¹ Sésu a yambilenga nawu ghu banongu re: mutu a vara nungi yike bure milunde, ane vaghe murumba. A kunza yipinde ghi milunda. A runga ndaghu yi yinena ghu ghara nungièna, a gningise ba dokitsi ba milunde babe ke kièlenga nungi, ghu ndaguena kera vana ayenda ghu tsengui isusu. ² Mu dikiési di wudoka milunda, a sindighe musalitsi wuandi ghu bakielitsi ba nungi mu yenda bonga diandi dikabu. ³ Te va pula yandi ghu nungi, bakielitsi ba dimbe yandi kuba ne ba mupunze yèndi ghugha yi vava. ⁴ Dikiési pésu di viogha, a sindigha musalitsi umosi. Ba dukusu wuandi ghu muru ne be sènga yandi. A konda sindigha umosi uyawu ba boka. ⁵ Ba kolonge mbili basalitsi ba sindighange ngé nungi, ba dimbenge ba mosi, ne bana, ba bokungu. ⁶ Ngé nungi a bila ne mutu ususu nèndi, re muanandi udironda. A sindigh ne yandi. ⁷ Va bakiélitsi ba laba muane wu ngué nungi aghuitse, ba yambile yawu na yawu re : nge mikuagni a mitse. Di bokianu yandi mure di ka sala ne nungi. ⁸ Ba ghange yandi, ne ba muboke. Ne ba vera niuruandi ghu pisi murumba. ⁹ Yénu diyatsi dike vaghe ngé nungia ? A ghu rughe ghu boka botsu ba ba kièlenge nungi na aghu kunzileyo mu bakiélitsi bamone. ¹⁰ Yénu dise ma ranga dibighu dighu mughandu Nzambi diténdu re: dimagni divera ba rungitsi ba bandaghu re diô dikalughe dimègni dima règhe mu ghuarise ndaghu? ¹¹ Re Mubu na Mubu re ukunze mambu mèna ne dio diambu didinyi ve misu metu. Bivunda bi ba Sifu bayabanga re Sésu a gona yambila ra yawu ghu gara nongu yi bakiélitsi ba nungi baba kolonge ba mbatsi. ¹² Vana ba ronda ghanga yandi. Te ba yulu woma mu piti, ba mu sisa ne ba tsamughe. ¹³ Bi vunda bi ba Sifu ba sindigha ghu Sesu ba Farisi na dikabu di batu ba Hirode na bivunda bi Rome. Ba ronde usoghe yandi ne mebighu make pusa ya bène mu dila milunge va wusu bivunda bi mighaghe mi Rome. ¹⁴ Va pula yawu ba yambile re: Mulonzitsi wétu ayatsi re yi ka lonzi yimuanza. Di yatsi re yisaka silile mbangu mbangu make yambile batu te yika lonzi mambu ma sugama ma Nzambi. Sa yambili yétu ditasa diaghu mu dibighu didi; uveghe ba dole ba lépu yi ba Romain nde buedi vô sa buedi? Yétu dirungule uvega vô di ya vèghe. ¹⁵ Sésu a yabanga deti yawu ne a yaghula yawu re: mughi yénu digone manga ma? baghilanu ma fure mosi make laba yo. ¹⁶ Yawu ba béghiliandi dole, re a duma yawu nzidu re: idimu ghi ghone laba yénu ghu dole ndeghi gni? Ne mirendu mi mune nde mi gni? Ba yaghula yandi re: yigholini ne miréndu biotsu bi Césare. ¹⁷ Sésu a kalulile yawu re: Veghanu bi Cesar ke bi Césare, ne bi Nzambi ke bi Nzambi. Yawu ba ghibame va yambile yandi. ¹⁸ Ba Saduciè ba bavongule mughaghe uba Sifu uyambile ra va yulu difu ghuyi mognu ba rugha ne ghu Sésu re ba tomba yandi re: ¹⁹ Mulonzi, Muïse a lonze ghu yétu ba Sifu re : dibaghala digha vagha bane a ghafu muane nguandi a rungule uyonge mukuili. Yawu gha ba bure bana, bagu téndu mu ndugha mulumiandi u fu. ²⁰ Te ghu bila bana tsambu baba baghale mu yitsuku ghi mosi.Tsemi a yonge mughiétu, a fu ghugha bura bane. ²¹ Udukelene nèndi a bonga mughatsi usise yivunde, a sa vaga bane, nèndi a ne fu. Wu mureru ne yandi a fu munongu umosi gha baná . ²² Botsu ba tsambu ba fu umosi ne umosi ne mughatsi wawu. ²³ Wisi uke fuangughu batu, mugiétu wuèna ughu veghu nde gni ? Re a bile nde mughatsi wu yawu botsu ba tsambu ? ²⁴ Sésu a kalula yawu re: yénu botsu disandi mu nzila, Yénu dise ghone ditighe mambu ma Nzambi maréndu ne bungudu buandi mu diambu di wu fuangughu. ²⁵ Mughiétu wuna asake ba bile mughètsi nisi wuwu mosi,veghaneghara yawu botsu mumbara vake fuangughu batu ghu sake bila monge, batu botsu baghu bile gha bianze bighu yulu. ²⁶ Singilanu rema yambile nénu mudiambu di ufuangughu vayulu. Yénu dise ranga mughande utènde Muïse re mere Nzambi yi Abrahama, yi Isac ne Sacobe. ²⁷ Nzambi nde yi baba mognu sagha yi ba bafu: yénu di tse tsimbu . ²⁸ Mutu wu lonzenga mighièle mi ba Sifu a yulu na yambilenga yawu. Ase tsimbughu re Sésu a yaghule bu édi nzidu yi ba Saducéen. Yandi a ghoghula ve Mbare Sésu ne a tombe yandi re: va ghanaghara mighièle miotsu uvioghilile wumunène nde wuigni ? ²⁹ Sésu a yaghule re: mughièla uvioghilila miotsu re wuwu: Yuluanu bisi Israel, Fumuétu Nzambi ande dikike. ³⁰ Ronda Nzambiaghu ne murime umosi, ne matase motsu ne bungudu buotsu. ³¹ Umubéyi re: ronde mbatsiaghu gha naka rondiyu gnuruaghu. Ghu sèndi uka be vioghilile mibéyi mine. ³² Mutu a yambile Sésu re mulonzi itse yaghule ke buédi Nzambi ake ya pinza, ghu sandi Nzambi imosi gha yèndi, ne yitse ba yambile re: rondanu Nzambiénu ne murima wuénu wotso, ne matase ménu motsu ne bungudu buénu buotsu. ³³ Yitse konde re: ronde mbatsiaghu naka rondiyu yi bène, vake vagheyu mambu mane motsu, diambu didigni ghu Nzambi, ne dio divioghilile manzolu makaveghi yu. ³⁴ Sésu a yulusuawu re mutu wuwu ane buyédi bungiènza, ne a yambile yandi re kaghu yi koke bêbêle ne bufumu bu Nzambi. Mutu nisi umosi ase barungule udumèandi ba nzidu ghu mange yandi. ³⁵ Va wusu vana, Sésu a lonzenge ghu ndaghu Nzambi re: batu ba ghuène lonze migièla mi ba Sifu re Christi ke pasi mutu ghu dibure di David, ba sandi ghu nzila yi buèdi. ³⁶ Dignugni di Sungame di yambise David ya bène, mu gnuru yi Christi re: Nzambi a yambile mu Fumuami re: Tsaghala va mabagale mèmi vava ma ghu ghobise yu uvioghile batu botsu kuanga na vaka ghudisame ba kolitsi baghu. ³⁷ Nisi David yabène ak tsitse Christi Fumuami kaghu Christi a sa rungule bile dibure di David, yandi ande uvioghilile David. Mbili batu ba bilenga na yinyunga mu yulu va lonzenga yandi mambu ma Nzambi. ³⁸ Va dikiési dilonza Sésu batu a yambile yawu re: dirambilanu, yénu dikere vagha gha batu ba baghone lonza mighièle mi ba Sifu ba ronda ukumusu ne batu. Kere bane duare bilinge bibile muritsighe batu re yawu batu ba ngiènze. ³⁹ Bake rondi re batu bayubulungi yawu ne dighobe va piti, ba ronda tsaghala mu bikudu bi mundumbe bi mawusu mu ba ndaghu tsi Nzambi, ba ronde tsaghale ke mubikudu bi mawusu, bika tsagali baba mindumbe. ⁴⁰ Bakalimine bandaghu na bivave bi bakuili. Ba ghone tasa re bayi babagni mumbara ba ghone vagha masambulu mamale va misu ma batu. Nungiènza Nzambi a ghu kilise yawu mbili. ⁴¹ Dikiési ne uviogha, Sésu aghu tsagale ghu ndaghu yi Nzambi, va wusu ba péngi ba manzolu. Va bila yandi matsaghale vana, a béninga nave bikiti basunzenge mbili badole. ⁴² Ghandi ne disandi di mukuili a sunza dole tsi fure béyi. ⁴³ Sésu a ghukighe bayikitsi bandi va mbarandi ane yambile yawu yimuanze re: mindumbe mine mbili badole. ⁴⁴ Te bame veghe ke mua dikabu di pésu, te mughiétu wuwu, disandi a tse vegha badole tsiandi tsiotsu tsi bile nandi.