Luki 21
1
Jezu sɔ owunta yì eji bo mɔ dɔkunnɔ ɔ yě ɖò akwɛ sɔ dó akwɛgbá sínsɛn xɔmɛ tɔn ɔ mɛ we.
2
É mɔ asúkúsi wamamɔnɔ ɖé, bɔ é sɔ́ gǎnkwɛ́ kpɛvi kpɛvi owe dó gbǎ ɔ mɛ.
3
Enɛ ɔ, é ɖɔ,"Ma ɖɔ nǔgbo nɛ mi,akwɛ́ é asúkúsi wamamɔnɔ é nɛ na ɔ, hǔgan mɛ ɖě ɔ yě có tɔn.
4
Mɛ ɖě ɔ yě có ɔ, nǔ é kpe yě kpo ɔ mɛ wɛ yě ɖesin bo wa na nǔ do gbǎ ɔ mɛ. Amɔ asúkúsi é yɔ ɔ, nǔ e ɖò asi tɔn , bɔ̌ é na ɖu, bó nɔ gbɛ ɔ có wɛ é sɔ wa d'emɛ."
5
Ɖěe mɛɖé lɛ jɛ agunxɔ ɔ sín awǐnnya ɖagbe ɖagbe ɔ yě xó ɖɔ ji kpan nǔ e mɛ ɔ yě na Mawu bɔ e sɔ dó ba acɔ nú sínsɛnxɔ ɔ́ xó ɖɔ ji ɔ, é ɖɔ:
6
"Nǔ énɛ yě e mɔ we miɖe dín ɔ́, hweɖenu ná wá sùn, bɔ awǐnnya ɔ yě ɖě sɔ ná kpo ɖo ɖě jǐ ǎ; có wɛ è na mu."
7
bljYě biyaxa ɛ ɖɔ, "Mɛsi,hwetɛnu wɛ nǔ nɛ yě ká jɛ ? Wuntun tɛ ka na ɖexlɛ mǐ ɖɔ nǔ nɛ yě ɖò na jɛ we ?
8
" Jezu ka yí gbe ní yě ɖɔ:"Mi hɛn ayixa mitɔn ní mɛɖé má wá flu mi ó.Ɖó e mɛ susu ná sɔ́ nyikɔ cé bo ná wá xwétɔn bo na ɖɔ: Nì wɛ nyí klisu ɔ, hwenue gbɛ na vɔ dǒ ɔ ka ko sɛya kɛ́nnɛ́ kɛ́nnɛ́." Mi ma xwedó yě ó.
9
Hwenue mi ná wá se bɔ è na ɖò ahwanfunfun kpan gunfínfɔ́n kpan sín xó ɖɔ we ɔ, xɛsi ni ma ɖi mi ó, ɖó nǔ wɛ nyi bo ɖó na jɛ xise, amɔ vivɔ gbe wɛ gbɛ ɔ kó ja nɛ ǎ.
10
Enɛ ɔ Jezu ɖɔ niyě ɖɔ:"Akɔta ɖě na site do ́ɖ'eji,bɔ axɔsuɖuto ɖě na site dó ɖ'ejǐ.
11
Ayíkúngban ná dan wǔ tawun, bɔ odɔ kpan nǔjɛmɛji kpan ná wá gbɔn fi tɛnmɛ tɛnmɛ .Nǔ baɖabaɖa susu na jɛ, lobɔ owuntun ɖaxó ɖaxóɔ yě na tɔ́n ɖo jixwé.
12
Amɔ, cóboní nǔ nɛ yě ná jɛ ɔ, e na wli mi bo ná dǒ tagba nɛ mi,lobo na dɔn mi yì kplɔ́n gbasá Jwifu ɔ yě tɔn,bo ná sɔ mi do gan kpamɛ,lǒo ná dɔn mi yì axɔsu ɔ yě kpan tokpɔngǎn ɔ yě kpan nukɔn, ɖó nyíkɔ ce wú.
13
Nǔ nɛ yě na jɛ̀ do mi ji, bɔ mi na zɔn d'éwú, bo na ɖe kúnnu un mì.
14
Mi ma ka ɖɔ emì na ba xó e emì na ɖɔ dǒ ba hwɛ nyɔ̌na ɔ ɖ'ayi ó.
15
Ɖó un ná sɔ́ xó é mi ná ɖɔ é kpan nǔnywɛ̌ é mi na zan bɔ kɛntɔ mitɔn ɔ yě ɖěbǔ ma na sixǔ ɖǔ ɖò mi ji ɔ dǒ xomɛ ni mi .
16
Mɛjitɔ mitɔn yě kpan nɔvi yě kpan mɛ mitɔn yě kpan nyá mitɔn yě kpan ná sɔ mi jo, bɔ yě na hu mɛ súsú ɖo mi mɛ.
17
Mɛ có na gbɛ wan ni mi ɖó nyikɔ cé wutú.
18
Amɔ, oɖa é ɖo unta mitɔnɔ unkpo na bú ǎ.
19
Enyí mika dɛ ɖo wuvɛ e nɛ yě nu ɔ, mi na hwlɛn lindɔn mi tɔn ɔ yě gan.
20
Hwenue mi ná wá mɔ kɛntɔ ɔ yě nyí ahwan bo jan Jeluzalɛmuto ɔ, mi nywɛ ɖɔ hwenue è nǎ gba ɛ do ɔ ko sɛaya.
21
Enɛ ɔ, mɛ é ná ɖò Judée gbeji ɔ yě ni hɔn yo só ɔ yě ji, mɛ é na ɖo Jeluzalɛmuto ɔ tɛntín ɔ yě ni hɔn zɛnwunkɛn, bo ni mɛ e na ɖo glege ɔ yě ni ma sɔ́ lɛkɔ wa to ɔ mɛ ó.
22
Ɖó hlɔnbiba sín asǎn wɛ asǎn énɛ yě ná nyí, bɔ nǔ e è ko hwlan ɖ'ayi ɔ có na jɛ.
23
Asǎn nyányá wɛ asǎ énɛ yě na nyí ni nyɔ̌nu e na hɛn oxo ɔ yě, kpan nyɔ̌nu e ná ɖǒ fǐ onɔ̌nu hwenɛnu ɔ yě kpan ! Ɖó to ɔ́ có na jɛ lele mɛ, bɔ Mawu ná ɖe xomɛsin tɔn xlɛ togun ɔ́.
24
Yě ná kú dɛkpe kú,ahwan na wli kannumɔ yětɔn yì akɔta ɔ có mɛ, lobo mɛ é ma nɔ sɛ́n Mawu ǎ yě ná gbidi Jeluzalɛmu kpan afɔkwɛ kpan, káká yì jɛ hwenue gan mɛ yětɔn ná vɔ dó ɔ.
26
È ná mɔ owumtun ɖò hwesivɔ mɛ, bó ná mɔ ɖò sun mɛ kpan sunvǐ ɔ yě kpan mɛ. Lobɔ ayíkungban jí ɔ́, togun ɔ́ yě ná ɖò adohu adohu jí bo na tunwun nǔ e yě na blo ɔ ǎ, bɔ e zingidi e ɖú wɛ xu ɖe ɔ kpan untěe xò gbɔ́n we é ɖe ɔ kpan ná gba hǔn do ni yě.
25
Gbɛtɔ ɔ yě na ɖò nǔ e na jɛ do gbɛ ɔ ji ɔ kpɔn sɛ dó we bɔ xɛsi ná ɖí yě, ɖó hlɔ̌nhlɔ̌n jǐxwé tɔn ɔ yě ná dan wǔ.
27
Enɛ ɔ, è na mɔ gbɛtɔvǐ ɔ ɖò akpɔ́ kpɔ́ mɛ ja we, kpan hlɔ̌ hlɔ̌n kpan, ɖò susu ɖaxó ɖé mɛ.
28
Nǔ enɛ ɔ yě jɛ ji jɛ ji hǔn, mi jlɔ, bó kpɔ́n jǐ, ɖó hwenue Mawu ná hwlɛ́n mi ɔ ko yá.
29
Jezu ka dó olǒ unkpo ni yě bo ɖɔ: "Mi kpɔ́n figitín kpan atín ɖě ɔ yě có kpan.
30
" Enyí yě jɛ ama zɔ́njí tlolo bo ní mi mɔ ɔ́, mi ɖesunɔ kó nɔ nywɛ ɖɔ xweji nɛ̌ ɖò nǎ wɔ we nɛ́.
31
Mɔ̌ unkpó ɔ, ényí mi wá mɔ nǔ énɛ yě ɖò ji jɛ we hǔn,mi nywɛ ɖɔ axɔsuɖuɖu Mawu tɔn kó sɛ yá.
32
Ma ɖɔ nǔgbo nɛ mi,mi mɛ e ɖò gbɛ dín ɔ có na kó kú cóbóni nǔ enɛ yě ná kó jɛ ǎ.
33
Ejiwunkúsú kpan ayǐkúngban kpan ná vɔ, amɔ xó cé ɔ uě na vɔ gbeɖé ǎ.
34
Mi bo cɔ miɖée bóní nǔ ɖu díngan, ahan nu díngan, kpan gbɛmɛ tagba ɔ yě kpan ma wa cyɔ́n ayíxa mitɔn jí, lobo ni asǎn enɛ ɔ wa fyán mi ajotɔ ɖɔhǔn ó;
35
ɖó asǎn enɛ ɔ ná wá fyán mɛ untěe mɔ nɔ fyán kanlín gbɔn ɔ ɖɔhǔn.
36
Mi bo nɔ wunzɛn lobo xoɖɛ hwe có nǔ, bó na mɔ hlɔňhlɔ̌n ba gló nǔ e na jɛ yě có, lobo na sigan nɔte ɖò gbɛtɔvǐ ɔ́ nukɔn.
37
Ayíhɔn ɔ,Jezu nɔ ɖò nǔ kplɔn mɛ we ɖò yɛhwexɔmɛ, sǎn mɛ ɔ́, é ka nɔ yì kí só e é nɔ ylɔ ɖɔ olívutín só ɔ jí.
38
Ayí ka hɔn tlolo ɔ, togun ɔ́ cǒ nɔ wá yɛhwexɔ ɔ mɛ, bó na se xó tɔn.