1
Zide, tshadi wa yesu khidisitu, ye pangia Jaki, kwena bana ba yhuilaka ba pangi ba mboti mu bu nzambi tata ye ba bakebaka mu yesu khidisitu.
2
Yambula, lemvu, ngemba ye zola dia fwokulama.
3
Ba pangi bazola, ya kotisala kingolungolu mu kulusonikila mu diambu dia pulusu ya kimvuka. Ya zadi ya lusonilkila mu ku lulonga lwa nwanisa mu masonga mu kuma kia lukwikilu ba mwangi kwa bantumwa mu mbala mosi.
4
Mu bwawu kwa kota mu kisweki mu kati dia benu batu ba hika. Batu be bana ba solami mu ku monga ndola. ba konda lukwikilu ba sobaka ma mboti ma nzambi mu nzala za nitu,, ye bi bwisisa pfumwetu mosi longi ye pfumuetu yesu khidisitu.
5
Bubutwena, ya ko zola lubambukisa, (nzayi ni luzayibwa kedi) ni pfumu ka gulushi mbala mosi batu ba egypiti, kunima dia buna ka bebisi baba ba kwikidiku.
6
Ye dihika ba wandjio ba kebiku kisalu kia bawu ye kipfumu kiosu kasi ba losi bizika bia bawu.
7
Bwena bosu sodomu ye Gomolo ye mbanza za pfindama, ba bba luhani ba weni mu bizumba ye bi landa nzala za thotu. Ba ba hani bosu mbandu mu kuma kia baba monga ndola ya mbawu mvula ye mvula.
8
Bwa kala pila mosi, bosu ba nimbwia ndosi ba ba bebisaka lutu; bi losa kipfumu ye bi zonza mambu ma konda pfumu kwena gangwa bia khembu.
9
Keti pfumu'a ba wandjo Michela ha ba bendani ye diabulu ti kuyumana mukuma kia lutu lwa Moyise, ka mekiku ku sambisa mu ndinga za satana. kasi ka zonzi: "yambu nzambi ka kulolula!"
10
Kasi batu be bana ba tukanaka ma bazaya koku. ye ma bizaya (yi ma bambisi bi zaya mu ndindu) yi bia biba honda.
11
Kiadi mu diambu dia bawu! Mu sambu ba landi nzila ya kayinu ye ba dikotisi mu buzoba bwa Balaami mu kuma dia kuvwa bima. Ba mani fwa mu mvita ya Core.
12
Bena bima bia pamba mu ba feti ba beno ba makwela. Bi ta khinzi kanda tsoni, bi dia kaka sambu ba yukuta. Bena matuti ma khonda mvula, ba nataka ku pfundji. Bena miti mi mbangala mia konda mbuma. bena bitembu bia ngolu bia nzadi, binata tsoni za bawu mosi.
13
Bena ye thetimbwa zi yungana muki bwata pipa ye pipa ba ba swekila mvula ye mvula.
14
Enoki, mutu wa tsambwadi mu ndonga y'Adamu, ka zayisi kutwala ni: "talenu, pfumu ki kwisa ye bibuka ti bibuka bia ba santu.
15
Ki kwisa mu ku sambisa batu boosu. Ki kwisa tadisa Batu bosu ba mbi kikuma kia mambu ma bawu ba sala mu pila ya mbi, ye ndinga zosu za bu mvwandji ba tsumuki ba kwikiloku ba zonzi mu kuma kia yandi.
16
Bena batu bi bokuta bokuta ye bi yimayima, bi kwenda thinu lulendu, mu kuma kia mamboti ma bawu, bi lemvula bahika.
17
Kasi benu, ba pangi ba zola, bambukenu ndinga zi za zonzami kwena ba ntumwa ba pfumuetu yesu khidisitu. Balu songi ni:
18
"Mu thangu ya tsuka, kwa kala ya baseyi ba buna landa nzala za bawu za nitu."
19
Batu bana bi nata khabwana. bena batu ba thotu te beka ya pefi.
20
Kasi benu, ba pangi ba zola; tungenu benu benu mosi mu lukwikilu lwa kiedika ye sambenu pefi ya longu.
21
Kalenu kaka mu zola dia Nzambi ye lwa kinga lemvu dia pfumuetu yesu klidisitu dia lu natila luzingu lwa mvula ye mvula.
22
Kalenu ye lemvu kwena bana bena ye paka.
23
Bikisenu ba hika mu ku ba katula ku mbawu. Kwena ba hika, kalenu ye lemvu ye kubanga. Bwisenu keti miledi mia kubeba mu masumu ma nitu.
24
Bubutwena, kwena yandu wu zolaka luyidikila kubwa ye ki lu nata konda kifu ye kiesi ku twala yandi ye khembu, ya lukumu.
25
Kwena yandi mosi, nzambi wa pfumwetu mu nzila ya yesu khidisitu, kwa kala khembu, lukumu, luyalu, mukolu, lelu, ye mvula zosu. Ameni