¹ Wukoti dihika mu nzwa bisambu pi mwamuna mwa kadi ya mutu mosi wa moku ma kuyumuka. ² Batu bahika ba mu tadiki mboti mboti mu kumona keti kamu belula mu kilumbu kia sabata ani ba mufunda. ³ Yesu zonzi kwa mutu wa yumuka moku: " telema ngeyi wisa hakati." ⁴ Pi Yesu zonzi kwa batu: keti kwena ya tswa mu kusala mamboti to mambi mu kubikisa luzingu to muku vidiselua?" Kasi sadi pima. ⁵ Kaba tadiki ya mesu ma nkabu pi kiadi ki mukwati kikuma kia mutwa ngolu, pi zonzi kwa mutu: "tandula koku diaku tandudi dia pi yesu wu mubeludi. ⁶ Mutangwa ya yina, ba farizi balubuki, pi ba sadi kinzonzi ya batu ba Herode pi basadi pfundu kikuma kwa yandi ni ba mu honda. ⁷ Hamana, Yesu ya ba thumwa bandi bendi ku lweka lwa nzadi pi kibuka kia batu batuki ku galile ti ku yuda ⁸ ye ku yeluzalemi, ku mbanza ya yuda, ya ku Idume pi ya kuna ku yordani, yaku ntoto za mubela bela ya Tir pi ya Sidoni: kibuka kia batu, ba yuki ma kasadiki bisi kwa yandi. ⁹ Wu zonzi kwa balonguki bandi, ba mu yidikila bwatu bwa khunda mu pila ni kibuka ki mukangisiku. ¹⁰ Khiawu ka beludiki batu bingi mu pila ni bwosu ba bakadiki ti maladi bazodiki ba kala mu bela bela kikuma kia kumusimba. ¹¹ Mu tangwa pefi za mbi za mu moniki za fukamiki ku twala yandi yeza nganiki: "nge wena mwana Nzambi." ¹² Ka ba heki tswa mu pila ni ba muzayisiku. ¹⁶ Wu tombuki ha zulu dia mongu, wu tedi bana ka zodi ye bisi mu bela bela ti ya. ¹⁴ Wu sodi kumi ya zodi wu ba tedi ba thumwa mu pila ni ba kala ti yandi ye ba kahitika kulonga ndinga Nzambi, ¹⁵ ti kiyeka kwa kukula pefi za mbi. ¹³ Wu sodi kumi ya zodi: Simoni wu ka heki zina dia Petelu." ¹⁷ Yakobi mwana zebede, yowani pangia yakobi wu ka heki zina dia Boanergesi, disongila ni mwana nzasi; ti ¹⁸ Andre, Philipi, Matayi, Tomas, Yakobi mwana wa Alphee Thadde, Simoni (Zeloti), ¹⁹ ti Yudasi Iskarioti wuna wu muteki. ²⁰ Kunima bendi ku nzu ye kibuka ki kutakani hika mu pila ni ba kukiku kudia madia ma bawu. ²¹ Mu thangwa dibutadiandi ba zayi mana disi dia mu monga khiawu dia zonzi: "wa kumi zoba." ²² Ba soniki ba katuki ku yeluzalemi ba zonzi ni: "kena ye pefi ya Beelzebul. Ye mu nzila pfumu za ba pefi za mbi ki kula pefi za mbi. ²³ Yesu wa ba tedi mu nziunga yandi ya ba samwani mu bingana: "kie pila satana ka fweti kula satana? ²⁴ Yuka kipfumu ki dikabudi khiawu ye khiawu, kipfumu kina kia zingoku hika. ²⁵ Yuka nzu yi dikabudi yawu ye yawu nzu yayi fwaniku ye zinga dihika. ²⁶ Yuka satana wu di tombuki di yandieni, wu di kabisi, ka kaloku ye ngolu ye mu mani. ²⁷ Kasi kweku mutu fwani ka kota mu nzua mutwa ngolu ye ka yiba bima biandi yuka kuthwala ka mukkangiku misinga mutuangolu yandu ye buna wu yibi nzuandi. ²⁸ Yi lusamwane bwa mukwedika: "masumu mosu ma batu ba balolulema. Ata ndinga za kusawula ba zonzi; ²⁹ kasi ndingayosu ya kusawula pefi ya santu ya lulukoku ye butu yandu wu bwi mu disumu dia konda tsuka. ³⁰ Yesu ka zonzi bwabu khiawu ba zonziki: "kena ya pefia mvindu." ³¹ Ngudiandi ti ba mpangi bandi bayakala bisi ye ba telemi ha nzila: ba hitiki mutu mosi ka ba tela. ³² kibuka kia kadi kiazakadi mu nziunga yandi ye mutu wuna zonzi: "ngudiaku ti ba pangi zaku ba yakala bena ha nzila ye bena pfunua ngeyi." ³³ yesu ku bavutuedi: "ba nani bena ngudiama ti ba pangi bama ba bayakala?" ³⁴ Kunima ka losi disu mu lweka dia baba ba mu ziungiki, wu zonzi: "talenu! tala ngudiama ti ba pangi zama ba bayakala. ³⁵ Wosu wuna wu sala luzolu lwa Nzambi, mutu wuna kena pangiama wa yakala, pangiama wa mukhetu ti ngudiama."