¹ Lwalu lwena luyandiku lwa nsangu za mboti za Yesu Khlisitu, mwana Nzambi. ² Kulandana ma basonika mu mukanda wa mbikudi izaya: "tala, yi hitika ngeziama kutwala ngeyi, yandi wa kuyidikila nzila. ³ Ndinga mutu mosi yi boki muna tsi makanga: "sungi kenu nzila ya pfumu sungi kenu nzila za nkeki. ⁴ Yowani wisi, ka botikiki muna tsi makanda pi, ka longiki mu kubaka mbotika ya kubalula mbundu, mu kubaka ndolula ya masumu. ⁵ Tsi yosu ya Yuda, pi batu bosu ba Yeluzalemi bendiki kwa yandi. Kaba botiki muna nzadi Yordani, kufunguna masumu ma bawu. ⁶ Yowani kavwatiki mikanda mia zi punda miakadi ya mwika, ya munkaba wa mukanda mbisimu luketu pi kadiki bilulu ye bwiki bwa mutseki. ⁷ Kalongiki, ye kayakudi: kunima dia meni ku kwisa wuna piti mu ngolu meni ye yeku ti tswa dia kukangula misnga mia tsapatu zandi. ⁸ Meni yi lubotika mu mamba: yandi ka lu botika mu pfefi ya longu. ⁹ Kisi tula mu kilumbuki mu mamba, wu moni zilu di kanguki pi pfefi yi tuluki bwosu yembi. ¹⁰ Bwosu Yesu kalubuki mu mamba, wu moni zilu di kanguki pi pfefi yi tuluki bwosu yembi. ¹¹ Ye ndinga yi yukani kuzulu "wena mwanama ya zolaka, wisi peka kiesi. ¹² Kunima pfefi yi munati kutsi makanga. ¹³ Kakadi mutsi makanga bilumbu makuma ya, muku hunuka kwena satana, kasingiki ya ba mbisi ba munseki pi ba wanzio ba mu sadisiki. ¹⁴ Kunima Yowani ba mu kwati, Yesu lubuki wendi ku ngalileyi mu kulonga ndinga Nzambi, ¹⁵ pi kazonziki: "tangwa yi fwani ye kipfumu kianzambi kiena mubela bela, balulenu mbundu pi kwikilenu mu tsangu za mboti." ¹⁶ Mu kuluta mu bela bela dia nzadia Galileya, wu moni Simoni ya Andre, pangia Simoni. balosiki bukondi mu mamba mu diambu bakadi ba lobi mbisi. ¹⁷ Yesu bazamwani: "lwisa, ndandenu yalukumisa benu bosu ba lobi ba batu." ¹⁸ Mumbala mosi, bayambudi bukondi pi bamulandi. ¹⁹ Bwosu Yesu kendiki mwana ntama fioti, wu moni Yakobu mwana Zebede ti pangiandi Yowani: bakadi mu bwatu, mu kku yidika bukondi. ²⁰ Wu batedi pi ba musisi tata bawu Zebede ya bansadi bahika muna bwatu pi ba mulandi. ²¹ Pi bendiku kapermahumu mukilu wendi munzua Nzambi mu kulonga. ²² Bakadi mu ngituka mu malongi mandi, mu diambu kabalongiki bwosu bwena pfumu, kasi bosu bansoniki. ²³ kaka mutangu ya yina, kwakadi ya mutu mosi, muna nzwa nzambi wa kadi ya pfefi ya mbi pi wa nganiki. ²⁴ Kazonzi, nki mambu twena mawu ya ngeyi Yesu wa Nazareti? keti wahisi mu kutuhonda? nzayi nani wena? wena musantu wa Nzambi. ²⁵ Yesu wu mu nganini pfefi ya mbi pi mu samwani: 'kanga munuaku pi pfefi ya mbi lubuki mu kati dia yandi. ²⁶ Pi pefi ya mbi yi mbwisi a tsi pi yilubuki pi wu zonzi ya ndinga ngolu. ²⁷ Pi batu bosu bakadi ye kiesi, pi badihuidi badi hwidi bawu ya bawu: "nki mambu ma? Malongi ma mpa ma kipfumu? kisikula ata pefi za mbi pi zimulemvukila." ²⁸ Pi nzanguki kuma kia yandi zipanzani kosu kuna kundambu ya galileya. ²⁹ Kunima ya kulubuka kunzwa Nzambi, bendi kunzwa Simoni ti Andre mukimvuka ya yakobu ti Yowani. ³⁰ Bukilo bwa Simoni kakadi wa kusundala, kaka di wa kubela pi bazonzi ma kwa Yesu. ³¹ Kunima yesu wisi pi wumu mongi ha moku, pi wu mu tedimisi, pi maladi ma mani, pi yandiki mu kumusadila. ³² Mu nkokila yayina, kunima ndiuka ya tangwa ba mu natina batu bosu kadi ya maladi pi ba bakadi ya ba pefi za mbi. ³³ Mbanza yosu yikutakani kutntuala kielo. ³⁴ ka beludi ba mbefu ba bakadi ya maladi ma kisaka saka pi kakudi pefi zambi kasi kahaniku nzila kwa pefi zambi ba zonza (ba yakula). Mudiambu kabazayiku. ³⁵ Wu telemi ya suka-suka diosu mu ki wa ta wata kia piba; wendi kuna kisika kimosi kia kingenga pi kwa kuna kwaka sambidi. ³⁶ Simoni ya ba kakadi ba mu dingiki. ³⁷ Bamu moni pi ba musamwani: "batu bosu bi kusosa." ³⁸ Wu basamwani: "ntwendenu kuma kwahika. Kunima ba mbanza zizena mu lweka mupila ni ya longa pi. Yi bwabuna yisila kwaku." ³⁹ Wendi ku tsi ya ngalileya yoso. Kalongiki mu zinzwa za Nzambi za bawu pi kakudi pefi ya mbi. ⁴⁰ Mutu mosi wa bwasi wisi kutwala yandi wu mu dodukidi pi wu fukami pi wu musamwani: "Ho, zodi wa mbelula." ⁴¹ Nkenda zi musadi, Yesu tandudi koku pi wumusimbi pi wumu samwani: "Nzodi beluka." ⁴² Mumbala mosi bwasi bukatuki, pi wu beluki." ⁴³ Yesu wumu kebisi pi mu yambwidi, ⁴⁴ Pi wumu samwani: "mekiku wa samwana mutu, kasi wenda wa disonga kwa banganga nzambi, pi tambika kikuma kia beluka kwa ku mama kalusamwani moyise bwosu bwena ki temu kia bawu.