¹ Hwenɛnu unkpo ɔ, mɛɖé lɛ ɖɔ ni Jezu ɖɔ: Galiléenu ɖé lɛ ɖo fɔn sa nú Mawu we, bɔ Pilatu zɔn bɔ e hu yě bo caka kanjɔ yětɔn kpan fɔnsisa ɔ kpan. ² Jezu ka yi gbe ɖɔ: Mi vɛdo ɖɔ Galiléenu enɛ ɔ yě hu hwɛ hú Galiléenu ɖé ɔ yě wutu é hù yě gbɔn mɔ sin ǎ? ³ Gbeɖé un ɖó ɖùɖɔ ni mi we. Amɔ é nyi mibma vɔjɔ ǎ mi co ná ku gbɔn alɔkpa unkpo ɔ. ⁴ Abi mɛ afɔntɔn-nukún-otɔn é ɖo Silowé bɔ ahoho Silowe tɔn mù jɛ yě ji bɔ yě ku ɔ mi ɖi ɖɔ yě hù hwɛ hú Jeluzalɛmu ɖe ɔ yé co wɛ na? ⁵ Gbeɖé ma ɖɔ ni mi. Enyi mi ma lɛ vɔjɔ à ɔ mi co xwíi wɛ na dɔ̀n. ⁶ Jezu do olǒ é yɔ bó ɖɔ : nya ɖé tùn figitin unkpo nyi viwungbo tɔn mɛ. É ka ja sínsɛn gbɛ déji gbe ɔ, é ka mɔ ɖé ǎ. ⁷ É ɖɔ ni viwunzɔwatɔ́ ɔ ɖɔ: kpɔn, sin xwé otɔn ɖié unkpóó wɛ un nɔ tɔn sínsɛn gbɛ gbé ɖo atìn e yɔ ji bo nɔ wa ba kpo, sɛ̀ɛ̀n sìn! Aniwutu é ka ná do e bɛ ná ɖo tɛn han mɛ we yaya kpowun ɖo ayikungbanji fǐ é? ⁸ Viwunzɔwatɔ́ ɔ ka yi gbe n'í ɖɔ: Kan cé lɛ joé do xwe éyɔ mɛ ni mi na kpɔn, un na kùn do lɛlɛ do e, bo na bɛ zunkɔ demɛ; ni é siku na sinsɛn ɖo xwe é ja we ɔ mɛ. ⁹ Amɔ ni é ma má sínsɛn ɔ é na sɛ̌n. ¹⁰ Jezu ká wa ɖo núkplɔn mɛ we ɖo kplɔ̌ngbasa ɖé mɛ ɖo gbɔnjɛnzangbe. ¹¹ Nyɔ̌nu ɖe ka ɖo finɛ bɔ yɛ nyányá ɖo ji tɔn. Yɛ nyányá ɔ zɔ́n bɔ nyɔ̌nu ɔ gblé wɔn, bó kpɛn-kpo, bo sɔ kpewu bo nɔ kité ǎ sin xwe afɔtɔn-núkùn-otɔn ɖié ¹² É è Jezu mɔ ɛ ɔ, é ylɔ ɛ bó ɖɔ "Nyɔ̌nu", azɔn towe gbɔ nú we. ¹³ E d'alɔ jiwuntɔn bɔ nyɔ̌nu ɔ jlɔ tlólo tɛn tɔn mɛ, bó jɛ susu kpa ni Mawu ji. ¹⁴ Lo ɔ é è ka nyi ɖɔ gbɔjɛzangbé wɛ Jezu gbɔ azɔn ni mɛ ɔ ǎ, é vɛ mɛ é nyi kan kplɔngbasa ɔ tɔn wu, bɔ yé ɖɔ ni yě ɖɔ: «Asǎn ayizɛn wɛ nyi asɔwasǎn ɖo Aklunɔ sǎngbe gbla unkpo mɛ. É nyi mí jló ni é na gbɔ azɔn ni mì hùn, mi bó nɔ wá asǎn nɛ ɔ yě gbe mi mà nɔ wá gbɔjɛsǎngbe ó. ¹⁵ Aklunɔ yi gbe n'í ɖɔ: "yɛmɛnǔwatɔ́ é mi! Mɛ ka ɖo mi mɛ ó ma ka nɔ́ tùn kàn ni toki tɔn alo nyibu tɔn lobo nɔ kpla'ɛ yi sìn nú gbe gbɔnjɛsǎngbe ǎ ? ¹⁶ Bɔ nyɔ̌nu é nyi Ablaxamu vi bɔ awovi bla sín xwe afɔtɔn-nukun-otɔn ɖié unkpóó ɔ, é hɛn ɔ é na tun kàn ni ɖo gbɔjɛsǎngbe a cé? ¹⁸ Jezu ka wa ɖɔ ani go é na jlɛ axɔsuɖuto Mawu tɔ́n ɔ do alo ani nɔhún é ki? ¹⁹ É ki ahwakwin bɔ glénɔ ɖé do ɖo jikpa tɔn mɛ nɔhun, e su bo huzu atǐn ɖaxo bɔ xɛ e ɖo agǎa yě bolo dɔ́ yětɔn nyi ala tɔn ɔ yě mɛ ²⁰ É ka lɛ ɖɔ, ani go wɛ un si ku lɛ jlɛ axɔsuɖuto Mawu tɔn dó? ²¹ É ki wɔxuxufɔnnǔ e nyɔ̌nu ɖé sɔ do caka linfìn jlɛnǔ otɔn kpan lobɔ e fɔn ɔ nɔhùn. ²² Jezu wli ali kpanta Jeluzalɛmu, bó nɔ ɖo núkplɔn mɛ ɔ yě we gbɔn toxo ɖaxo ɔ yě kpan kɔxwé ɔ yě kpan mɛ. ²³ Mɛ unkpo kanbyaxa'ɛ ɖɔ: Aklunɔ, mɛ kpɛɖé jɛn wɛ Mawu na hwlɛngan nugbo ǎ? Jezu ka ɖɔ ni yě ɖɔ: ²⁴ Mi do kàn bo gbɔn hɔnli kpɛvi ɔ nu; ɖo ma ɖɔ ni mi, mɛ̀ gege ná tɛnkpɔn, yě kanakpé go ǎ. ²⁵ Hwenu é xwetɔ́ na sité; lobo na sún hɔn tɔn ɔ́ mi na kité ɖo hɔn ɔ nukɔn bo na jɛ xuxu ji ɖɔ hún hɔ̀n nú mi, bɛ ka na ɖɔ ni mi ɖɔ: "un túùn mi ǎ, fi é mi gosin? ²⁶ Énɛ ɔ, mì na jɛ ɖiɖɔ ji ɖɔ: mí kpan hi kpan wɛ ɖu nú bo n'ahan, bɔ a kplɔn nù mi gbɔn ali ɔ yě ji. ²⁷ Énɛ ɔ é ka na yi gbé ni mi ɖɔ: Ma ɖɔ ni mi, un tɔnwun fí é nù mi nyi ɔ ǎ, mi sɛyi zɔ un mi nǔnyányáwatɔ é mi. ³⁰ Finɛ wɛ mi nǎ ya afì bo na ɖù aɖukwi ɖé, hwenɛnu è mi na mɔ Ablaxamu, Izaki, Jakɔbu kpan gbéyiɖɔ Mawu tɔn ɔ yě co kpan, ɖò axɔsuɖuto Mawu tɔn mɛ bɔ mitɛɛ ɔ mi ka na ɖo zɛnwunkɛn ɔ ²⁹ yě na gosin sansanhweji, gbadahweji, totaligbe kpan tofɔligbe kpan lobo na wa ɖù nú ɖ'axɔsuɖuto ɔ mɛ. ²⁸ Mi ni ka tɔnwun ɖɔ mɛ e na wa gbɔn gudo ɔ yě na jɛ nukɔn bɔ mɛ e jɛ nukɔn ɔ na wa gbɔn gudo. ³¹ Gbe nɛ ɔ gbe unkpo ɔ Falizeyinu ɖě wa ɖɔ ni Jezu ɖɔ: "gosin fi bo yi ɖó Elodu ba na hú we". ³² Jezu ka yi gbe ni yě lobo ɖɔ: "Mi ɖɔ ni nùhɛngbletɔ́ ɔ ɖɔ é ɖi é, un ɖo yɛ nyányá ɔ yě nyà we bo ɖo azɔngbɔ ni mi we éhɔnmɛ, bɔ sɔ kpan azan otɔn gbe kpan ɔ un na wa asɔ ce vɔ. ³³ Amɔ e ɖo taji un bɔ ehɔnmɛ, sɔ kabi asǎn e na jɛ finɛ ɔ un na yi, ɖo é nɔ lɔn bo ni gbeyiɖɔ ɖé nɔ ku mà nyi ɖo Jeluzalɛmu ǎ. ³⁴ Jeluzalɛmu! Jeluzalɛmu! hi é nɔ hù gbeyiɖɔ ɔ yě bo nɔ nyi xwǎn bo nɔ hù mɛsɛdo ɔ yě ɔ. Azɔn mɔkpan wɛ un ko jlo na kplé fì towe ɔ yě ɖ'awa ce ɔ yě glɔ koklo vinɔ̀ nɔhùn. Amɔ mi ka báá . ³⁵ Ma ɖɔ ni we, o sɔ́ na mɔ mi ɖé kaka yi jɛ hwenu é o na ɖɔ "jɛli jɛli ni mɛ é jaawe ɖo Aklunɔ nyikɔ mɛ ɔ.