¹ Va vate Sésu ghu ndagbu Nzambi; Muyikitsi wuandi wu mosi asimine re: "Fumu monighe ma magni mame munongu urungile!" ² Ayaghule re: "Yénu dighone monighe bandaghu tsitsinène tsina? Ghu sake sale dimagni nisi dimosi re disa sèndughu." ³ Va bia yawu matsaghale ghu mukongu wu ba olivier simu ne simu ndaghe Nzambi, Pièrre, Sake, Sã ne André ba mutombe ghu disuèle re : ⁴ "Yambile yétu dikiési dike laghe mambu mane motsu. Ake bilimbe bike bi nde ghi ? ⁵ Ne Sésu a yaghule yawu re: Dirambile, mutu a kere soghe yénu. ⁶ Mbili batu baghitse ne baghu yambile re : "Mare Christi" baghu yènze mbili batu vale ne Nzambi. ⁷ Vake yulu yénu miluani ne misamu mi mitsingu. Di ya gho yulu kière. Mambu mèna maghu bile, te sake nène bile disukusulu. Mumbare tsengi yi mosi yighu luane ne tséngi mosi. ⁸ Bitsuku ne bitsu bighu luane. Mutambe wughu règheme bitsighe bi mbile, ne nzale yi yighu sunde. Va ghu bile ke dibandu gha misongu mi ubure: ⁹ Yénu di yélile, mumbare dighu télughu va wusu bivunde bi tzéngui. Ne yénu dighu dimbu mu mabundu ménu. Yénu dighu yénzu va mawusu mi mighaghe ne bafumu mu kiéluami. ¹⁰ Te motsu mana ne ve néyitse, musamu wu mugni ughu lonzu mu malongu motsu. ¹¹ Vake labe yénu mambu mabive ve mbure igha bile mò ne kale wuyatsi miréndu a yulu. Ba bake bile ghu Sidé barine ghu mikongu. ¹² Buédi re wuke kiéghulu ghu yulu ndaghu aya basunde mu bène bivave. ¹³ Babake kiéghulu ghu ba nungi ba ya ba gholu make ghu dimbu mu be bene bougue Ikutu. ¹⁴ Vake labe yénu mambu mabive ve mbure igha bile mò ne kale wuyatsi miréndu a yulu. Ba bake bile ghu Sidé barine ghu mikongu. ¹⁵ Buédi re wuke kiéghulu ghu yulu ndaghu aya basunde mu bène bivave. ¹⁶ Babake kiéghulu ghu ba nungi ba ya ba gholu make ghu dimbu mu ba bène bonge Ikutu. ¹⁷ Wubi ghu baghiétu babake bine mimi ne baba nuise wisi wuène. ¹⁸ Sambilanu mure mambu mena makere bile dikiési dika bi mosu. ¹⁹ Mumbare ghu ghu bile mambu mapaghe ma gha nène labénu ne va bawte bulongu. ²⁰ Mbé Nzambi ase tabule batsufu mbéghu sa mutu ughuyobulu. Te mubane basole yandi batsufu bana atabule tsiò. ²¹ Ne vane béminanu, labanu Christi, ke nane re béminanu arawu! yénu diya bile ne ghitu muyandi. ²² Mumbara bakristi ne babighitsi bane ne ufure baghuitse. Baghu vaghe mbili bimuile ne mambu make siminenge batu, baghu dungimisebatu, ne babe solu ne Nzambi. ²³ Yénu dighuare mu mubare matse mane uyambile yénungiènze. ²⁴ Va yulu mambu mane motsu, Gnangu isake ba kundze bale. Tsungi yi sake veghe muètse. ²⁵ Bagniétsi tsighu sakughu ghu tsi, ne bungudu bu yulu bughu panzighe. ²⁶ Va yule vane, yiawu baghu labe Muane mutu ane sunde ghu ghare dibungi. Ne ngudu yiyinène, nene buyimbu. ²⁷ Ne yandi aghu ghukighe botsu baba solu bakube botsu ba bulongu, ghu duke mutambe kuanga ne ghu duke yulu. ²⁸ Bangulanu nongu yi figuier. Digha mala mataki ma matomba ne ma mabande fule di yabe nge re mangele yi ma ghi. ²⁹ Vake labe yénu mambu mane motsu, yabanu re a kèke bèbêle. Ake va mune ndaghu. ³⁰ Nungiènze, mayambile nénu re botsu baba mutsiyi di sake ghude gha mambu mane gha masa tsombughe. ³¹ Mutambe ne yulu bighu vioghe te musamu wami wusake vioghe. ³² Mu di wuisi wu muitsu, ghu sa mutu wu ke yabe. Nisi Bianze ghu yulu nisi muane wu ya bène. véngu tayandi. ³³ Yénu di rambile. Di ya vuseghene mumbare dise yabe dikiési dike rughe yandi. ³⁴ Ayi munongu wumosi gha mutu wu yé mugnalu nuwu sise ndaghuandi ne basalitsi bandi muane muane ne ghiandi isalu. Ane yambile mukiélitsi ndaghu re : "Tanulanu misu." ³⁵ Bilanu musighi mumbare dise yabe wuisi wuke tsombughe ngé ndaghu. Arungule ughabughu ne tsinghe, va ghane ghare dibati, vaka kore koku marèghe, ke nana ne yipèli. ³⁶ A gha rugha ghu gha lubule akère daghise yénu biolu. ³⁷ Mama ghone yambile yénu, mayambile mò ne batu botsu : Ghuaranu!"