¹ Petelu, muyekudi wa Yesu-Khlisitu, kwa ba nzenza bena ndambu ye ndambu, kwa bana ba solama ha kati dia pont, dia galasi, dia cappadoce, dia Azia ye Bithyn. ² Mukutela nzayilu ya thwala ya nzmbi tata wa ba sola mu pefi mukuma kia bulemvu ye mukuma ba kota mu nzila menga ma Yesu ma panzana. yambula mamboti makala ha zulu dia benu ye pi ngemba ya benu ya kala yingi. ³ Yambula Nzambi ye tata wa pfumuetu yesu-Khlisitu kaskumuka! mu khenda nzandi zingi, wa tu heka lubutuku lwa pa mukuma kia vuvu kia ki mvwama. ⁴ Ki mvwama kiaki kiena mu nzila ya lufutumuku lwa yesu mukati dia bafwa. ⁵ Kiaki kiena mukuma kia ki mvwama kina kia fwoku, kia kumoku mvindu, ye kia beboku. kiaki ba lu silekia ku zulu. ⁶ Lusepila mu mambu mana, ata bu twena bwabu bwena pfunu ni lwa yuka kiadi mukuma kia minioku mia pila ye pila. Mana mena bwabuna mupila ni lukwikilu lwenu lwa mekama, lukwikilu lwalu lwena kuluta mbalu wolo dina dia bebaka ata yuka lu mekama mu mbawu. ⁷ biabi bi kwisa mupilanii lukwikilu lwenu lwa monga bwosu lufutu khembu, lukumu ye luzingu mu kukwisa kwa yesu-khlisitu. ⁸ Lwa mu moniku, kasi lu mu zola. lwisiku mu mona butwena, kasi lu mu zola. Luisiku mu mona butwena, kasi lu kwikila mwena yandi ye lwena ba kuyalama ti biesi kisiku mana ti kia lukumu. ⁹ Bu twena, lu monga bwosu lufutu lwa lukwikilu lwenu, phulusu ya moyu wenu. ¹⁰ Phulusu yayi ye dienga (mamboti) diadi ba lubumbidi, dia hani kisalu kia kusosa ti kia kusengumuna kwena ba mbikudi. ¹¹ Ba soniki ba zaya mwena nani ye khia thangwa pefi ya khlisitu yakadi mwena bawu ya ba zonzidiki. Mana ma hitiki mu thangwa di ka ba samwanaki ku thwala mapasi ma khlidisitu ti ba lukumu ba kwisa kunima. ¹² Ba ba monisi ni ba sadidi kiku baweni, kasi benu, tengwa di ba zonzidiki mambu ma bibusamwana butwena kwena baba bi lulonga tsamwana bukheti mu lusadisu ya bizola ba wanzio ba monema. ¹³ Yibuna, kalenu ba kuyilama. Kalenu bwosu batu ba pamba. Mongenu bivuvu kiosu mu dienga ba lunatina mu ku kwisa kwa yesu-khlisitu. ¹⁴ Bwosu bana ba bulemvu, lu landikiku nzala zi lwa landiki thangwa dina lwa zayikiku. ¹⁵ Kasi bwosu wuna wa lutela kena longu, benu pi, kalenu ba santu mu ku tambula kwenu kwa mvimba. ¹⁶ Khiawu ba sonika: "kalenu santu khiawu menieni yena santu." ¹⁷ Eyuka lutela "tata" wuna wu sambisa pila kisalu kia bosu wuna, lutisenu thangu ya nzietelu yenu muku mubanga. ¹⁸ Luzaya ni keku ti mbongu to wolu dia fwaka batu sumba mu luzingu lwa pamba luta tanbudiki, twa longuka kwa ba tata betu. ¹⁹ Kasi, ba lusumbi ti menga ma thalu ma khidisitu wa kadi bwosu mwana dimemi dia konda kifuti mwindu. ²⁰ Khidisitu ba musodi ku ntwala thotu ya kala, kasi butwena, mu bilumbu biabi bia tsuka, batu monisa yandi. ²¹ Tu kwikila mu Nzambi mu nzila yandi, wa mutedimisa mukati dia ba fwa ye ba heka lukumu mupila ni lukwikilu lwenu ti kivuvu kienu kia zakala ni ha thandwa Nzambi. ²² Lwa kumisi mioyu mienu mia kasemi mu kulefuka ku masonga. Mama mukuma kia zola dia ba pangi ti die kieleka, zolanenu bwingi benu ya benu mukati kwa thima zenu. ²³ Lwa butuka batu ba pa, loni mu luzingu luna lwa fwaka, ksi mu nzila luzingu ya moyu ti solakoku ya Nzambi. ²⁴ Khiawu "lutu lwosu lufwanina ku matiti, ye lukumu lwosu lufwanana ku kithundu kia matiti. Matiti mi yumuka ye bithundu ki bwi. ²⁵ Kasi ndinga ya pfumu ya kala ki makulu. Yina tsangwa mboti ya ba luzayisa.