu Mathe ne beni bandi. Hédode ne beni bandi beku muronde veveni. Akumuvagere nivuli biotsu biwarondi nigukuve bioni. ²³ Akuku muvage biotsu bigunivule niguku vebioni nesi dusgabe bulongu buami vegari gewuse binivule. ²⁴ Avana mwane mugetu neguvuduge negue gu nguye negu muambile nevu mathe a muambile negu miuvule agye nigiuvule Nguyandi akumu vagere yivule mathe gukuve muru wu Jean wa putigingi batu gu mambe. ²⁵ Mwane mugetu neguengene akue gu mathe negu muambile niarondire wukutabule muru Jean mubegi gu gari gipele. ²⁶ Mathe akube nemune bumberi ve ayililu gi mwanu arombe mba ayabangere Jean mutu wu sungeme tumbe asabenzi buse di ayivule mbare amuvagere biotsu biwu giuvule ne batu be arombebulu ndagine. ²⁷ Vane Mathe neguva mutu guetabule muru Jean negumu begile mwanu mugetu. Mutune negue gutsugu negue tabule muru Jean. ²⁸ Aku musunze gugari gipele negu mubege negumuvege mwane mugetu. Aku mubegile nguyandi. ²⁹ Ave bebingitsi be Jean bulilu amemu rugile bekue guebonge gibindi gu nzugu bekue mutsige. ³⁰ Be bingitsi be Yesu atinde digumi ne be bei beku gabuge gu yawu bende. ³¹ Beku mubegile mambu motsu mebevage nemebe yabenenze batu. Aku bevagere ruganu nami dukube vike avesa batu nonge dukukole muepesu ayambile nane mba mbili b rugange guyawu abe. Kugabugange mba Yesu nebe bingitsi bandi mbebe sega ne guigumbi giguyile neguva nesi diambu disusu. ³² Gigumbi gine bekuende tague ne bwatu ve mbure isa batu. ³³ Tumbe mbile be bene diendilu. Be yabere Yesu nebe dukitsi bandi beyabe gubende. ka beku regile guwusu Yesu nebe bingitsi bandi bedange. Bube be rege gu vuduge gubendange. ³⁴ Ne ve Yesu nebe bingitsi bandi be sunda gu bwatu. Yesu akulabe mune dumutu dune. Akube ne niuru gudede mba abenange rebesane mutu wabe begi gue medombi mesane ne fumu. Avane akube nenze mbili mambu. ³⁵ Ve diumbi direkemine be bingitsi beku rugu yandi guse muambile mbure ysa batu ne digwere diketage. ³⁶ Gabuse dumutu dune nonge bekue gu dimbu gue sumbe biguye. ³⁷ Akube vagere bevegianu yenubeni biguye. Be kuagule dusa benze sumbe pembi tsigu guyise dumutu dune. Du gue sumbe pembi nebe tsike tsine aduku beve biguye. ³⁸ Tumbe akubagule abi rini binge bi pembi binenu. Yegue labanu be kuende gue gengise bekuse muambile. Duse dile ka pembi ranu ne bisonzi bikangu bibei. ³⁹ Akuvage be bingitsi be tsagenisianu ve bisinge. ⁴⁰ Nana batu bekutsagene mume bundu. Gube me bundu me ranu ne me bundu me kama. ⁴¹ Yesu akubonge pembi tsi ranu ne bisonzi bi bei. Aku guengise misu gu yulu aku gabuse diboti gu Niambi gu kieluawu. Aku tsitabule birini negutsive be bibingitsi nonge beku tsigabile batu. ⁴² Mwane mwane akuyi gilambu giandi kuangene gukure. ⁴³ Be bingitsi be ku bole digumi diponzi ne ponzi bei tsi pembi ne niame tsisale. ⁴⁴ Gube toseni be bagele bayi pembi ne niame tsine. Begetu ne bane bese rangu. ⁴⁵ Ka vane vewusu Yesu akuva be bingitsi bandi beku fuame gu bwatu beku regile gu Bethsaida ayivu gu mbeke tsube yi Galilée. Aku sale vane nonge aku gabuse dumutu dune dube vane. ⁴⁶ Ve gabusile dumutu dune akue gu mukongu gue sambile. ⁴⁷ Tsisiga bwatu bu bingitsi bube vegari Yesu asale vike gu butambe. ⁴⁸ Beku labere punge yi vugange gu bwatu bu bedugange. Kavane mbe beke ne nzuki. Aku dute guyawu mekiele meneni mbe guki muediviseme akuenda gu yulu mambe mbeka robevioge. ⁴⁹ Beku muene gutakule gu yulu mambe tumbe beku yabere ditengu. Be kuamuge veveni. ⁵⁰ Mbare yawu botsu bekube ne wome neni vebe muenine. Tumbe akubambilere Yibe ne dikengi nuya gulu wome menu. ⁵¹ Akuengene gu biotsu aku tsagene nawu punge negu sikeme. Ya botsu bekuvane beseyabe diguambile ve yandi vanane. ⁵² Nesi bela Yesu gufunise pembi ne sonzi bese yulure ayine ngudu veveni. ⁵³ Vebe tabulile tsube yi Galilée ne bwatu. Be ku vuduge gu Génésareth beku retise bwatu buawu vane. ⁵⁴ Vane be sunde gu batu beku yabe Yesu. ⁵⁵ Vane bekue gu muposiotsu guene guambile batu re Yesu ake vane. Bekube bibedu biotsu mubi tsige muotsu bulile re Yesu ake vane. ⁵⁶ Ve mburetsi avuduge mu mimbu ne mimbu meneni nemu mipindi be sunzange bibedu mukane ave mbili batu bagabingi beku mulembigange re dubembika giduatu giagu. Batu botsu bemu bembange be belugange.