¹ E nɛ gudo ɔ, Jezu nɔ ɖo toxo ɔ yé kpan glétoxo lɛɛ kpan mɛ gbɔn we, bo nɔ ɖo wɛnɖagbe axɔsuɖuto Mawu tɔn jla we. Ahwanvu tɔn wéwé ɔ yě ka nɔ xwedo e, ² mɔ unkpo ɔ nyɔ̌nu e ji é nyà yɛ nyányá sin ɔ yě kpan nyɔ̌nu e é gbɔ azɔn na ɔ yě kpan xwedo e: Mali e nɔ ylɔ ɖɔ Madelɛnu ɔ, é ji é nyà yɛ nyànyà tɛnwe sin ɔ é, ³ Jani asi Cúzaa é nyi nǔjikpɔntɔ Elodu tɔn é, Suzani kpan nyɔ̌nu wɔbuwɔbu ɖěvo ě kpan bɔ yě nɔ ɖo alɔ do Jezu kpan ahwanvu tɔn ɔ yě kpan we nú nǔɖiɖo yětɔn ɔ yě. ⁴ Mɛ wɔbuwɔbu gosin toxo vovo ɔ yě mɛ, lobo nyi ahwan wa Jezu gɔn, é dǒ olǒ é yɔ do ɖɔ xo nú yě ɖɔ: ⁵ Nùkun do tɔ unkpo tɔ́n zɛnwunkɛn bo yi nùkun tɔn do gbé. Hwénu e é ɖo núkún ɔ do we ɔ, núkún ɔ ɖee jɛ ayi ali kpa, bɔ è tafɔ ji, lobɔ xɛ ɔ yě cyán co ɖu. ⁶ Ɖěe wa jɛ awinnyàkanmɛ, ée yě wu yě fyɔ tlóló, ɖó yě mɔ fífá ǎ. ⁷ Ɖévo lɛ jɛ owunkanmɛ, bɔ ée yě jɛ wǔwú ji ɔ owun ɔ yě ɖésu nɔ wú bo vun bla yě. ⁸ Ɖé wa jɛ ayikungban ɖagbé ji,ée yě wǔ ɔ, núkùn unkpo na mɔ̌hunkɔtɔn donù kanweko (100).» É e Jezu ɖɔ mɔ̌ ɔ, é zé gbé do ji bo ɖɔ: "Mɛ é ɖó togbe bo na sé nǔ ná ɔ ni ɖo to bo sé." ⁹ Ahwanvi tɔn ɔ yě biyaxa olǒ e dǒ ɔ sín tínmɛ. ¹⁰ Bɔ é ɖɔ: axɔsú ɖuto Mawu tɔn sin nùbudo ɔ yě ɔ, é midɛɛ wɛ é ná boni mi ná mɔ nukunnu jɛ mɛ na, amɔ mɛɖé ɔ yě ɔ o, olǒ mɛ wɛ é nɔ ɖɔ xo tɔn do nú yě, é nɛ ɔ, yě ná ɖo nǔ mɔ we cobo ka ná nyi nǔmamɔtɔ, yě na ɖó nǔ ́sé we cobo ka ná mɔ̀ núkúnnú jɛ nǔ tí wú ǎ. ¹¹ Olǒ e un dó ɔ, tìnmɛ tɔn ɖie: núkùn ɔ, Mawu xo ɔ wɛ. ¹² Núkùn é jɛ alikpa ɔ yě ɔ mɛ é nɔ sé Mawu xo ɔ bɔ awovi nɔ wa ɖé sin ayixa yětɔn mɛ ɔ yě wɛ, ɖó yě ta wa ɖi nú bo na mɔ hwlɛngan. ¹³ Núkùn é jɛ awínnyà kanmɛ ɔ yě ɔ, mɛ é nɔ sé Mawu xo ɔ lobo nɔ yí kpan awajijɛ kpan ɔ yě wɛ, amɔ yě nɔ do ɖɔ do ǎ, yě nɔ sù nú hwénúɖé, bɔ tɛnkpɔn sín hwénú wa sú ɔ yě nɔ jo agɔn yi gudo. ¹⁴ Nǔkùn é jɛ owunkan mɛ ɔ yě ɔ, mɛ é nɔ se Mawu xo ɔ bɔ núlinkpɔn, dɔkùn kpan vivi gbɛmɛ fí tɔn kpan nɔ vun blá xó ɔ bɔ sínsɛn yětɔn ma nɔ mya ǎ ɔ yě wɛ. ¹⁵ Nǔkùn é jɛ ayikungban ɖagbé jí ɔ, mɛ é nɔ se Mawu xo ɔ bó nɔ́ yí kpan ayixa ɖagbé kpan lobo nɔ hɛ̌n do ayíxa mɛ bó nɔ ná sínsɛn gbɔn lǐnsyɛ́nsyɛ́n yě tɔn gbla mɛ yé wɛ. ¹⁶ Mɛ dé nɔ tá myɔgbɛ́n bó nɔ xwè nǔ dó, kabi bó nɔ sɔ́ dó akánma glɔ ǎ, amɔ nǔ ji aga wɛ é nɔ sɔ́ dó bǒ nú mɛ e na byɔ xwégbe ɔ yě na mɔ wěziza. Ɖo nǔ ɖébu tíin ɖó wěziza. ¹⁷ Ɖo nǔɖebu tiín ɖo hwlahwla bo ma na jɛ weji gbe unkpo ă . nǔɖebu ka nɔ́ wi mɛ ă é na wá weziza nù. ¹⁸ Mi nɔ hɛn ayixa do untě mi nɔ se gbɔn ɔ go . Đo mɛ́ é ɖo nǔ ɔ . e na lɛ ná ɛ deji . amɔ mɛ é ma na ɖo nǔ ǎ ɔ, nǔ é è lín ɖɔ è mi ɖo ɔ è ná lɛ yi sin asiwúntɔ̀n . ¹⁹ Jezu sin nɔ̀ kpan Jezu sìn nɔ̀vi ɔ yě kpan ka wǎ kɔ́nwuntɔ̀n, amɔ́ yě súkù yi fié è ɖè ɔ ǎ, ɖo gbɛ̀tɔ́ sukpɔ. ²⁰ Mɛ unkpo ka ɖɔ ni Jezu ɖɔ: yiyě towe kpan nɔvi towe ɔ yě kpan ɖo zɛnwunkɛn bó ɖó ogbo towe mɛ. ²¹ Jezu yí gbe ní ɖɔ: Mɛ é nɔ ɖoto Mawu xo ɔ, bó nɔ blo déji ɔ yě wɛ nyi nɔ ce kpan nɔvi ce lɛ kpan. ²² É ka wa sùn gbe unkpo, bɔ Jezu byɔ tɔji hun ɖé mɛ é kpan ahwanvi tɔn ɔ yě kpan, é ɖɔ ni yě ɖɔ: E mi nú é ma yi agé ɖéɔ ji, yě yì. ²³ Hwenu é yě ɖo yìyì we ɖo tɔ ɔ̀ ji ɔ́, Jezu bɛ amlɔ. Ahasɛ hasɛ jɔhɔn ɖaxo ɖé ka jɛ nyi nyi ji ɖó tɔ ɔ ji, tɔji hun ɔ ka jɛ gǐgɔ́ ji, bɔ nǔ nyànyà ɖó na jɛ we ²⁴ Yě sɛyǎ ɛ bo fɔ́n ɛ, lobo ɖɔ: «Mɛ̌si! Mɛsi! mǐ ɖó na dɔn we.» É ka fɔ́n bo wà adan do jɔhɔn ɔ kpan xù ɔ kpan, bɔ yě có xwɛ, lobɔ fí bi kí tóó. ²⁵ Bɔ é biyaxa yě ɖɔ: «Fí è nuɖiɖi mitɔn ɖě ?» E kpácá yě bɔ xɛsi jɛ yěji , bɔ ye jɛ yěɖee biyaxa ji ɖɔ: «E mɛ ka nyi nya é yɔ ɛ, bonɔ ɖegbe dó jɔhɔn kpan tɔ kpan, bɔ yě nɔ se gbe n'i?» ²⁶ Yě ka wá jɛ Jelazáanu ɔ yě sí to e kpan nukɔn Galilée ɔ mɛ. ²⁷ Ée Jezu jɛte sín tɔjihún ɔ mɛ wá agě ji ɔ́, nyɛ to ɔ mɛ nu ɖe wá kpée, bɔ yɛ nyányá mɔkpan ɖò jiwuntɔn.E ma sɔ dó awu kɔ ǎ ɔ, é ko lín, é ka sɔ nɔ́ nɔ oxwé ɖé gbe ǎ, amɔ yɔta ɔ yě ji jɛn é nɔ yì dɔ́n. ²⁸ Hwenue é mɔ Jezu ɔ, é jɛ xó sú ji bo jɛkpo ɖo asatɔn mɛ lobo zé gbe yì jí bo ɖɔ : «Étɛ́ o jlo na sɔ mì wa na ɛ, Jezu Mawu Ajalɔnɔvǐ? Kɛnklɛ́n, ma dó ya nú mì ó.» ²⁹ Jezu ɖé gbe dó yɛ nyányá ɔ ɖɔ n'i zɛnhɛn sín nya ɔ mɛ. Ɖó azɔn mɔ̌kpan wɛ yɛ ɔ ko zɔn jiwuntɔn, bɔ è nɔ do gan afɔ ni kpan wlɔ kpan nú é ma tɔ ó. Amɔ e nɔ hɛn gan ɔ kpan wlɔ ɔ kpan bǐ wɛ̌n, bɔ yɛ nyányá ɔ nɔ kpla ɛ yì axékó ɔ ji. ³⁰ Jezu byɔxa ɛ ɖɔ̀ «Nɛ̌ nyikɔ towe nɔ nyí?» Bɔ é yigbe ní ɖɔ: Ahwan wɛ un nɔ nyi ɖɔ, ɖó yɛ nyányá mɔkpan wɛ byɔ nya ɔ sin gbɛzan mɛ. ³¹ Bɔ yɛ nyányá énɛ yě jɛ vosa ni Jezu ji ɖɔ é ni ma nya émì yí dó do gɔngɔn mɛ ó. ³² Oklǔza hwan ɖaxo ɖé ka ɖo sókan mɛ finɛ, bó ɖo nú badu we. Bɔ yɛ nyányá ɔ yě do kɛnklɛn nú Jezu ɖɔ é ni na ̀gbé é mi bo ni émi na yí byɔ́ akluza é nɛ yě mɛ. E ka na gbe tɔn yě. ³³ yɛ nyányá ɔ yě zɛnwunkɛn sin nya ɔ mɛ, bo byɔ akluza ɔ yě mɛ, lobɔ akluza ɔ yě bɛ wezun sín so ɔ ji, bo kɔn nyi tɔ mɛ, bó kú tɔ. ³⁴ É è okluzanyitɔ ɔ yě mɔ nǔ e jɛ ɔ́, yě hɔn, bo yi ɖɔ nǔ e jɛ ɔ yě ni mɛ ɔ yě ɖo toxo ɔ mɛ kpan glétoxo ɔ yě kpan mɛ. ³⁵ Bɔ gbɛtɔ ɔ yě zɛnwunkɛn bó wa kpɔn nu é jɛ ɔ. E e yě wa Jezu gɔn ɔ, yě mɔ nyɛ e ji Jezu nyá yɛ nyányá ɔ yě sín ɔ ɖò ayijunjɔ ɖo afɔ Jezu tɔn ɔ yě kpa, bɔ é ko dǒ awu, lobɔ ayixa tɔn wa gbɛtɔ mɛ; é è yě mɔ ɛ ɔ, xɛsi jɛ yě ji. ³⁶ Mɛ é ɖo tɛn tɔn mɛ bo mɔ unté è Jezu gbɔ azɔn nú yɛnyányánɔ ɔ gbɔn ɔ yě wli co ɖɔ ni mɛ é wa ɔ yě. Énɛ ɔ, yě mɛ é ɖo Jenezal ³⁷ ɛti ɔ yě có ɖò kɛnklɛn ní Jezu ɖɔ é ní gosin ayikungban é mìtɔn ji, ɖo xɛsi ɖaxo ɖé jɛ yě ji. Jezu ka byɔ́ tɔjihun mɛ, bó lɛkɔ sin yě gɔn. ³⁸ Nya é ji yɛ nyányá yě gosin ɔ ka savo ni Jezu ɖɔ émì na xwédó e. Amɔ Jezu ka lɛ́kɔ ni bo ɖɔ: ³⁹ «Lɛkɔ yì xwé towe gbe lobo yi wli nù e Aklunɔ wa nú we ɔ có ɖɔ ní yě». Nya ɔ ka ɖido lobo jɛ nú é Jezu wa ni ɔ ɖɔ ji. ⁴⁰ É e Jezu lɛkɔ wa ɔ togun ɔ yí, ɖó yě có yɛ ɖò te kpɔn ɛ. ⁴¹ Nya unkpo tíin bɔ e nɔ ylɔɛ ɖɔ Jayilusi, sínsɛn gan wɛ ni. E jɛ kpo ɖo Jezu samɛ bo do kɛnklɛn ní ɖɔ nì wa xwé e mì tɔn gbe. ⁴² Ɖǒ nyɔnuvi tɔn é ɖo kudonu. Hwenu e Jezu xweyǐgbe ɔ̀, mɛ é tɛntìn é ɖé ɔ yě sukpɔ káká bó ɖo fyɔ́nfyɔ ɛ we bɔ agbɔn kpé e. ⁴³ Nyɔnu ɖé ka ɖo mɛ ɔ yě mɛ bo ɖo ohun ɖé we sín xwe wěwe ɖié unpóó, é zan nǔ é ɖo ɔ có ɖo dotóó ɔ yě gɔn, có yě ɖě ka azɔn ɔ wu bo gbɔ ni à. ⁴⁴ E gbɔn gudo Jezu tɔn bó ɖó alɔ awu tɔn tó. Azɔn unkpo ɔ, ohun é ɖé we é ɖe ɔ gbǒ. ⁴⁵ Jezu ka byaxa ɖɔ: «Mɛ̌ ɖó alɔ wútú cě?» E e yě co ka jɛ kpigbɛji ɔ, Piyɛ́ɛ ɖɔ ni ɖɔ: «Mɛsi, mɛ ɔ yě lɛ̌lɛ̀ dó we bó ɖo fyɔ́nfyɔ́n we wɛ gbɔn fǐ bǐ» ⁴⁶ Amɔ Jezu ka yi gbe ɖɔ: «Mɛɖé ɖó alɔ wutu ce, un mɔ gan ji ɖɔ hlɔnhlɔ́n ɖé tɔn sín wutu ce.» ⁴⁷ E e nyɔnu ɔ́ mɔ ɖɔ nǔ e émi blo ɔ gba ɔ, é jɛ sísɔ̀sísɔ ji bó jɛ kpo ɖo Jezu nukɔn, bɔ unté è nǔ ɔ yě jɛ gbɛn ɔ, é wli có ɖɔ ɖó togun ɔ sín nukɔn kpan unté è é mɔ azɔn hɛngbɔ gbɔn tɛntɔn mɛ ɔ kpan. ⁴⁸ Enɛ ɔ, Jezu ɖɔ ni ɖɔ: «fí cé, nǔɖiɖi towe hlɛn we gan. Yì ɖo fifa mɛ.» ⁴⁹ E kpoɖo xó ɖɔ we bɔ, mɛɖé wa sìnsɛngan Jayilusi gɔn bo ɖɔ ni ɖɔ: «fí towe ko ku ma sɔ do tagba nú Mɛsi ɔ́ ó.» ⁵⁰ Amɔ é è Jezu sé xó ɔ, é ɖɔ ni Jayilusi ɖɔ: «Ma ɖi xɛsi ó, fɔko ɖi nǔ kpowun, énɛ ɔ azɔn na gbɔ ni fí towe.» ⁵¹ É e Jezu wa Jayilusi xwé ɔ é lɔn ní mɛɖé yɛ xɔ ɔ xɛɛ zɛ Piyɛɛ, Jaan, Jaki kpan fítɔ́ ɔ́ kpan fínɔ̀ ɔ wu ǎ. ⁵² Mɛ co ɖo afi ya we, bó ɖo vosa we ɖó fí ɔ wutǔ. Jezu ka ɖɔ: «Mi ma ya fì ó, fí ɔ ku ǎ, amlɔ dɔn we é ɖé.» ⁵³ Yě ka jɛ cica Jezu ko ji ɖó yě tunwun ɖɔ fí ɔ ko ku. ⁵⁴ Amɔ Jezu hɛn fí ɔ sin alɔkwɛ lobo ylɔɛ kpan xosunsun kpan ɖɔ: «fí cé sité!» ⁵⁵ Gbigbɔ fí ɔ tɔn lɛkɔ wa, bɔ é site tlóló tɛntɔn mɛ. Jezu na gbe ɖɔ e ni nà núɖuɖu fí ɔ. ⁵⁶ É kpáca mɛjitɔ fí ɔ tɔn ɔ yě; Jezu ka do sɛ́n nú yě ɖɔ nǔ e jɛ ɔ yě ni ma ɖɔ ni mɛɖé ó.