¹ Mua bilumbu bino vioga, Jésus ama gabuga ô capernaüm. Baka golu yiri a jo ndagu, ² na vama gukuma mugungi uneni ubatu tena vasa ma muèba nè mbura o dulombili. Aka ba samuninanga musamu. ³ Batu bama ruga ombu gandi na yibonfi yimaba yitsiétu na babala bana. ⁴ Nana basa ma rungulilanga umu bambena, dibandu yinombu yibatu, bakalaba diluta dimaba odjulu ndagu avu Jésus amaba, na na bama sundusa va diluta diéni tangui adji yibonfi amaba asilima. ⁵ Jésus, anolaba yitu yogu, ama tsingula yibonfi : muanami, masumu magu mama tandu. ⁶ va maba dikabu diba sonitsi, bamaba batsana, na bama vosanga ogari ogu : ⁷ tsié dibala dié dina évosili nana ? Usiéngi ésiéngi. Aniorungula utanda masumu, pa yi nsambi pinse ? ⁸ Jésus ano jaba ma matasa mogu mu yignuni yandi ama bama tasanga ogari ogu, ama batsingula Dibanduyi du bila nama tasa emana ogari mirima miénu ? ⁹ dika di welima, utsingula yibonfi : masumu magu mama tandu, vo uvosi riè : relèma, bonga tanguiagu na yènèwanda ? ¹⁰ na mu mbari dukadjaba rié muana mutu ana durumu dutanda masumu mu tamba : ¹¹ ama vosa na yifonfi, nyi urumi, relema, bo tanguiagu ba wenda o ndawagu. ¹² na, vana vana, amarèlema, amabonga tangi andi, na amapala va misu batu botsu, mu dioni batu bama kambulu na bamadodisanga nsambi, no vosa riè : na kala tusaka dilabanga kia. ¹³ Jésus ama mue pala oyari yi yiliba. Mukuta gotsu uma ruga ombu andi na balonsanga. ¹⁴ ano vioga, aka laba lévi, muana alphée, atsana va mbura a ji be vanina lépu. Ama mutsinguli : nduki. Lévi ama relèma, no muduka. ¹⁵ Avu Jésus amabila va tavula muji o ndagu lévi, ba publicain bapuela na batu bavu na mi tsanu mibiva bamaba va tavula nandi na badukitsi bandi ; bamaba buela, na bama muduka. ¹⁶ Ba sonitsi na bapharisie, ba no mulaba udji, bama vosa na badukitsi bandi riè : dibanduyi elili na bapublicain na batu bavu na tsanu mi biva ? ¹⁷ Jésus ano digulu, ama batsingula : tsi botsu bavu napolu bavu na nsala nganga,tumba bibedu. Nusamaruga oyinenguila abasunguma, tumba bavayitsi bamasumu. ¹⁸ Badukitsi bajean na bapharisie bama warila nsala. bamaruga mutsingula Jésus : dibanduyi badukitsi bajean na bo bapharisie be warili nsala, tindi abagu bage warila nsala ? ¹⁹ Jésus ama bakalili riè : bambatsi ba yi wétsi borungula warila nsala ava yi wétsi aki nogu ? itsingu yotsu avu yi wétsi abile nogu bagorungula warila nsala ? ²⁰ Bilumbu biutola avu yi wétsi o bogulu , avana warila nsala mu yilumbu éyina. ²¹ vaga Mutu o yi rariyi tsanda ji gona mu londa yi kutu yigulu; mu nana, tsanda a ji gona ju pasa yasi yi tsanda aji gulu, na diluta diviolili. ²² Na vaga mutu agewitili malamu ma gona mu tsuva ma gulu; pa tsi nana,malamu me buli ma tsuva, na malamu na tsuva bi tsiemuyi; tumba di bueji mu witila malamu magona mu ma tsuva ma gona. ²³ Yilumbu yinduka tsona yino tola, na Jésus ama vioga bebeli na manungi ma putu. Badukitsi bandi, mutsila, baka dokula milunda. ²⁴ Bapharisie bama mutsinguli riè : là ! dibanduiyi bevayili adi gandusa mu migaga yilumbu yinduka tsona ? ²⁵ Jésus ama bakalili riè : dusa ka ranganga a di David ama vaga, ava amabilili mu mpurulu, nana nsala, ja béni na botsu aba maba nandi ; ²⁶ nana amakotila ogari ndagu nsambi, mu temu ji muvagulitsi uneni upagu Abiathar, no ji dipi a di wakusu, divegu ombu ba vagulitsi pinsa mu ji, na ama vega botsu abamaba nandi ! ²⁷ na amaba tsigugula riè : yilumbu yinduka tsona yimavegu dibandu mutu, tsi yiri mutu yilumbu yinduka tsona ²⁸ mu nana muana mutu a ji fumu yilumbu yinduka tsona.