¹ Bu bu twena ba pangi ba bayakala, sambenu mu kuma kia betu, mupila ni ndinga ya Nzambi ya yalumuka tsualu ye ya kumisama, bwosu bwena pila mosi ye benu ku ndambu yina. ² Sambenu ni twa hatuka kwena batu ba nganzio ye ba mbi, sambu ba bosu beku ye lukwikilu. ³ Kansi pfumu kena wa mboti wa luvutula ye ka lukeba kwena ba kwa khabu. ⁴ Twena ye kivuvu kwena pfumu mu kuma kia benu, ni lwena mu kusala ye lwa landa mu kusala mambu ma twa lu lombi. ⁵ Yambula pfumu ka twadisa mbundu zenu mu zola dia nzambi ye kikesa kia khidisitu. ⁶ Bubutwena ba pangi, tu lu heka tsua mu zina dia pfumwetu yesu khidisitu, ni lukadiku kimvuka ye ba mpangi bi zinga mu mambu ma thotu mambu ,misiku kwelana ye mama lwa mongi kwena betu. ⁷ Sambu be nwenu luzaya ni bwena pasi mu kutufwanikisa. Sambu twa singidiku mu kati kia benu bosu baba ba konda luzitu. ⁸ Ye twa diku bima bia mutu bia pamba konda lufuta. Sambu twa sadiki pipa ye mwini mu pila ya ngolu ye pasi, mu pila ni tu kadiku kizitu mu kuma kia benu. ⁹ Twa sadi moku sambu tweku ye tswa. Kasi, twa sadi bwa sambu twa kala mbandu kwena benu, mu pila ni lwa buna tu fwanikisa. ¹⁰ Ha twa kadi ye benu, twa lu heki nzila: "omona mutu ka bwisa kisalu, ka diku pi." ¹¹ Sambu twa yuki ni bahika mu kati dia benu bisiku zola kusala. Bisi kusala, kasi bena ba molu. ¹² Mu bwawu mu kuma kia batu ba buna, tu ba lomba ye tu ba longisila mu pfumwetu yesu khidisitu mu kusala ye ngemba ye ba dia madia ma baweni ¹³ Kasi benu ba pangi, lu yambudiku mu kusala mama mena mboti. ¹⁴ Omona kwena ye mutu ka lemvukiku mu ndinga za betu mu mukanda wawu, katukenu mubelabela ye yandi lu kadiku hika ye yandi ye kuna ka yyuka tsoni. ¹⁵ Lu mu mongiku bosu mbeni, kasi muzayisunu bosu pangi. ¹⁶ Yambula pfumu yandieni ka lu heka ngemba ko thangu ye mu mambu mosu. Kakala ye benu bosu. ¹⁷ meni Polu yilu heka mboti, mu moku mama bwosu ya sadi mu mikanda miosu. ¹⁸ Yambula lemvu dia pfumwetu yesu khidisitu dia kala ye benu bosu.