¹ Polu mutwa boluku wa Yesu-klistu ti pangi Timote, ti Filemo nduku kwetu, ti pangi etu mukisalu, ² ti Appia pangia munkhetu, ti kuena Archipe pangi mu nvita, pi ku dibundu dina dikutakana ku nzuaku. ³ Mamboti ti ngemba yi tuki kuena Nzambi Tata ti kuena Pfumu etu Yesu Klistu ya kala ya benu . Ya yuki tsangu zazola ti za lukuikilu, kuaba kuikidi boosu. ⁴ Yi vutula koosu thangu matondu kwa Nzambiama. Yisi kusambila pi ngeyi. ⁵ Ya yuki tsangu za zola ti za lukwikilu luna wena luawu mwena pfumu Yesu ti mukuma kia bakwikidi boosu. ⁶ Yi samba ni kithwadi kia ngeyi mulukwikilu kia kala kia kieleka mu kuzaya mambu moosu ma mboti mena mukati dia betu mu Yesu. ⁷ Hakana ya kadi ye kiesi kingi ti kikesa mukuma kia zola diengeyi khiau mbundu za ba pangi bingi baba kuikila za mongi kikesa mukuma kia ngeyi pangi. ⁸ Yibwau ata yena ti kikesa kiosu mu yesu mu kukusamwana wa sala mambu ma feti sala, hakana mu kikuma kiazola ⁹ yikulomba wasalama, meni Polu, mununu pi butwena bwabu mutwa boloku mukuma kia yesu khidisitu. ¹² Yi kulomba wa salama mukuma kia mwana meni Onezimi ya buti mu boloku. ¹¹ Kwa kadi mu thangu mosi kakadiku pfumu kwena ngeyi, butwena bwabu weka pfunu yingi kwena ngeyi ti meni. ¹⁰ Yi kutumina yandi, yandi wu ya zolaka mu mbunduameni. ¹³ Ya zodi ni twa sala ye yandi mu kondi dia ngeyi ka tsadisa mu miyololu mi yena miawu mukuma kia ndinga Nzambi. ¹⁴ Kasi ya zodiku kusala koosu diambu mu luzolu lwa ngeyi. ¹⁵ Fwani diakala ni ba mukabudi ye ngeyi, mu thangu fioti mu pila ni lwa monana kimakulu. Kakaloku dihika phika, kasi kuhita pika, pangi wuna ba zolaka bwingi. ¹⁶ Meni ye muzolaka bwingi, kwena ngeyi pi kena wa kuzolama mu nitu ti mu ki Nzambi. ¹⁷ Hakana yuka wena pangi mu kisalu kia Nzambi, mu yamba bwosu menieni. ¹⁸ Yuka ni ka kusadi mbi to ka fweti kufuta kima, siekia mu zina dia meni. ¹⁹ Meni Polu yi kusonikina mambu mama menieni : Ya kuvutuadilekia. Nzodiku ni ye kusamwana ni wu fhweti peka luzingu liaku. ²⁰ Buabuna pangi, tsala ma mboti mu kinzambi; mu zina dia khlisitu, peka ngemba mu mbudu ama. ²² Ti kivuvu mubulemvu bwange yi kusonikila. Yi zaya wa sala kuhita mambu ma yiku lomba. ²¹ Mu thangwa diadi, ngidikila tsuka ya kunimba ba nzenza, yizaya ni mu nzila bisambu biabenu ya luvutukila. ²³ Epaphrasi pangi mu boloku mukuma kia yesu, ki kuheka mboti, ²⁴ pila mosi pi Malaku, Aristarque, Demas, ti Luka, ba pangi mu kisalu kia Nzambi. ²⁵ Yambula mamboti ma pfumu etu Yesu Khlisitu ma kala ye benu mu kipefi. Amen.