¹ Va maghiélu, bivunde bi mipere ne bivunde bi mabundu ba Sifu baghukema mubene masughe ma ufurighile Sésu va wusu Muvernere wu Rome, baghole bawu ba kate yandi mikudu, bane baghèndi ghu Pilate muvernere. ² Muvernere Pilate, nu yubulu Sésu re : Yire Fumu ba Sifua ? S ésu nuwu yaghalu re itse mane yambile. ³ Yivunde ghi mipere afurighili Sésu re atse vaghe mambu mamabi. ⁴ Pilate atombe yandi re: yisane diambu di wukalula? Yise ghone yulu mambu motsu maba ghone furighiliyu re itse vagha? ⁵ Avane Sésu asbe konde yembile. Va labendi nane, Pilate a ghibema. ⁶ Babi ne yifu mu bilime biotsu mu dikiési di pâke, Muvernere a pusenge mutu mosi ghu tsughu. Mutu mosi wutombungu ne piti mupuse ghu tsughu. Dikiési dièna ghu bilenge mutu utsitsunge re: ⁷ Barabas, a bile ghu tsughu ne batu bamosi, yawu bavaghenge mambu mamabi ne base ghobisange muvernere wu Rome. ⁸ Piti yighoghule ghu Pilate mutombe re gnangumuse mutu umosi gha mu yifu ghiawu. ⁹ Pilate a ghabusile yawure: Dighone ronde re magnangumusili yénu mutu wu itsuku ghénu ghi ghone yambile re yendi re Ivundeghiénua ? ¹⁰ Ayambile nane mumbare mu mambu maronde vaghe Ivunde ghi mupere muyandi. Ba furighile Sésu mumbara yawu ba bile ne ngusu mu yandi, ne mbili batu ba kalughu bayikitsi bandi. ¹¹ Bivunda bi mipere basindighe piti muye tombe pilate ra gnangumuse Barabas ve ivinge ghi Sésu. ¹² Pilate ne ghabuse yawu re: ghama gnangemuse Barabas, yénu di ronde re mavaghi nde ghi ghu Fumuénu? ¹³ Re bane yase mindunge pepe, ghominanu yandi. ¹⁴ Pilate ne ghabusile yawu re: ndu mwighi? Atse boke nde mutuá? Yawu nu wughuase yase ghu ghayulu: Ghominanu yandi! ¹⁵ Ne Pilate a ronde ughobise piti, ane puse Barabas. Re baghole bandi bane fwuinze Sésu. Kere vana Pilate ane yambile ghu baghole re: ghominanu yandi. ¹⁶ Baghole bare baghe Sésu ghu ghare nzimbawu, re babe gianzenge wisi wene rebane tsingendi. ¹⁷ Va ghukeghene yawu bare sunze yèndi ilinge ghine dibake dibenge. Mane dwuise yandi yipughu ghi vandu yawu ne batsende ghu muru. ¹⁸ Basimbene nèndi naka simbunu ne bivundu mudète yèndi, bane yambile nèndi re mboluaghu Yivunde ghi Basifu! ¹⁹ Bare dimbe yèndi makièsi mambili ghu muru nu mulubi, re bane tulile ya makiéngi, bare sumele yèndi maghonungu mufure ghobuse yèndi. ²⁰ Va mane yawu udete yandi bane burulandi dingoyi di bènge bare dwuise ya mangoyi mandi mu beghe ya ghu dimbu muye mu ghomine mu kurusu. Mutu ulughu re Simu mwisi Sirène tayi yi Alexendre ne Rufus a bengunu nawu. ²¹ A vioghenge vane va burughu yandi ghu dimbu. Baghole ba tsitse yandi muyamune Sésu munagule kurusu. ²² Baghole babèghenge umosi ne umosi ghu yitsigha yi tsitsungu re Golgotha, divindughulu re yibokulu ghi batu. ²³ Bayelighe veghe yandi malamu maputusune ne myre, ase singe wunu mò. Kera ba bonge biduari biandi. ²⁴ Bane ghomine yandi va kurusu. Bavaghe yighalu kere vana baghabene biduari biandi yawu ne yawu. ²⁵ Va pule maghwere mareru, baghomine yandi. ²⁶ Batènde mirendu midisine di ghomine yandi mukuruandi. Mirendu miène mi téndu re: Fumu yi Basifu. ²⁷ Baghumine mibongi mibeyi nandi. ²⁸ Wuna ghu mabaghala wuna ghu maghiètu. ²⁹ Baba bavioghenga basengenge yandi ne utséngise miuru miahu ne vaghe re: ah ! Yu utse vaghanga re maghu panze Ndaghu Nzambi nu urunge yo mu tsufu iréru, ³⁰ gha yi rungulu vaghe nané, potughu yibène ne sunde ghu kurusu. ³¹ Bivunde bimipère yawu milonzi mimighagha miba Sifu ba sèva Sésu. Ba yambilenge yawu ne yawu re: nga wuwu re wutse yobulenge batu, ra ase rungule yobughu yabènea? ³² Yandi ayèmbilenge re: Christi nga re ma, Fumu yive yulu bisi Israel re mabène. Mbe mambu mayambila yandi mabile mayélimine, mbe atse sunda ghu kurusua. Kere vana dighu bile ne ghitu mu yandi. Batu babeyi babaghomunu va tunguandi basènge yandi. ³³ Mu dighère di musamunu tséngi yotsu yi yide, divisma dibile kuanga ne ve dighuère di yiwè. ³⁴ Mudighuère di yiwè, Sésu a yame mundunge rè: Eloï, Eloï, Lama sabachthni ? divindughulu re : Nzambiami, Nzambiami mwuighi itse gnangumuseme ? ³⁵ Va yulu batu babe sale vana na yambile yandi re Eloï, vase gnighughulu yawu buédi, bayambile re: yuluanu ! a ma tsitse Mubighitsi Eli ! ³⁶ Umosi ve ghane gharawu alènze yènda ne ubonge dibuyi dibasu ne malamu mangagni. A tsokighe dibuyi dièna ghu kodu mulubi, ne usongise wò ghu Sésu mure ake tsutse. Dilèbilianu dike laba munongu mosi naveke sundusuandi va Kurusu ne Eli ! ³⁷ Kare vane Sésu a buamughe pèpa dignugni divata ne afu. ³⁸ Va dikiési dièna, dumbu di Ndaghu Nzambi dikakughu mu bibéyi bande ghu yulu kuanga ne ghutsi. ³⁹ Yivunde ghi baghole ghi bile vafu Sésu va kurusu, asimine re: Ngiènza mutu wuwu ke time Mwane Nzambi ! ⁴⁰ Ghubile dikabu dibaghiétu dibéminenge motsu mana ghu vale. Va puasawu, ghubile Mèri yi Maghdala, ghu bile Mèri yi nguyi Sake yingièbe yane Sosé. Ne muanuwu Salomé koke. ⁴¹ Ba landange Sésu ghu yenda yandi ghu Ghalilee, bavèghe biotsu birondenge yandi. Yawu botsu bapula nendi ghu Sérusalem. ⁴² Va bande yide wisi, mumbare bile re wisi wu pangile sabbat, wisi wuwu tunge mambu, Mutu ytsitsungu re Suséfu yi tsitsungu re Suséfu yi Arimanthée a ruge. ⁴³ Ya mutu wughobisange yawu ghu ghare tsughu yi basifu. Ya koke avingilinge utsombughulu bu bufumu bu Nzambi. Ya ne uyènde ghu Pilate muyé tombandi magnuru ma Sésu ghugha la yandi woma. ⁴⁴ Pilate a la pagha va yuluandi re Sésu asa tsinge nuwufu. Ane tsitse, ne tombe mughole wu yiyivunde re gha Sésu atse manefu. ⁴⁵ Va yaghulu yandi ni yivunde ghi baghola ra atse mane ufu, kere vana avèghe Suséfu fumbi. ⁴⁶ Suséfu ne usumbe ikutu ghi ne vè, ane sundise yandi va kurusu. Ane pite yandi ne tsande yi fughe, ne verèndi ghu songu yibuku ghu dimagni di yi lale. Kere vane ane bèndighe dimègni va mure songu. ⁴⁷ Mèri ma mwisi Maghdala ne Mèri nguyi Soses babéminenge ghu yawu basunza yandi.