¹ Va pula yawu bèbele na Sérusalem, va mbare dimbu di Bathfagé ne Bétani, ghu tsélu yi mukongu wu tsitsunghu re Olivier, Sésu a sindigha bayikitsi bandi ba béyi. ² Ane ayambila yawu re yèndanu ghu dimbu dighu wusuénu. Vake tsombughu yénu ve dimbu yénu, yénu di ghu laba l'âne yi tungu, gnangulanu, rughanu ne yò. ³ Gha mutu are yubule yénu re : mughi yénu dighone vagha nana ? di yaghule yandi re Fumu ane nzale yò kera vana aghu singise yénu murughe ne yò. ⁴ Ba yènde dèghise ditungi di l'âne ditungulu va kana, bèbele ne mune ndughu ⁵ Bane batu bababile vana ba tombe yawu re: "mughi yénu dighone gnangule ditungi di l'âne?" ⁶ Baghabuseli yawu ke ne va yambila Sésu, kere vana ba singisa yawu mu yènda ne ditungi di l'âne. ⁷ Bayitsi ba Sésu ba béyi, barughe ne ditungi diène wu Sésu, basunza mangoyi mawu va yulu dio mure Sésu ake nakeme. ⁸ Mbili batu bayalenga batsande bawu mu nzila ne bayalenga ma ghièle ma tabulu munzila. ⁹ Baba yèndenge va mawusu, ne babalandenge yandi ghu nzime ba buamughenga re: Hosana. ¹⁰ Dighitsi bufumu bu kaghétu David! Hosana dighitsi Nzambi ! ¹¹ Sésu va pula yandi ghu Sérusalem, ane gningene ghu ndaghu Nzambi, a kunza bémina bitsighe biotsu ¹² Kore vana are yènda ne bayikitsi bandi ghu Bethani. Ne nzime gualiyina! arape nzale. ¹³ Ane labe ghu vala mufigier une mbili maghayi a ghoghule va mbara wo alabe ke maghayi mambili; ghuse bile milunde mumbara dikiési di milunda mbé disa mapule ¹⁴ Ayambile ne mwuiri re: mutu nisi umosi asake bayii milunde miawu. Bayikitsi bandi bayulu na yambile yandi. ¹⁵ Va pula yawu ve Serusalem! Sésu a gningane ghu ndaghu Nzambi ane punze botsu babasumbisange ne babasumbenge ghune. Ayite bataburu nise tsi babasumbisenge makunde. ¹⁶ Asingise nisi mutu umosi musumbise pasi ivave ghu ndaghu Nzambi ¹⁷ Ra disina ma yambile yénu re: "bistsu bi ke tomba yemu Gu gara disambulu yabamu re yénu dimadila bio ne gu rawdi wuke dumba bio." ¹⁸ Ga yénu di ma télema gu sambila buodi mu nugila Kokolu gu wotsu wu duku su yu murima (i vaga yu dibi) mure tayagi yigu yupu aka bogulile yu magu mabi ¹⁹ Te va yitsa bogulile ba mbatsi ta yagm gu yulu a saka singile yu KoKo lu mu magu muabi. ²⁰ Va yèndenge yawu ne yipali, balaba mwuiri ubafigue wu yumughu ngu ne ghu mikange. ²¹ Pière a bangule mabighu mayambile Sésu kere are yambile re: Fumu, bémine mwuiri wu loghe yu umayumughu. ²² Sésu a Kalule yawu re: bilanu ne ghitu mu Nzambi. ²³ Nungiènze gha mutu agha yambile ne mukonghu wuwu re: Nzambi ananguli yu, avéri yu ghu mubu. ne agha yambile dio ghu gha vagha bapagha mu murime wandi. Buédi are bile ne ghitu, diambu diène dighu bile. Nzambi aghu vaghe dio. ²⁴ Ra disina mayambile yénu re: biotsu bike tomba yénu ghu ghara disambulu yabanu re yénu dimadila bio, ne yénu dighu dile biotsu. ²⁵ Gha yénu dimatelème mu sambila, buédi mu singile Kokolu ghu batu botsu. ²⁶ te gha yénu disa singhile bambatsi Kokolu, tayénu yi ghu yulu asake singile yénu KoKolu mu mabi ménu. ²⁷ Bane baghabughu ghu Sérusalem. Va nangange Sésu gu ndaghu Nzambi; bivunde bi mipère, bibaténditsi ne bine bivunda, barugha ghu yandi. ²⁸ Bayambile yandi re: yighone vaghe mambu mame nde ne dignange digni? yambile yétu koke wuvèghe ghu dio ? ²⁹ Sésu ayaghule yawu re: make dume yénu nzidu koke, yénu gha diyaghule me, meghandi maghu yambile yénu ghu ghone rughe dignange dighone vagha ma mambu mène motsu. ³⁰ Batému yi Sā yi burughu nde ghu yulu vô ghu batu? Yaghulanu me! ³¹ Yawu ne yawu bayambilènge re: digha yambile re: yi rugha ghu yulu a ghu yaghula manemu re: Mughi yénu dise bile ne ghitu mu yandi? ³² Te gha diyaghule re: yi rughe ghu batu, yawu balabenge wóme piti, mumbare piti yi yabenghe re: Sésu nde mubighitsi. ³³ Ba yaghule Sésu re: yétu dise yabe; Sésu ne yandi ayaghule yawu re: Ne ma ghandi masake yambile yénu wuvèghe ma dignange muvaghe mambu mène.