¹ Ā gnídí a gnoan ā ya lè mon glèè a á ma í srouè, mon ya lè saa mon glè a o ngon Croissí a kalímin'a taplítí, í gnindaa o bloblou o yèlè a taplítí . ² Ímí kangrí na ní à bha fí, àmon a ya lè mon glèa, à siè Lago a dodobhliè, à ngouí yígo, fí mou ní ou kou. Lago a kplokplo douô mou à ngouí yígo: Fi mou ní ou kou í ngon kplokplo douô a mlí. ³ À na kama lāa tché kama gnoan kamalèlè gnoan o pèlèlè a, ma à nama gbí mí á ní doudou. ⁴ Tagníen mou dodobhli a tiègnon kadoo na ka yi a , à yí bloblou mou zizié a flèga yè. ⁵ À mon zopkaa, à klouilossa gnoan ya lè mon glè a dré. À lolofíè a moumouhon saklouilé lé à fafakou , ma Lago ya kíakíagnoan so ní plapla ko , ma gnoan kouikloulossa o gnin a o poupouè. ⁶ À kouikloulossa Lago a fíka glogba été o ka àmon gbla'o nama tagníen mou. ⁷ Wolíè fíè ngon à Kalímin à gnin o mí gbídída ma o a mô ngouin àmon yígo. ⁸ À lobhoukou, lé à magníkou ma à gblígnon dévrou , tché djí palè wolíè à o moumouhon gnon o n'a ka mou yrayra a. ⁹ À na poho sassakou. À ditatè bha fí. À yíblíssa ma à níayouô kou lè koo amlí koussa Kalímin mou. ¹⁰ Kalímin à yèlè à è tagníen ní yí zou, bloblou fíè a Lago ou wrélè àmon, lé Croissí kohoko a poupouè a ngrí mou yí àmon koufa, o yísa àmon samlé lé amon fígnin. ¹¹ Omon ziko koléko. Í kou sa. ¹² Silvin mou ngon ā níayou o kouètí. Í djídjra mon wolí dré a mou lé à ka fí bha, à ka sayíbhlí man í djídjra lè àmon, Lago a tchítcha bloblou mou Kou, à touô ou mlí. ¹³ Tchítcha níayouô a kou Babilonou a á pa àmon youô, na you Marcí à sèfou; ngon ngon pa o níayou ploplo nékoukpè youô . ¹⁴ Lago a poupouè kou à lolofíè djí è koulè Zozi-croissí mou à.