¹ Va Jesus a mane vède baduki bendi ba lekumi na boli mambe ma sada,ndè na mata vana,na yende ghutso misenge mia bo mu longichi na toso mabighe ma Nzembi. ² Jean Baptiste ghu ndè bade ghutso tsughu,na yogha bu ba yambelenge mu bisale bia Christ,na tchindeghe tsange na baate bendi. ³ Mu fulu ndè:Wè gni wu ki yade voki besa mukime la tala? ⁴ Jesus ayaghele,na lèle bo ndé:Yendagni,tosagni Jean ,mambe ma bena lemogni na ma béna leyughi. ⁵ Bapépidi ka mone ba mone;ba batsotsegha ka buebuedi ba yende;ba ngo makedi,magniutu ma matendeghe;bakoutchi kayoghe ba yogha.Bba kuade soghe ba sogha;ba ba lidi na nzala mabighe ma Nzembi ka tsange ya na manze bayogha. ⁶ Buedi ghu lidi mutu wu mè sakabade na tondia raghe ghuendi vè. ⁷ Ngana bu baate muènè ba mate va yitchighe muènè,Jesus na bande yambele na piti a baate mu gniuta Jean. Wu béna leyendi ghu yimone ghu yitchigha cha leghengi,ndè na lendubi li levoghe la popesa? ⁸ To wu be leyendi ghu yimono ka na,mutu wa luate lengoyi laghobo?Monagni,ba ba luata mangoyi maghobo,bo ghutso manzo ma bakumu ba bulongo batsaghela.To bè bana? ⁹ Yi monagni? mubighi a mabighe ma Nzembi? èèè,mè lèle béna mé ndè vana alutili kiti mubighi a mabighe ma Nzembi. ¹⁰ Ndè gni wu bakome mumbata ndè bo:Kengese! Mè tchindeghe tomame va mise mawè,wu ka vange ndjila wè va busu bua wè. ¹² Mumbuli mè lèle béna mé va fuechia bene botchi ba mukase a bota,ghu sa lidi na mutu ti mumochi wu ki lotele Jean,wu batède Baptiste mu bade yineni vè.To mutu wa vè na buyumunu ghu tote ghugni ,ndè na lotele ndè mu buyumunu ghu yulu. ¹¹ Bande va tsughu a Jean wu batède Baptiste kuanga na cha vaneva,buyumunu bua ghu yulu bu lidi ndila na ghutso yimbaba,muti baate ba nua yimbaba ba bonge buo na bungudi. ¹³ Muti babighi botchi na yichanga chia mighagha,babaghe mambe yiiii na va lekese la Jean. ¹⁴ Na ti bena la tondo ndè yake bona,ndè gni Elie,ndè gni wona wa yighabegha. ¹⁵ Wu lidi na mtchui ma yogha a ka yogha. ¹⁶ Mè bona ,nane mè ki yèbese yonge muene?Bo ba lidi ngana bangebe ba batambe va yitchigha chi ba sombesa bikumbu,ba tsaghela na chimenenge. ¹⁷ Gni ba lèle bo:bésa la chigha fungi,béna le sa kéne vè,bésa la yimbe mimba na mikake mia mambe ma yibèyi,béna le sa mone bubi vè. ¹⁸ Jean na yade ,ndè pite tchade vè,lengebe u gniode vè,gni ba lèle bo ndè na legnugni li libi ghutso gniutu. ¹⁹ Muana mutu na yade ,ndè tchadenga,ndè gnodengo;gni ba lèle bo:Kengesagni,ndè lidi ngua munzunzu,na mudo lengeba,mbeghi a bababongo mapagha na ngua mabi.To ba vengele a mendi ma ndè sade ma mabi,mu yabe ghuendi ghua mamba. ²¹ Avana Jesus na semb misenge mi ndè sadenge bimuile ghutso mio,muti mio mi sa mèmenge mabi ma bo na fule kokole vè. ²⁰ Bubi ghu lidi wè Chorazin!Bubi ghu lidi wè Bethsaida.Bimuile muènè mbé bibasade ghutso musenge a Tyr na wa Sidon ngana bu basade bio ghu mbogha béna,bo mbé bèlevè ba mème mabi mabo na luate basaka,na yobo lefutu mu fulu kokolo. ²² To va letsughu la musoso musenge a Tyr na wa Sidon,gni ba basoseso mio na lengebe li la lotela,li ba mone mu mbata bena. ²³ Wè,Capernanaum,wè tase wo bambeghi gni ba kakese wè na va wè ka kome ghu yulu?éééé,tchavè,gni ba kolese wè yiii na ghutso Hades,muti bimuile binebi,mbé bibasade ghu Sodome,mbé ndè a mème mabi mendi na fulu kokolo,ndè mbé buedi a lidi nacha lolo.To mè lèle bene mé,va letsughu la musoso,mamba ma ka lota ndile buebuedi mu mbata Sodome,to a mu mbata wè vè.To béna le sa gniaghe mabi sade vè. ²⁴ Nzembi na tchise kegni chighi w tsaghela ghu Sodome,to wè,gni ba tchise wè chighiyi ya lotela va letsughu la lechikela. ²⁶ Va lekese muene lena,Jesus a bonge ndagha,na lèle ndé:Mè kakese wè tate,Kumu a yulu na toto,muti wè sueghi matase muenè ghu lidi bayebi ba mamba na bivonda bia va yulu a bambeghi;na wè muechi mo ghu lidi ba bavè yigha ,na mona ghu lidi bane ba bangebe. ²⁵ EEE,Tate lo bédi gni li la sade wè yignonga. ²⁷ Taate a mè,gni wa vède mè mambe muenè motchi.Mutu ti mumochi wu yebi muane vè,muvenge Teyi;na mutu ti mumochi wu yebi Teyi vè ndile Muana,na wu Muane a tondo muesese mambe ma tatea a ndè. ²⁸ Yadagni ghu lidi mè,béne botchi ba le maroko,na ba lidi na mikunu mi mia lèmè ghu a lotela,mè gni vomese béna. ²⁹ Bongagni kurusu a mè,yoghagni ma mu gniutu a mè,muti mè lidi wa kolena,na butsogha bua ghu mutéma,béna gni le bagha yicumili chia magniugni ma béna. ³⁰ Muti kurusu a mè paghe vè mu béta,na mukunu a mè wa lenge.