1
Sésu a yambila yawu re: ne ungienze ne ungienze ma yambila yenu ve puasieyenu ghu bana basaka fu ghu gha laba bundumbe bu Nzambi bu gwitsa ne ngudi.
2
Re mu tsufu isamenu, Sesu a bonge Pierre, Sâ ne sake a yenda nawu ghu yulu mukongu. Re a kalugha va mehusu mawu.
3
Mbalengandi yi kademenga, biduari biandi bi na fugha, difughu di ne ngueyi ngueyi, ne mutsukitsi a sa rungula hu fugisa nana.
4
Re vana Elie ne Muïse ba tsanga.
5
Kere vana Pierre ne mu yambila re: mulongitsi ! singe ra dirungiliyu tulu nziye yi reru: imosi yiaghu, yi mubeyi yi Elie, na yi mu reru yi Muïse.
6
Pierre a sa yaba di wu kalula, re bana bayikitsi ba lagha mutsi.
7
Dibungui di ne pite yawu, ra ba yulu dufi di yambile re: wuwu re muanami wu dironde yululuanu yandi.
8
Vane ne vane ba babemine tsélu ne tsélu bese labe mutu, vengu ne Sésu .
9
Va ghulumughenge yawu mukongu, a na veghawu mughandi re motsu matse labe yénu, di ya yambile mutu, kuanga ne vake fuangughu muane mutu ghu difu.
10
Ba kiele ndongiene, ne ba ghaghenenge yawu na yawu re : urambughe ghu difu ndegi.
11
Bane tombe yandi nzidu yiyi: mughi barenditsi baka yambile re buedi Elie a rughi mereghe?
12
Aghabusile yawu re: Elie a ghu rughe marèghe ghu kunze mambu motsu. Mughi ba vaghe ghu mirendu re: muane mutu a laba maghughe ve puasi batu ba baka koli yandi?
13
Te mayambile yenu re Elie atse rughe, re ba veghe yandi motsu ma ronde yawu, ngu na va yambile mo ghu musamu wu Nzambi.
14
Va ghabughu yawu va mbure yi bile bane bayikitsi, ba daghise yawu ghu ghare piti yi yinene, be be tenditsi ba tsundenge nawu.
15
Va labe yawu Sésu, piti yibile ne igniunge, ba yende ba mbaghu ghu bengusunu yandi, ba ne sambene nandi.
16
A ne tomba ba yikitsi bandi re yenu di ghone tsunde nawu nde ghi?
17
Mutu umosi va piti a yagula yandi re: Mulonzitsi, mama beghilili yu muanami, ande ne digniugni dibive, dighone dinghone dibighe ya ne mune, re dighone yambusa yandi.
18
Ne wughuérise minu. Me tse tomba ba yikitsi baghu re ba yobuli yandi, te ba sa rungule.
19
A re yaghule yawu re batu bane bane mirime mi wiuri, makiési ma kuè maghu bile nenu? ma ghu rungule kiele yenu kuanga ne ghuni?
20
Bane beghile yandi muane ketime digniugni di bive di labe Sésu di kienze Sésu di yambuse muane, a na lagha va tsi ne dikiengui di vata ghu mune wandi.
21
Sésu a yubule tayandi re: a me tsinge nana? tayi a ne yaghule re: ne va buru yandi.
22
Digniugni di bive dika veri yandi ghu mbawu, ne ghu mambe, mu mange boke yandi. Ghayi irungule vaghile yetu ivave, laba yetu dinguiebe ne, yamune yetu.
23
Sésu a ghabusile re: gha irungule, motsu make me yelimine ghu mutu wu ne ghitu.
24
Ne vane ne vana, tayi muana a yame mundunge re: mane ghitu, Labe me dinguieba mu murima wami wu wiri.
25
Va labe Sésu piti yi ghone yitse ghu yawu, a ghabuse digniugni di bive a ne yambile re: ma yambile yu re: vata mu gnuru muane ya be ghabughu.
26
A ne yama mundunge umunene, a ne vere muane vatsi, wu ne be yambughu, kére are vate. Muana wubile keke gha fumbi ne piti bayambilenge re atse fu.
27
Te Sesu a ghangile ya mu ghoghu, a ne rambusa yandi re muane wu teleme.
28
Va gningene Sesu ghu ndaghu, bayikitsi bandi ba tombe yandi ghu disuele re: mughi yetu disa rungule upunze digniugni dibive?
29
A ghabusile yawu re: munongu wu magniugni mame na maka punzu ke ne disambulu.
30
Ba burughu vana, nu vioghile di Galilée Sésu ase ronde re mutu a yabi ghu bile yawu.
31
Mbara a nenzenge bayikitsi bandi. A yambile yawu re: muane mutu a ghu yakusu mu makaka ma batu make bokise yandi. Veka fu yandi, a ghu fuangughe mu tsufu yi mu reru.
32
Te base ditighe iyambilitsi ghighine,ne base be rungule utombe.
33
Ba pule ghu capernaum. Va gningene yawu ghu ndaghu, a ne tomba bayikitsi bandi re: Yénu dighone yambile nde maghi mu nzile yotsu?
34
Vane babile ke ne sui mumbare ba bane uyabe wu ke bile ivunde.
35
A tsaghele ne atsitse dighumi ne ba beyi yawu botsu, re ne ba yambile re: ve puasi yenu wu ke ronda ubila maregha a bila menzima ma botsu ne usalile botsu.
36
A bonga muana wu mukieki wu mosi re ne usunze yandi va ghane ghare awu. A ghangile yandi mu make mandi ne yambile re
37
Te wotsu uke singe muana gha wuwu mu dine diami, a sa singe gha mapidze, te ne wu tse sindigheme.
38
Sā a ne yambile yandi re: Mulongitsi yetu ditse laba mutu apunze magniugni ma bive mu dine diaghu, ne ditse kale yandi mumbare asandi netu.
39
Te Sésu a yambile re: diya kal yandi mumbare ghu sa mutu uke rungule wu vaghe isalu ghighine mu dina diami ne urungule uyambilileme buandzi.
40
Wusa ne ibène nétu ayi netu.
41
Te uke veghe yenu kopu mambe mudisine disine di Christ. Me yambile yénu nungiènze, A sake tsiemuse musènde wandi.
42
Te wotsu uke séndule umosi wu ne ghitu mu me va ghane gharénu, buédi re dine tunge yandi gnundu mu dighore ne muvere ghu mubu.
43
Gha ghoghu wuaghu wu kobisi yu, tabule wuo.
44
Mbara nonga re igningini ghu mognu wu mubu ne mubu ne ghoghu wu tabulu sa nu bila ne mioghu mibeyi nu yende ghu mbure imaghughe, ghu mbawu yi mubu ne mubu.
45
Gha ghioru ghiaghu ghi laghisa yu tabula ghio, bouedi ghu yu mu gningene ghu bundumbe
46
bu fumu ne ghioru ghimosi sa wubile ne bioru bibeyi ne uveru. ghu mbure yi magughe.
47
Gha disu diaghu di sendule yu,lobule dio, buedi re igningini ghu bundumbe bu fumu ne disu dimosi,sa nubile ne misu motsu mebeyi ne wu veru ghu maghughe,
48
Ghu ghiusule, ne mbawu yigha tsime.
49
Mumbare mutu wuotsu a ghu bi ne ilele ghi mbawu.
50
Kiebu ivava ghighigni, te gha amatsiemuse ilele, dine, bungudu bu ghabuse ilele guiene. Bilanu kiebu mu yenu bene ne polu va puasénu.