¹ Simon Pièrí omon djídjra gnoan à toua bhoaní poplo ditata wlí . cémou à toualé Man wlî . À Lago , lé a néwoussagnon Zozi-croissí o ploplou mlí, ² Bloblou kou àmon djí, À poupouè è yiyidjí, Lago le Zozi à kagnon à yíblílè mlí. ³ Wolíè fíè í kou lé a kagnon à powa mlí í ya āmon gnèlo Lago o nglimolé lé o namè a za. ⁴ Ímí wolía nhliè osrou àmon man oyi ploplo lèkadi gnè. O ni lé o ka amon Lago a nínígbí a mlí plà . cémou à yalè koa sissi è koulémon à yè né wlouh. ⁵ Ímí somou wolí è ími kangrí lé a ā nié safiè'lé à ka ditata a namagbí. ⁶ Namagbí a mlí à la filé.Fikéa mlí à ka diwota, diwota a mlí a la douôkoutèmin, ⁷ douôkoutèmin a mlí a ka kplokplou, kplokplou a mlí niayi wawou lé, na níayi wawou à mlí wawou a lofiè. ⁸ wolíè lía í ní kou mon mou lé í ní bhaa a kagnon Zozi-croissí a yíblíè ni ka flèche plí.Man gnoan í ní mou koua , lé o moumouhon í néogo, o ngo yifikagnon. ⁹ O ya o bhlagogo gnoumoé Lago tchié lé koudoukouô. ¹⁰ Í ka ngrí lé man youô a ni saafiè a ka wlélo lé à mougbaziè í ka tchítchassa la. À níní sítèa à ní ka gouzou. ¹¹ Kplou kadou yi naza kloukalo a kagnon lé Zozi-croissí a lé yinblé è ni plí lé a mlí. ¹² Bhouaní wolíè, a yilè mí yíbhlí o, à ya tchítchassa mlí moutaman o í yrílí koko lé mon a ka amon mi louo Man zaa í ngon tçhitcassa. ¹³ Ka àmon ylassa lé la àmon Bhouaní wolíè louô tagníen fíè na'ka wloulia zo Zia. ¹⁴ Ma í yíssa ma na wolíazoa wlouwlíè ní yí mon trou cémou à kagnon Zozi-croissí toua lè mon ímía . ¹⁵ Í yí n'a saafiè ní lé níní mou kèzoa à kà koko wolíè louô. ¹⁶ Tagníen à tchí kagnon Zozi-croissí o zofloufouè powa a wolíè léhè a ni bhobho fikéssa lé a a kè wla Man a yè o leyi wolíè í da. ¹⁷ Man Touh Lago o ngou palè o ngon ngrí , tagníen mou niwolíè wlou lagodou lé í tchimaní o lia omon ngon n'a wawa youh amon mou í ngon wawou o fíè. ¹⁸ À nou niwolíè lé í wlou Lago tegníè mou à yosso à kou kplokplo kiké wlou. ¹⁹ Bhouaní ploplo niwolíè a gbèlè lè djía , a bhí kpoagní tchítchassa kou. í ngon lé í louè tchoutchou à mlí an an lè zli ka à doui a mlí zi. ²⁰ Taga wolíè aka yíbhlia í mí ngon man pofètí è o tchitchi wolíè í djídjrola lèa o bhobhoé à mlí í ní wlou. ²¹ Profètiè à tchitchiwolí ni yí lé í ka ou yèkè amlí wolí ngon Man, gnon mou pklopklo zouzou plílè lé ou tchié Lago niwolíè.