¹ Polu, Silivin, Timote, kwena dibundu dia tesalonika mu zina dia nzambi tetetu pi mu pfumu yesu kkhidisitu. ² Yambula ni dienga ye ngemba dia nzambi tata ye pfumu yesu khidisitu ma kala ye benu. ³ Ba phangi feti vutula matondu kwena nzambi mukuma kia benu. khiawu diena masonga, mudiambu lukwikilu lwa benu lwa yela bwingi, pi zola dia kosu mutu mu kati kia benu mi lukila mu kukuma ngolu. ⁴ Mu phila yina, thwena mu kusamwana mukuma kia benu ye lulendu mu kati kia dibundu dia Nzambi. Tu samwana mu kuma kia kubwisa mbundu pi mu kuma kia lukwikilu lu lwena kia phasi ma lumoni. ⁵ Diena kidimbu kia kieleka dia kusambisama dia nzambi. Ma tu zola landa ku tsuka diena ni lwa kala batu ba bafwani mu kipfumu kia nzambi ma lumonini phasi. ⁶ Mena makiedika nzambi ka hana kiadi kwena bana bi lu heka kiadi,, ka lukatula kizitu, benu lwena mu kiadi hanga betu. ⁷ ka sala bwa mu thangwa ka monika pfumu etu yesu ha ka katuka ku zulu ti ba wandjio ba ngolu. ⁸ Mu kati kia ludimu dia mbawu, ka vutula mbela kwena ba bisiku zaya nzambi ti ba bisiku ndima ndinga mboti ya pfumuetu yesu. ⁹ Ba monga ndola ya lufwa lwa konda tsuka thama ye kilunji kia pfumu pi ku lukumu dia ngolu zandi. ¹⁰ ka sala ma thangwa ka kwisa kulumbu kina mukuma ba mukumisa kwena batu bandi ye ba mumona kwena ba bi kwikila. Khiawu lukwikidi ku kimbangi kia betu. ¹¹ Mukuma kia bwabuna, tu sambila mbala ye mbala mukuma kia benu. Tu sambila mu phila ni Nzambi ka lumonga bwa kufwana mu ndingani. Tu samba mu phila ni ka lungisa konsu nzala ya mboti ti konsu kisalu kia lukwilu ti ngolu. ¹² tu samba mu phila yina mukuma ni zina dia pfumu yesu dia monga khembo. Tu samba ni lwa monga lukumu muna yandi, mu kuma kia dienga dia nzambi ye pfumu yesu khidisitu.