¹ Jesus ayaghele bo, natade bo kokome ndé:'' ² Buyumu bua Nzembi bua ghu yulu na Kumu atsènge wavange mukungi lekuele la muaane a ndè bafuanese. ³ Ndè bonge baséli béndi, natchindeghe ghu tède baate babalèle mu yade ghu mukungi lekuèle, to bo basatonde yade vè. ⁴ Kumu a tsènge na ba tchindeghe basèli béndi bakime ghu yilèle baate ba ndè tède ghu mukungi ti:'' Monani, mè lémbi yilambe. Mè buni bangombi, na baniame ba médi. Maba motchi mama koghe makade. ⁵ To baate muène basachilele mbèle muène vè. Abane ni bayende ghu manungi ma bo, abane nibayende ghu sombese bikumbo bia bo. ⁶ Baate bane bakuate basèli ba Kumu a tsènge batchise bo chighi nibabome bo ghu leku. ⁷ Kumu a tsènge ayoghe a mambe muène ma baate basade, natchindeghe baghodi ghu bome baate muèe na tsoghe musènge a babumi muène ba baate. ^{8 9 10} v 8 Va baghodi bamane sade mambe ma Kumu a tsènge alèle bo musade, Kumu a tsènge nalèle ghulidi basèli béndi bakime ndé:'' Mukungi lekuele wakoghe akade. To baate ba mè tèdi ghu mukungi muène basalidi baate ba buédi vè. v 9 Kayèndani mu mimbambe ghu tède baate ba béne lekibakese, bayade ghu mukungi lkuèle. v 10 Basèli bayende mu mimbambe nibakokese baate botchi babué na bababi ba bo babakese. Avane kaniva nzo mukungi yabase na baate. ¹¹ Va Kumu a tsènge aningele ghutso nzo ya mukungi ghu mone baate babayade, nabakese mutu wusabade aluate itsle bia mikungi vè. ¹² Kumu a tsènge nafulu ndè ndé:'' A mbèghi a mè, wè buni wè chidi mu ningele ghuni, ghu wè bade wè luate lengoyi la mikungi?'' Mutu muène nabade ndile ka lingi mu ndè sabade na mukale wa kale ndè vè. ¹³ Avekaniva Kumu a tsènge alèle basèli béndi mu ghade mutu muène mile na mioghe na mu vède ndè ghu mbèdi ghutso yifundu ghu baate balèle na guède mine. ¹⁴ Muti baate mvuabovè batède to ndile pése basole. ¹⁵ Vayula vane baate ba lebuli nibayendele Jesus kundu ya kèghese ndè na mabigha méndi muène. ¹⁶ Bo niba tchindeghe ghuli Jesus baduki ba bo bona baate ba Herode ghu lèle ndé ti '' A Kumu, bése leyèbi ti wè mutu ngua bimbuli. Wè lengesenge baate ndile mambe ma Nzembi. Wè sacilele matase ma baate vè. Wè sabéngese baate bakè na vongele bane vè. ¹⁷ Ki lèle bése bu wè tase mu tchambe lineli:'' Futu ghua lépe ghulidi Césare kumu a tsènge a Rome bubuè vo bubi? ¹⁸ Jesus abade amamone yabe ndé bo matase mamabi baba na mo. Bo tondenge ba tondenge bo ndè lèle tchambe lele bi, le bo ba mbé yènde ghu fundu ndé na bivonde bia bichi Rome na bia bachige. Avane kaniva ndè lèle bo ndé:'' Abaate ba ngua levédi baneba, béne mè mu tchambe lini la soghe?'' Béne me tchambe le béne leki chinge mè mu la tonde ti mè pose? ¹⁹ Pamuèsani mè yitèli cha dole wu béne la futu lépe na ndè. Bo nibamuèse ndè yitèli cha dole. ²⁰ Jeus nadume bo ndjide ndé:'' Ndoghe na yindjime chi lamone mu yoyèli cha dole chinechi bia na? '' ²¹ Bo niba kale bo: '' Bia Césare''. Avane kaniva Jesus alèle bo ndé:'' Kaghabesani bia Césare ghulidi bia Césare. Bia Nzembi ghuli Nzembi. ²² Va bo bayoghe mabighe muène, bo mibaghembe Banianghe ndé vane nibayénde. ²³ Letsughu ndile ni lo, baate ba lebuli laba Sadduceens babalènge bo baate babakuade basa kasoghe vè. ²⁴ Bayade ghu mbohe Jesus niba dumu ndè ndjide yineyi: '' A mulongichi Moise a kome ndé Mutu ti a kuade ndè baane ubote na mukédi vè, muaane a ataate a ndè atoghe kuèle mukèdi wu ndè niaghe, ndè ka bote ndè baane. Muaane wu bo ba bote muaane mukulu wakuade, ndè ka bote ndè batégheda.'' ²⁵ Nighuabade na baane ba tèyi tsambe. Mukulu a kuèle mukédi, nakuade ndè muaane na mukédi muéne ubote vè. Ndè na niaghe mukédi na muaane a taate andè. ²⁶ Awone na ndè na kuade muaane bote na mukase vè. Nachi bo botchi ba tsambe babonge mukase muéne. ²⁷ Baate muène bafuade na kuade, mukèdi na ndè nakuade. ²⁸ Lèle bése , va baate baba kua bakasoghe ghu leku, vatso baate muéne botchi ba tsambe, mukédi muéne kabade wa na ? Muti ndè abade mukédi a bo botchi. ²⁹ Jesus na kale bo ndé:'' Béne ghutso budoke lelidi. Mutu béne lesatchikese mabigha ma Nzembi na bungudi buèndi vè. ³⁰ Va baate babakuade bakasoghe, babaghele basa kabade na bakédi vè. Bakase basa kabade na balumi vè. To bo botchi baka bade ndile ka ngana batome ba Nzembi ba ghu yulu. ³¹ To mu tchambe la usoghe ghua baate ghu leku le bo bakuade, bene ka lesamarange tchambe le Nzembi alèle béne ndé: ³² ''Mè ni Nzembi Abraham, mè ni Nzembi' a Isaac, mè ni Nzembi a Jacob vè? Nzemb asalidi Nzemb a baate babakuade vè, ndè Nzembi a baate ba moyi.'' ³³ Va baate bayoghe mambe muéne, bo nibaghembe mu mambe ma ndè longicchingi. ³⁴ Va baate ba libuli la ba Pharisiens bayoghe bo Jesus a kéghichi baate ba lebuli la ba Sadduceens bo niba kokene. ³⁵ Mutu mumochi vatso, mutu muéne, mutu wa yabenge mabighe ma Nzembi bubué, nadume ndè ndjida mu soghe ndè. ³⁶ Nalèle ndè ndé: '' A mulongichi, ngidi yiyilutili ma ngidi mane motchi yini? ³⁷ Jesus na kale ndè ndé:'' Tonde malumbi Nzembi, Nzembi a wè na mutéme a wè wotchi, na lenioni lawe lotchi, na matase ma we motchi. ³⁸ Ayéne ni ngidi ya tsomi yiyilutili mangidi mane motchi. ³⁹ Ayineyi ka ni ngidi ya moli, yiyilidi ngana ya tsomi: '' Tonde mbèghi a wè ngana bu wè tonde wè muéne''. ⁴⁰ Mangidi motchi na mambe ma babighi sopghenge ndile ghutso mangidi muéne. ⁴¹ Jesus amone baate ba lebuli la ba Pharisiens bakokene nadume bo ndjide ndé: ⁴² Béne buni la tase mu Kumu a baate wubakuade tsonge mu ndè bo nayade?'' Ndè muaane a na ? Bo niba kale ndè bo: ndè muaane David.'' ⁴³ Jesus na lèle bo ndé '' Va lenioni la buyimbe la kuate David ndè ka muki a tède ndè ndé Kumu, va ndè lèle ndé: ⁴⁴ Malumbi aléli Kumu a mè ndé: Tsaghele va mbaghele a mè, nachi mè kasose babéli bawe ghu tchine matèmbi mawe. ⁴⁵ Ti David atède wuba kuade tsonge bo nayade ndé Kumu a mè, ndè kabuni akibatoghe baate muaane a David? ⁴⁶ Bo botchi basade ndè lebighe ti lemochi vè. Bande mu letsughu muéne bo basaba dumungu ndè mandjide vè.