1
Va burugue Sesu va itsighe ghine, a yenda ghu musengi wu sude.
2
Vale ne surde. Piti yi batu yi beyende va mbarandi. Alonza yawu ke gha va kala. Ba fuarisi baghoghule va mbarandi.
3
Ba duma yandi nzidu re , mulumi a rungule punze mugatsiandi? Gnivuēne bile ke mu mangue yandi.
4
A yagula yawu re Muise a tende nde tsegni? Ba yagula yandi re mulumi ne ghinè punze mughatsi, atende mugande uke sighimise yandi re ma mayaghene ne mughatsiami.
5
Mi rime mienu mi wuiri, re disine yandi a tende mughiele wuene.
6
Te va dibandu, Nzambi a kunze ke dibaghele ne muguietu.
7
Re disine dibaghele a ghu sise tayiandi ne nguandi mu puteghene ne mugatsiandi.
8
Yawu ba beyi ba keke mutu umosi.
9
Dine re disine dika yambulu re: sa buedi mutu a yaghesene bi Nzambi a pute.
10
Va bile yawu ghu ghara ndaghu, bayikitsi ba Nzambi ba ghabughile tombe yandi gnivuène.
11
Ayaghule yawu re: wotsu ukeboke dionge ne mughatsiandi mu yonge wu susu a ghu vaghe butsuari nandi.
12
Ne agha buse mulumiandi mu yongu ne dibaghele dimosi a ghu vaghe butsuari.
13
Batu ba baghila yandi bane bawu baba kieki mure a ka gangila yawu. Te bayikitsi ba Nzambi ba gabusa yawu.
14
Va yulu Sesu nane, a yulu yawu kabu ne ayambila re. Sisanu bana barugi ghu me, yenu diya kala yawu, mumbare bufumu bu Nzambi bu yi munongu umosi gha bane babene.
15
Ma yambile yenu nu nguienza, wotsu usaka bonge bufumu bu Nzambi gha muane umu kieki, asaka nyingene ghune.
16
Kore vana, a bonge bana mu mioghu miandi, abikighe makaka mandi mu bane mu vega yawu misangue.
17
Dikiesi di yenda yandi mugnalu, mutu a yenda mbangu ne asume maghonungu ve wusuandi, ne ayubula yandi re: mulonzi umunyi, ma vaghi nde tsenyi mudile monyu u mubu ne mubu?
18
Sesu a gabusile yandi re : mughi y me tsitse ma umunyi? Nzambi ya pinze re umunyi.
19
Miguele mi Nzambi mi yambila nde tségni? Yiya vagha butsuari, yiya boke mutu,yiya yiba, yiya vagha bu mbanze bu ufure, yiya veghe mutu mbele ne ghobise tayaghu ne nguaghu.
20
Mutu a yambile re,mulonzi ma ma vaghe mane motsu bande ghu bungiebe buami.
21
Sesu a bemine yandi ne amu ronde. Kere vana a yambila yandi re yighone bunu diambu dimosi. Yende, ye sumbisi biotsu bi naghu,veghe badole tsiotsu ghu bivasi. Yighu dila musendaghu yulu. Kere vana rugha lande me.
22
Te va yulu vana dibagala diena a laba pagha a yende ne magnuru ma vole mumbara a bile ne bivava bi mbili.
23
Sesu abemine kube ne kuba na a yambile bayikitsi bandi re: pagha gu bikiti mu gningane ghu bu fumu bu Nzambi. Nu yulu diambu diena. Bayikitsi bandi ba vole magnure.
24
Te Sesu a bé yambile yawu re, bana bami, pagha ghu batu bababane ghitu mu busine buawu mu gningana ghu bufumu bu Nzambi.
25
Ghu saka gila paga inena gu paghese mu gninguena gu mune utsongi gha ikiti ghi ke rungule ugninguene ghu bufumu bu Nzambi.
26
Yawu botsu ba ghibeme ne ba yambile re: kaghu ake uke yobulu nde nyi,
27
Sesu a bemine yawu ne a kalula re ghu batu basandi ne dignangue vengu Nzambi. Mumbara mambu motsu masandi pagha va wusu Nzambi.
28
Pierre a yambilenge nandi re: yetu dime sise bietu biotsu mu lande yu.
29
Sesu yare me yambile yenu nunguienza ghu sandi mutu uke sise ndaguandi, vo bana banguandi baba bagala vo ba baguietu, vo tayiandi,vo bana bandi, vo mutambe wandi mu bulongu bubu mu me ne mu musamu wu Nzambi re.
30
a sa dila mukama ne mukama ne mukama wu yilonga ne magni motsu make sisa yandi: bandaghu,bana ba nguyi ba ba guietu ne ba babagala, ba nguyi, ba tayi, bana,ne mitamba ne mambu ma pagha ghu bulongu buke ruga a gu dila mognu wu mubu ne mubu.
31
Te mbili ba ma règhe ba ghu bila ba ma nzime, ne mbili ba manzime ba ghu kalughui
ba ma wusu.
32
Ba bile mu nzile mu yende gu sérusalem, Sesu a yendenge va mawusu mawu. Bayikitsi ba Nzambi ba regheme ne ba lande yandi ne wome. Sésu a tsitse ba yikitsi botsu ba digumi ne ba beyi ne va tungu ne a bande wu lonze yawu mambu motsu ma ke rughile yandi ghu mawusu.
33
Labanu dighone maka ne ghu sérusalem, muane mutu a ghu ghabu ne bivunde bi ba veghitsi ba malaghu, ne dikabu di ba renditsi ba mabighu. Ba singighile yandi mbele yi difu na ba ghu gabe yandi ghu batu ba bagha singe Sésu a.
34
Ba ghu detenge yandi,ba ghu tulile yandi mate, ba ghu fuinze yandi mighu ne baghu boke yandi. Te va yulu tsufu yireru aghu rambughu.
35
Sake ne Sa bane ba sébédé ba ghoghule va mbarandi ne ba yambila yandi re: Mulonzi, di ronde re yi vagili yétu pasi yi vava.
36
A yagula yawu re: yenu dironde mavagilile yénu nde ghi?
37
Bayagule yandi re: singise yétu mu tsaghele naghu ghu bufumu buaghu , umosi ghu mabaghele maghu, hune ghu maghiétu maghu.
38
Te Sesu a kalula yawu re: yénu dise yaba bi ghone vonde yénu, yénu di ghu rungule unu bika nu ma, vore usindile ubatusu ganake batusu me
?
39
Ba yagule re: yétu dike ngu mu vaghe. Sesu a yagula yawu re: ibungu ghi ke nu me yénu dirungula unu ghio, ubatusu wu ka batusu me yenu dirungule wu sindila?
40
Te diambu di utsaghele ghu mabaghele vo ghu maghietu mami sa dignange diami. Ne babake veghu ke batu baba suegulu dio.
41
Va yulu digumi di bahikitsi nane, ba yulu Piere ne Sake kabu yinene.
42
Sésu a tsitsa yawu va mbarandi ne ayambile yawu re: yenu diyatsi re babagha bivunde bi bulongu bine magnange, bivunde bi mosi bi ka tsarili yawu.
43
Te disaka bile nane va ghanegharenu. Wotsu uka ronde bile umunene va puasiénu, a né bile musalitsi wuenu.
44
Ne wotsu uronde bila marèghe va puasiénu a né bile muvighe wu botsu.
45
Mumbara muane mutu a se rughe mu salulu te nde mu salile ne mu veghe mognu wuandi re nzolu yi batu botsu.
46
Ba pule ghu Serico. Va burughu yane ba yikitsi bandi na piti yi batu gu Seriko. Mutu umosi u ndughe Bartimé muane wu Timé, ngo divonde ne ba pafu a bile utsagala va tungu nzile.
47
Ve yuluyandi re Sésu yi Nasareth a ka vioghe mu nzilandi, a banda ubuamughu re Sesu muane David, labe me dinghiebe.
48
Bambili ba kubisa yandi ne yandi a gwuase ubuamughu,muana David labeme dinghieba.
49
Sésu a sikeme ne atsitsise yandi. Ba tsitsa ngo bapafu ne ba yambile yandi re: guarisa nyuru, telema, a gone tsitse yu.
50
A vere dingoyi diandi didinene ne atandeme dikabi ne ghu Sésu.
51
Sesu a yagula yandi re: ironde ma vaghilile yu nde ghi? Ngo bapafu a yagule re: fumu me ka rondi re malabi.
52
Sésu ayambile yandi re: yendenge ghitu ghiaghu ghi mayobule yu. Vane vane misu ma balughu ne a lande yandi mu nzile.