¹ Jezu ɖɔ ni ahwanvi tɔn ɔ yě ɖɔ: "Nǔ e nɛ ɔ yě ɔ na jɛ dandan, amɔ hééluní mɛ e ji e na gbɔn ɔ́. ² E sin sě do kɔ ní lobo zé é nyi xǔn mɛ ɔ é kpé ni hwu ɖɔ e na nyi afɔklɛnwinyá nú fí kpɛvi nɛ ɔ yě unkpo. ³ Mi cɔ mìɖee. E nyi nɔvi towe hwuhwɛ do we hùn, lɛ vɔ yii, bo ni é ka vɔjɔ̀ hun sɔkɛɛ. ⁴ E nyi e hwu hwɛ̀ dó we azɔn tɛnwe ɖó kézè unkpo mɛ bo ka lɛ kɔ wa azɔn tɛnwe ɖɔ hi ni sɔkɛ e mí ɖɔ "é mi ko vɔjɔ̌ hún, o ɖo na sɔkɛ". ⁵ Mɛsɛdo ɔ yě ɖɔ ni ɖɔ: "Tǒ nuɖiɖi mitɔn ji ni mǐ". ⁶ Aklunɔ ka ɖɔ ni yě ɖɔ, é nyi mí na bó tlɛ ɖó nuɖiɖi atínkwin kpɛvi sǐnɛyé tɔn ɖɔhún ɔ, mi ná ɖɔ nǐ atín ɖaxo sikomɔɔ ɖɔ, hɔ̀n bo yi tǔn hwidée ɖo hǔn mɛ́ bɔ é na sé gbé ni mì. ⁷ Mɛ ka ɖò mi mɛ bo ɖó mɛsɛntɔ unkpo bɔ é nɔ lɛ glé nǐ alo é nɔ nyi kanlìn nǐ, bɛ na gosin glégé bɔ é na ɖɔ ní ɖɔ: "wa júnjɔn ayi kpɔn (tavu) kɔn ba ɖu nu?" ⁸ E nyɔ́ wa ɔ má nyi é na ɖɔ, "Blǒ nùɖuɖu nú mì, bo huzu kan bo sɛn mi kaka yi jɛ hwenu e un na ɖu nù bo nǔ sìn vɔ ɔ. Enɛ ɔ gudo ɔ, hi ɔ o na wa ɖunú bo nù ahan towe yɔ wɛ a cé?" ⁹ Mɛsɛtɔ ɔ na bo wa nu we e zɔn ɛn ɔ co ɔ̀ e na doku tɔn ni wɛ mi vɛ do nà ? ¹⁰ Mi lɔɔ mɔ ɔ,e nyi mí wa nu we ezɔn mi ɔ vɔ hun, mí nɔ̀ ɖɔ: "Mɛsɛntɔ kpowun (yaya) wɛ mi nyi, nǔ e mi ɖo na wa ɔ jɛn mi wa". ¹¹ E (Jezu) ka wa yi Jeluzalɛmu bó gbɔn Samali kpan Galilé kpan tétin. ¹² E byɔ kɔxwé unkpo mɛ, gudunɔ wǒ ka wa kpéé.yé ki zɔ ¹³ bo dé gbé ji ɖɔ: "Jezu nukplɔnmɛtɔ kùnùblawu mǐtɔn!" ¹⁴ É e mɔ yě tlolo ɔ é ɖɔ: "Mi yi sɔ miɖée xlɛ fɔnsanuxwlé Mawu tɔ ɔ yě". Hwenu e yě xweyigbé ɔ, azɔn yětɔn gbɔ. ¹⁵ Mɛ unkpo ɖo yémɛ, bɔ é mɔ ɖɔ azɔn gbɔ ni e mi ɔ, nɔté bo sɔ gbe yi jǐ o jɛ Mawu kpa ji. ¹⁶ E wa xwe akpɔnnúsu do ɖò Jezu sin afɔkwɛ ɔ yě kɔn, bo jɛ susu kpa ni ji. Samaritanu ɖé wɛ. ¹⁷ Jezu ka yi gbe ní ɖɔ: "azɔn gbɔ̀ ní mɛ wo ɔ yě co a cé? Fi émɛ tɛnɛ ɖé ɔ yě ka ɖé? ¹⁸ Mɛ ɖé sɔn ɖo yemɛ bo ná wa kpa susu ní Mawu zɛ nyà conɔ̀ e yɔ wu a cé? ¹⁹ Bo ɖɔ ní ɖɔ: "sité bo yi, nuɖiɖi towe hwlɛn we gan." ²⁰ Falizeinu ɔ yě ka wa kan nǔ byɔ Jezu do hwenu e axɔsuɖuto Mawu tɔn na wa do ɔ, Jezu yi gbe ní yě ɖɔ: "axɔsuɖuto Mawu tɔn nyi nǔ we é na siku mɔ̀ ǎ. ²¹ Yě siku ɖɔ gbeɖé ɖɔ é ɖié ɖo fi è alo éɖi ɖo tɔn e ǎ". Ɖo eɖie, axɔsuɖuto Mawu tɔn ɔ ɖó mi tétín. ²² Bo ka ɖɔ ni ahwanvi tɔn ɔ yě ɖɔ "ayi ɖe lɛ na wa hɔ̀n bɔ mí na ba na mɔ nyi mɛ gbɛtɔvi ɔ nu kéźé unkpo,có mi ka na mɔ ǎ. ²³ O yě na ɖɔ ni mì ɖɔ eɖi e fi é eɖi e tɔn e. Mi ni ma yi ǒ, mì ma ̀kan wezún jɛ yě gudo ǒ. ²⁴ Ɖo un téé jǐ nɔ́ kɛnwun bɔ jǐnukusu nɔ̀ kɛnwun sin akpa ɖé xwé wa yi ɖěvo xwé gbɔn ɔ, mɔ́ wɛ na nyi ni nyi gbɛtɔvi ɔ sin asan gbe. ²⁵ Amɔ ya wɛ un na ji kaka bɔ gbɛtɔ dín tɔn ɔ yě na tó gbɛ̀ mi xwɛ. ²⁶ Nǔ e jɛ ɖo Nɔwéé hwenu ɔ̀, wɛ ná jɛ pɛpɛpɛ nyi mɛ gbɛtɔvi ɔ̀ sín asǎn gbe. ²⁷ Yě ɖó nuɖu we, ahan nu we, yě ɖo yedéé da wè bo ɖo fí yétɔn ɔ yě sɔ ná asu we, kaka yi jɛ gbe e gbe Nɔwéé byɔ tɔ̀jihun ɔ mɛ bɔ asǎn kanɖé jǐ ɔ̀ wli, bo hu yě co ɔ́. ²⁹ Nú e jɔ ɖó Lɔ̌tu hwenu ɔ mɔ̀hun kɔtɔ na lɛ jɛ. Ye ɖo núdu we, ahan nú we, nǔxɔ we, nǔsa we, atíntùn we, xɔ̌ gba we. ²⁸ Amɔ gbe e gbe Lɔ̌tu gosin Sodɔmu ɔ, myɔ́ jǐ ɖé wlǐ kpan jɔhɔn kpan gosin jǐxwe bó hu yě co. ³⁰ Mɔ wɛ ná nyi gbɔ̀n pɛpɛpɛ gbe e gbe nyi gbɛtɔvi na xwetɔn ɔ́. ³¹ Gbe nɛ̀ ɔ gbe ɔ, mɛ e na ɖó xɔ̌ ji, bɔ nǔ tɔn ɔ yě ka ná xɔ̌mɛ ɔ, ni ma jɛté ɖɔ e mí na bɛ yě ó, mɛ́ e ka na ɖo glégé́ ɔ ni má lɛkɔ wa kudo ó ³² Mi flin nuejɛ̀ do Lɔ̌tu sin asì ji ɔ. ³³ Mɛ e ba na hwlɛn gbɛ éɖéé tɔn gán ɔ́ gbɛ̀ tɔ́n ná bu, lobɔ mɛ e ka ná hɛn gbɛ tɔn bǔ (ɖo ta cé mɛ̀) ɔ́ ná mɔ sɔ. ³⁴ Má ɖɔ ni mì, sǎn nɛ̀ ɔ́ mɛ́ ɔ́, mɛ owe ná ɖo zǎn unkpo ɔ ji, bɔ e ná sɔ́ mɛ unkpo bo jo unkpo do, ³⁵ Nyɔnu owe na ɖò nǔ li we ɖo kpɔ́, é na ́ sɔ mɛ unkpo bo na jo mɛ ɖé ɔ̀ do. ³⁶ Sunnu owe ná ɖo glěge, bɔ e na sɔ mɛ unkpo bo jo mɛ ɖě ɔ do. ³⁷ Yě kanbyɛ ɔ ɖɔ: " Fie wɛ Aklunɔ?" E yi gbe ni yě ɖɔ: "Fie agbasa unkpo ɖe ɔ, aklasú ɔ yě ɖó na kple ɖò finɛ."