5 ¹ Va gulu vana,vamabe mumengu ba juif, na Jésus ama mate ô Jérusaleme. ² Va mughule munendaghu bindombu, tsumbu ndagu mosi jinengulu o Hebreu Béthesda na jimaba na mapalulu ma nanu. ³ Bibedu bi puèle, bidunga, bitsondu, bimbolutsu bima banganga bisileme va makotulu na bama kelisanga dikungusulu dimambe mumbari, ⁴ yianse yi masundughange temu na temu na ama pupisange mambe. ⁵ Vane vamabe dibale ditsane mangolu maghumi na yinane yi bilime. ⁶ Jésus amo mulabe asileme na anojabe iri ama tsinge vane, ama mutsingule, ghuirondi ubelughe? ⁷ Yibedu ama mughuaghule, ngane mutu aghu urungule umbuaghe mu tsumbu ndagu ava mambe me pupusulu, nesi ave nyi ususu étélingi. ⁸ Jésus ama mutsingule, releme bonge tangui aghu na wende! ¹⁰ Barumitsi ba bajuif bama vose omabelusu, ilumbu yuvumine dighandusu unangule tangi aghu. ¹¹ Ama ghuaghule, otsi mbughe atsi nsingule, bonge tangui aghu na wende. ¹² Bama mughuivule, dibale adi ditsi utsingule bonge tangui aghu na wende? ¹³ Tumbe o ama belusu asama mujabange; mumbari Jésus ama vengeme mumbari yinombu ayi maba va mbureni. ¹⁴ Va julu vana, Jésus ama mu o ndaghu bibengune na ama mu tsingule, labe uma belusu! uyia muevaghe ma sumu, mumbari diambu di mpurule dike mue ghurile. ¹⁵ Dibale ama wende uditsingule barumitsi baba juif iri Jésus ama mubelusu. ¹⁶ Mu dioni, barumitsi ba bajuif bama kwane Jésus mumbari ama salisanga mamabu meni yilumbu yuvume. ¹⁷ Jésus ama batsingule, taji é sali tena na niangu na me wandi ni sali. ¹⁸ Mu dioni, bajuif bama buele urombange umu boke mumbari, diulebe ama sumunange yilumbu yinvumine, tumba ama nenguilange Nsambi tajiandi, no kevaghange jabeni a weliminena Nsambi. ¹⁹ Jésus ama baghuaghule, mungense, mwane aghorungule usale diambu mu jabeni uvenguse ama élabi tajiandi ésali, na motsu ama taji evayi, mwane wandi éma vayi. ²⁰ Mumbari taji érondi mwane na émulasi motsu ame é sali, na omu lasange mambu maneni uvighulile mame mumbari dukebe mukambulu. ²¹ Mumbari, nane taji érambusili bamfumbi na ébaveyi monyiu, anane, mwane éveyi monyu ombu o jiandi érondi ²² . Mumbari taji aghe sosisi mutu, tumbe ama veghe du sosusu diotsu ombu mwane. ²³ Mumbari botsu bake ghobise mwane nane beghobisili taji. O aghé ghobisi mwane aghe ghobisi taji o ma musidighe. ²⁶ Ngunse nane taji abile na monyiu mu jabeni, anane, avele mwane ube na monyu mu jabeni, ²⁷ na taji ama veghe mwane musughe usosise mumbari avu mwane mutu. ²⁸ Duyia kambulu mu dioni mumbari diweru dinuyi adibotsu abavu mu bangile boghulu mbembu andi na bopalile. ²⁹ Aba ma vaghe maboti bo rambughe mu monyu, tumbe aba ma va mabi borambughe mu mufundusu. ³⁰ Ngorungule uvaghe diambu mabeni, nane nyi ghululu, ni sosisi na usosise wami usungme, mumbari nge rombi durondu duami, tumbe durond du o ama nsindighe. ³¹ Ike nyi ghabusili bumbeji mu mabeni, bumbeji buami bughobe bu ngense. ³² Vaji mutu ususu oveghe bumbeji mu menu na nyi jabi iri bumbeji abuo eveyi mu menu bu nguense. ³³ Duma tinde batu ombu Jean, na amaghabusile bumbeji bu nguentse. ³⁴ Mu menu tsiri mu mutu nyi dilili bumbeji. Uyi vosili didi mumbari duke ghobulu. ³⁵ Jean amabe lambi jima bangange na jima lulange, na dumaronde usangile mua temu mu ijala yiandi. ³⁶ Tumbe bumbeji abuo nyi ghabusili buvioghe buneni abu Jean, mumbari yisalu ayi tate ama ntume udughusu, bisalu abio nyi dughusu, bighabusili bumbeji buami yiri tate ama nsidighe. ³⁷ Taji oma nsindighe éghabusili bumbeji mu menu. Dukaghulungu membu andi na dukalabange munongu andi. ³⁸ Mbembu andi jighetsani mu jienu mumbari dugha vayile jiandi o ama sindighe yitu. ³⁹ Duikeluli bisonu mumbari dui tasi iri mubioni dudile monyu umutubu, abionyi bighabusili bumbeji mu menu. ⁴⁰ Na dugherondi urughe ombughami mudile monyu. ⁴¹ Nge dili bundumbe buami mu batu, ⁴² tumbe nyi jiabi yiri dughane durondu du Nsambi mu jienu beni. ⁴⁴ Nyitsi rughe mu dine di tajiami, na dughe ndili. Tumbe ike mutu ususu eruyi mu dine dijabeni, dumudile. ⁴³ Tsieni durungulile uvayile yitu, jenu aduidili bundumbe buenu mu basusu na dughe rombi ne pesu bundumbe abuiruyili ombu Nsambi pinse. ⁴⁵ Duyia tase yiri menu,nyu du fundise va ghusu tate, vaji mutu ususu udufundise, Moise oduma sunsile yitu yienu. ⁴⁶ Pa dune yitu mu Moise, mbe du mpayile yitu nandi, mumbari a ma sone mu diambu diami. ⁴⁷ Pa dughane yitu mu bisonu biandi; tsieni du vayile yitu mu mambu mami.