¹ Mudikiési di wuisi upâcque, Ne mapē ma gha randusu ne lévure. Bivunde bi mipère ne baténditsi ba Katile Sésu pangu nu bène disughe di ughange yendi muboke. ² Bayinzeghenenge re: Sa buédi dire bile mu wusi uPâques mure batu bakére mu kambughile. ³ Va bile Sésu ghu Bétanie ghu ndaghu Simu nge makiédi, va bile yawu ba ghone yi, mughiétu wu mosi agningene ne Muyombu albâtre wu difunu didinene. Adibule wo, ne wuyitile ghu yulu ndungzi yi Sésu. ⁴ Bane bélabe paghe nu vuasghenengue va ghane gharawu re: “Disine dimebungu muboti muyombu wuwe Nde ghi? ⁵ Muyombu wune wu gha sumbusu, mbé dighu dile mbili badole mughabile masandi Ba mu bétile. ⁶ Sésu a yiambile yawu re: Sisanu yandi. Mughi yénu dina tsirise murime wandi? Yandi ama vaghile me nde diambu dibuédi. ⁷ A yiénu, wusi wotsu dikalabeni ne masandi. Makiési motsu make bila yénu ne batsongu, divaghilinge yawu magni. Gha ma, masake bilengue nénu wisi wotsu. ⁸ Atse vaghileme diambu dinguièdze. Yiandi atse palile yiotse gniuruami ne ghi wuvéru ghu songu. ⁹ Nunguièdze ma yambile yénu Buédi re: makiési motsu make londzengue yénu tsangu yiyigni kuange ne va ke dughule mo bulongu buotsu, diâmbu ditse vaghe mughiétu wuwu disake tsimbunu. ¹⁰ Va yulu vana, Juda Yscariote muyikitsi wu bile ghu ghare dighumi ne batu ba béyi, ayènde ghu kate pangu ne bivunde bibayokitsi ba malaghu; mumbare a bènengue disughe mu ghabe yiandi ghu yiawu. ¹¹ Va labe yawu re fundu yitse kate yawu itse suèkema, balabe wugni, ne uyambile re: divèghe yèndi dilèmbe di pumbu. Va yulu vane; abènengue kéke disughe ne dikiési di wu ghabe yandi. ¹² Wuisi wu marèghe wu Pâque ne mape magha randusu, va boke yawu mandombe mawuyi ne bighuyi bi pâque, bayikitsi bandi batombandi re: Ironde! diviose pâque nde ghugni? Mure yike yi? ¹³ Yandi a sindighe bayikitsi bandi babéyi nu yambile yawu rè: yèndanu ghu dimbu. Dighu labe mutu a pape tsuve mambe. Yiénu dimulande. ¹⁴ Vake gninguene yia ghu ndaghu, di yié tombe ngo ndaghu re: Fumu yare: "Irini ghi yitse ghukighile me ghinde ghuni? Ghuna, re ghudike yi bighuyi bi pâque ne bayikitsi bâmi.“ ¹⁵ A ghu ritsighe yénu ghu ndaghu yi yulu, irini ghighinène ne biotsu bi dughe. Ghune re ghuke suékighe yénu mumbu. ¹⁶ Bayikitsi bandi ba leleme nu gninguene ghu dimbu. Ba yédaghise mambu motsu ke na suékighe yandi. Va yulu vana, basingenenge kéke nu wulambe bighuyi bi pâque. ¹⁷ Ne Tsisighe, abile ne bayikitsi bandi botsu; babile dighumi ne babéyi. ¹⁸ Dikiési di singenenge yawu ne wuyi, Sésu a yambile nawu re: Nungièdze ma yambile yénu! ghuyi mutu wu mosi va ghane gharénu aghu ghabe me. ¹⁹ Yiawu botsu babile kéke ne Nzumburu. Ne muane muane a mu tombengue ré: "Matase re: sa me? ²⁰ Sésu a yambile yawu re: ghuyi mutu va ghane gharénu, re wu na lobe dipē diandi gu yipèle nami. ²¹ Mumbare muane mutu a ghu burughu mu tsiyi, ke na ve rende yawu mu mighande mi mabighu ma sungeme. Te muloghu ghu mutu wu ke bile ghu disine di wu ghabe muane mutu. Diambu dibuédi ghu mutu wune; mbé ase buru mu tséngi yiyi. ²² Va bile yiawu bayi, Sésu abonge dipē are ghabuse digni, nu tabule dio, nu vèghe yawu,nu yambile re: Yianganu, yine re gniuru ami. ²³ Va yulu vana nu bé bongue kopu mambe, va mana yandi wu ghabuse digni, nu be vèghe yawu botsu. barenu. ²⁴ Are ba yiambile re: "Mame re malungu mami, ilimbe ghi dironde. Malungu mane make tsole mu yiobule bambili. ²⁵ Nungièdze ma yambile yénu, ma sake bénu mambe nénu kuanga ne mu wuisi wuke bile manénu botsu ghu mbughe Nzambi. ²⁶ Bayimbengue mimbu ma diyayi diène. Va yulu vane, bayènde ghu yulu Mukongu wu ba Olivier. ²⁷ Sésu a yiambile yawu re: “Yénu botsu dighu padzighileme. Mu diâmbu diami. Mumbare diténdu mu mabighu ma Nzambri re: Maghu boke mukiélitsi mandombe, ne mandombe maghu Tsamughu tsélu ne tsélu. ²⁸ Va yulu vana maghu bé rambughu; mu réghilile yénu ghu Galilé. ²⁹ Pierre a mu sighimise re gha bambatsi barune yu, ma Sake rune yu. ³⁰ Ne Sésu aghabusile yandi re: “Nunguièdze ma yiambile yu: Ne dibati didi, coqu ne ghi ne kore, makore ma béyi, yi ghu rune marunu ma réru. ³¹ Pierre a mughabusile re: “Nisi matse boku ma naghu, ma sake rune yu. Ne yawu botsu bayambile munongu umosi. ³² Va burughu yawu vana, ba yènde ghu Gethsémané, Sésu a yambile ne ba yikitsi bandi: Salanu vave! make nene yènde ghu sambile. ³³ Re ayènde ne Pierre, Sack ne Sā, va yulu vana are labe pãghe yimbili. ³⁴ Yandi nu yambile yawu re: “Mase ghone labe buéde ghu didigniugni diâmi kuangue ne ghu difu. Sambilanu diya yié biolu. ³⁵ Sésu a ghoghule pésu, nu gningene ghu disambulu; nu vaghe rè: Mbé maghughe mame mane ghabughu ghu vala. ³⁶ Nu yambile rè: Abba Tate! Mambu motsu make mayélimine va misu maghu, mana bène mure maghughe mana labeme vave, maburughi. Sa naronde me; véngu na donde yu. ³⁷ Va be ghabughe yandi, a daghise yawu ke biolu, nu be rambuse Pierre re: Simu! Yike ghiolua? Ise rungule bile musighi nisi ma dighuèru dimosia? ³⁸ Bile musighi, nu Sambile yi kére laghe ve kitse dimangu. Digniugni dine bungudu, te Mubighitsi uke utsire. ³⁹ Ne yandi a be ghabughu mu sambile nughabughile sighimise ke mambu mène. ⁴⁰ Are bé rughe nu daghise yawu ke biolu, mumbare misu mowu ma bile koke ne timbile ne ghiolu. Base bile ne dibighu di upuse. ⁴¹ Va yandi a bé rughile yiawu di muréru; a be yambile yawu re: yénu kaghu dike matsaghele nu timbe biolua? Dikiési dima pule. ⁴² Yiabanu re muane nzambi ame ghabu mu mioghu mi batu bababi. têlemanu wukanu. ⁴³ Va singuenenge yawu nu yambila, ba labe re Sudas, wu bile ghu ghare dighumi di bayikitsi ne bayikitsi babéyi atsangue ne dibadi. Bane, ne mayènge, basusu ne batolu. Ba sindughu ne bivunde bi mipère ne baténditsi ba mambi ma nzambi, ne bivunde bi mabundu. ⁴⁴ Wu ghabe yandi amane vêghe yawu ilimbe re: Vake labe yénu wu make sambene nandi, ke bile re mutu wuène. Yénu dighangue yandi, nu kundze mu kièle, va keyende yénu nandi. ⁴⁵ Va tsombughu Sudas, a sungeme ke va bi Sésu ne mu yambile re: “Fumu!“ ne yandi asambene nandi. ⁴⁶ Yawu ba sundile keke wu ghangue yandi. ⁴⁷ Vane ne vane, umosi ve ghanegharawe, avatise diyenge, nudimbe musalitsi wu muyokitsi manzolu, nutabule ya ghiaru. ⁴⁸ Sésu a yambile nawu re: yénu dimitse ghu me ne biluani wère mande mubongui? ⁴⁹ Nisi na vure londze ngeme wusi wotsu ghu ndaghu nzambi, yénu dise bène ghangeme. Dima vaghe dio ne mugni ke mure mambu ma bighu mu mighande mi mabighu ma nzambi make supughu. ⁵⁰ Ne botsu bababile nandi, ba mu padzighile, nu rinandi. ⁵¹ Ghu bile mu fudu dibaghele wu landengue yandi. Abi ke ne tsande pindze yifughe mu gniuru, va yawu ba mangue ghangue yandi, ⁵² asundile que wurine muniague, nu sambule tsande. ⁵³ Ba yende ne Sésu ghu mbughe ivunde ghi mighaghe, ghune ghu bile ne bivunde bika londzi mabighu ma Nzambi ne babaka supulili mambu ma réndu kale ne kale. ⁵⁴ Pierre a landa yawu nu sale madzime va gningene yandi ghu dikange di yivunde ghi mighagha. Ne yia nu tsaghele mu yiore mbawu ne baghole. ⁵⁵ Bivunde bi mipère, ne bimilondzi, ne bi mabundu ba bène batu ba wu va bumuégni bu bive mu Sésu, mure bake dile disughe mu veghe yandi mbèle mure bake mu boke. Te base dile dio. ⁵⁶ Mumbare ba mbili bayambilengue ke mawufure. Bumuégni bu mambu ma pusa yawu, mase biangue ne madite, ne bafurenge mambu mène kufure. ⁵⁷ Bane be telmengue ke mu furighile yia mambu ne wu yambile re: ⁵⁸ Di yulu na yiambile yiandi re: “Ma ghu padze ndaghu Nzambi yiye. Yirungu ne mioghu mi batu. Ne va yulu vana, ma ghu bé télighe yisusu yi gha rungu ne mioghu mi batu mu tsufu yiréru. ⁵⁹ Nisi mu diambu diène, mayambilenge yawu mase béngunungu. ⁶⁰ yivunde ghi mipère nuteleme va ghane gharawu, yia nu tombe Sésu rè: “Yi sandi ne mukalu mu mambu motsu maghone kundu yua? ⁶¹ Te yandi abile ne sui, ghu gha vêghe mukalu. Ngundze milondzi a békonde tombe ya gnivu yiyi: yire Christ, muane wu véghu miula? ⁶² Sésu a yaghule re: “ Re me.“ Ne yi ghu labe muane mutu, va ke bile yandi matsagha va mabaghele ma bungudu bu nzambi ne na ke bé sunde yandi mu yulu dibungui. ⁶³ Va yulu yivunde ghi mipère mukalu vuèna, a sundile ke wu kake biduari bi yabène nu yambile ré: ⁶⁴ “A vave dighu bébile ne nzale bimuégna? Yénu bène ditse mane yulu na ma yambile yandi. Ghu kiéluénu dironde tabule mutsundu wuwe nde tségni? Ne yawu bakalule re: vengu a boku kuboku. ⁶⁵ Ne Bamutulile makiéngi, nu ubambule ya bambakule, ne wu dèta yandi, nu yambila yandi re: bighe!More and baghole bayende nandi, nu yé Dimba yandi. ⁶⁶ Va bile Pierre va dikangue, mu salitsi wu yivunde ghi mipère a ghoghule va mbarandi. ⁶⁷ Are mu daghise va bitsighe ghi yorenge yandi mbawu. Akundze baghusunu yandi, ne mu tombe re: Ne yu itse biangenge ne Sésu muisi Nazareth, ⁶⁸ te yandi a rune! nu calule re: “Mase yabe! nu yulusunu diâmbu diyina tombe me. Ne yandi a lenze wu vate ghu dikangue. Koqu nu kore. ⁶⁹ Va bile ya ghu kane ghuna, musalitsi nu bé mu laba, amu tsusise. Va bande yandi wu gnighule botsu babatsinge yandi re: “Time mutu wuwe abile ghu ghare batu bandi.“ ⁷⁰ A be konde wu rune. Mua dikiési ne wu vioghe botsu baba bile vana babé yambile Pierre rè: “Matase ne yu yikingenge nawu mumbare inde muisi Galilé.“ ⁷¹ Va yulu vane, abande ugningene ghu nzile yi muloghu. ya nu mane motsu, asighimisenge rè: “Ma wotsu ma rawu, mase yabe nisi mutu wu ghone tube yénu wune.“ ⁷² Time, amane yambile nane: Koqu nukore di mubéyi. Re Pierre abébangule mambu mayambulu ya ne Sésu re: Koqu Ne ghiukore mabéi, yighurune me makiési maréru. Ne yandi alile na mbili matsange.