¹ Mbuta dibundu kwa mama wa solama kwa bana bandi ba ka zolaka mu masonga, kasi kweku ni meni hika, kasi ya bana bosu ba bazayi masonga. ² Mu kikuma kia masonga mi zinga mu kati kia benu pi mana mena ma kati kia beto tangwa zosu. ³ Yambula mamboti, mawa, ti ngemba ya kala ta benu mu zina dia Nzambi Tata pi mu zina dia Yesu Khlisitu, mwana tata, mu kati kati dia masonga ya zola. ⁴ yena ya kiesi kingi mu kumona bana ba hika ba ngeyi ki tambula mu kati kia masonga, kulandana tsiku katuheka Tata. ⁵ Butwena yisi kudodukila, mama, ka bwaku ni yisi kusonikina tsiku ya mpa, kasi tsiku yina twa monga banda luyandiku, ibwabuna twa zolana betu ya betu. ⁶ Zola diadina ditadila mukutambula bwosu bwena mitsiku. Yi yayina tsiku ba lulomba banda luyandiku, mu yayina lufweti tambula. ⁸ Bwabuna, batu ba pukumuni balubuki bingi pi ba koti mu tsi thotu. Haman bisikuzola ba zaya ni Yesu Khlisitu kisa mu lutu. Yanduna kima kina pukumi ni pi mbenia khlisitu. ⁷ Keba mukati kia ngeyi pila ni lu vidisiku mbuma za kisalu, kasi lwa monga lusakumunu lua kufuluka. ⁹ Mutu wosu wi kwenda ntama kasi kisiku zinga mu malongi ma khlisitu keku ya Nzambi. Wuna wisi zinga mu malongi ma khlisitu kena ya tata ye mwana. ¹⁰ Ho, mutu kisa kunzuenu, oh katu natiniku malongi ma lwena bawu benu lumuyambiku pi lumu hekiku mboti. ¹¹ Wuna wa mu heka mboti, kisi vukana ti bisalu biandi bia masumu. ¹² Yena ya mambu mingi mu kulusonikila kasi, yisiku zola ye lusonikilewa ti papie ti tinda. Kasi yi yindu yikwisa lutala pi to solula betu ya betu mu pila ni kiesi kietu kia lungisa. ¹³ Bana ba pangi'aku ba kuheki mboti.