¹ Piyɛ́ɛ̀ kpán Jaan kpán ka ɖó xóɖɔ́ ní togun ɔ we, bɔ fɔnsanuxwletɔ ɔ ye kpán Saduseaninu ɔ ye kpán sinsɛnx; cɔtɔ́ ɔ ye kpán wa. ² Xomɛ sin yě ɖo Piyɛɛ kpán Jaan kpán ɖo nukplɔ togun ɔ we do Jezu wu bo nɔ jla funfɔn sin kú tɔn sin mɛkuku lɛ mɛ̀. ³ Bɔ̀ ye wlí mɛsɛdo nɛ lɛɛ yi dó gankpamɛ bɔ̀ ye nɔ̀ finɛ́ kaka bɔ̀ ayihɔ̀n ɖó xwè ko ɖò xɔ yi wè. ⁴ Nu ka ɖò mɔ̌ co mɛ ee séxó mɛsɛntɔ́ ɔ yě tɔ́ ɔ dɔ̀n mɛ gege ɖinǔ. Mɛ̀ e ɖinu lɛ na yì ɖegba dè afatɔ́n mɔ̌. ⁵ Ayihɔ́ngbé tɔ́n ɔ, Jwifugan ye kpán sɛnkplɔnmɛtɔ́ ɔ ye wa kple ɖò Jeluzalɛ́mù. ⁶ Vɔnsanuxwle Mawutɔ́ xóxó na ɖo tɛn nɛ́ mɛ kpán Kayifu kpán, Jaan kpán Alɛsandli kpán Vɔsanuxwle mawutɔ́ ɖaxó ɔ sin hɛnnu ɔ ye có kpá. ⁷ Ee ye sɔ Piyɛɛ kpán Jaan kpá ɖo tɛntín ɔ, yě kan nu byɔ ye ɖɔ̀: xlnhlɔ́n alɔkpa tɛ alo nyikɔ́ tɛ mɛ mi nɔ blo nǔ nɛ ye? ⁸ Hwenɛnu ɔ yɛsinsɛn gɔ ayi mɛ ni Piyɛ́ɛ́ bɔ̀ e ɖɔ̀ ni yě ɖɔ: gan kpán tomɛxó lɛ́ émi, ⁹ mì ɖó hwé ɖo xa mi we egbe ɖɔ mi wá ɖagbe ni azunzɔ̀n nu e de bɔ̀ mi ɖo unte azɔ̀n gbɔ̀ ní gbɛtɔ́ ɔ mi tíìn mɛ̀. ¹⁰ Mì co kpán Izlayɛli togun ɔ lɔmɔ tunwun ɖɔ Jezu klísu Nazalɛti nu e mì ka nyi akluzuji bɔ mawu ka fɔ́n e sín nyikɔ mɛ wɛ nya nɛ ɖo ganji ɖe bo ɖote ɖo nukɔn mǐtɔ́n din. ¹¹ Jezu Klísu wɛ nyi awinnya e mi xomɛ tɔ lɛɛ xo nyi kɛn ɔ wa huzu awinnya taji ɔ. ¹² Hwlɛngan sɔ ɖo mɛɖebu gɔn ǎ ɖó nyikɔ ɖe jan ɖe ɖo hwe( jinukunsu) glɔ ɖe ee na gbɛtɔ́ ɔ ye lobɔ gbɔnji tɔn ɔ mi na mɔ hwlɛngan ǎ. ¹³ Ye mɔ Piyɛɛ kpan Jaan kpán ɖo ta sinyɛsinyɛ ɔ ye mɔ ɖo mɛ yaya e wɛ bɔ̀ ye kun mɔ nukunnu jɛ nu mɛ o ɔ, e kpaca ye bɔ ye wa mɔ nujɛ wu ɖɔ ye mɛ e nɔ zɔn xa Jezu ɔ ye wɛ̀. ¹⁴ Loɔ ɖee ye mɔ mɛ e ye gbɔ azɔn na ɔ ɖote ɖo ye kpa ɔ ye sɔ tunwun nu e ye na ɖɔ d'ego ɔ ǎ. ¹⁵ Loɔ, ye ka na gbè yě ɖɔ ni tɔ́n sin toxoɖɔgbɛ ɔ xɔsá bó jɛ xó ɔ gbejé kpɔ́n ji ɖo yě ɖee tɛ́ntín. ¹⁶ Bɔ̀ yě n;;o ɖɔ: " Ani wɛ mì na wà ní yě e ɔ ye? Dò nujiwu nukunɖ'éji e ye blo enɛ́ ɔ Jeluzalɛmuto ɔ có wɛ tuun bɔ mi sixu gbɛ́ ǎ. ¹⁷ Amɔ̌ mi na tɛnkpɔ́n ni e ma sɔ́ gbakpe yi nukɔn ɖo togun ɔ mɛ o, mi na dosɛ́n ni yeé ɖɔ̀ mɛɖe ma sɔ́ ɖɔ̀xó ni mɛ ɖějǎn ɖò nyikɔ́ énɛ́ mɛ̀ o. ¹⁸ Yě ylɔ ylɔ́ Piyɛɛ kpán jaan kpán bo gbɛ ni yeé ɖɔ ye ni ma sɔ ɖɔ xó kpán bo na kplɔ́nnǔ mɛ gbɔ̀n nyikɔ ee nyi Jezu ɔ ji o. ¹⁹ Amɔ̌ Piyɛɛ kpán Jaan kpán yigbe nǐ yě̌ bo ɖɔ̀: mi dahwɛ̀ : ɖó miɖee mɛ bo kpɔ́n ɖɔ e nyikɔ́ ɖɔ e ni setenú ni mi hú ɖɔ̀ e ni setenu ni Mawu à ji. ²⁰ Ɖò mi sixú gbɔ xoɖɔ dó nu emi se bo mɔ ɔ wú ǎ. ²¹ Ee ye klan Piyɛɛ kpan Jaan kpán bo van nukun dó ye gudo ɔ, ye jo ye do. Do ye tuun hwɛ e ye na dó ye bo dɔ̀nto ni yě ɔ ǎ. Lobɔ togun eye wa ɔ wutu. ²² Nya e ye blo nujíwú bo gbɔ̀ azɔn na ko ɖo xwe kanɖe mɔ̌. ^{23 24 25} Ee e jó yě yě gudo ɔ Piyɛɛ kpán Jaan yi mɛ ye tɔ́n ɔ ye gɔ̀n bó tinnu e fɔnsanú xwlemawutɔ́ ye kpan tomɛxo ɔ ye kpán ɖɔ̀ ɔ ni yě. Ee ye ɖoto yě gudo ɔ yě bǐ ze gbe d'aga bo ɖɔ̀ ni Mawu ɖɔ̀ " Aklúnɔ ehi mɛ bló jinukunsu kpodó ayikungbàn, kpan xun kpán nǔ e ɖ'émɛ ɔ có kpán ɔ, èhì mɛ gbɔ̀n daa mitɔ́n Davidi numɛ ɔ, o ɖɔ: " Aniwu akɔta e ma ɖinǔ ɔ ye ɖo atan ji bɔ togun ɔ ɖo kpe bla we dó wuvɛ? ²⁶ Axɔ́sú e ɖo wɛkɛ ɔ mɛ́ ɔ ye sɔ ahwan nú ɖo kpɔ́ lobɔ axɔ́vi lɛ tɔn ahwan Aklúnɔ kpan mɛ e é sá amì na ɔ kpán. ²⁷ Nùgbo ɔ Elodu kpán axɔ́vi Pilatu kpan nɔkpɔ́ ye kpan akɔta e kpan Izlayɛli sin togun kpanbo tìn tɔn ahwan mɛsɛntɔ́ towe Jezu ee o sa ami dota na ɔ. ²⁸ Yě kple bona blonǔ e o jlǒ na wa ɖ'ayi bona sɔ alɔ towe bo na wa na có. ²⁹ Din ɔ Mawu Aklúnɔ̀ kpɔ́ atan e gblɔ́n we ye ɖe kpán nukun e ván dó mɛsɛntɔ́ towe lɛ we ye ɖe ɔ bo na akɔnkpinkpán mi ni mi na jla xó towe. ³⁰ Dlɛn alɔ towe ni azɔnhɛngbɔ ni tiin nudabaɖa kpán nujunǔ lɛ kpan ni jɛ gbɔ̀n mɛsɛntɔ́ mimɛ towe Jezu sin nyikɔ ji. ³¹ Ee ye xa yɛhwe ɔ vɔ fie kple ɖe ɔ danwu bɔ ye có gɔ ni yɛsinsɛn mimɛ bo jɛ Mawu xó ɔ jlá jí kpán xlɔnhlɔn kpan. ³² Ahwan wɔbuwɔbu e ɖinu ɔ có ɖo gbe ɖo kpɔ bó ɖo linlin ɖokpo ɔ bɔ mɛ ɖejan nɔ lɛn ɖɔ nu e émi ɖɔ ɔ nyi emi tɔn ǎ. Amɔ̌ ye nɔ b'ɛ nu yetɔn ɔ có ɖo kpɔ lobo zan ɖo yeɖemɛ. ³³ Kpodo xuhlɔn ɖaxo ɖe kpan wɛ mɛsɛdo ɔ ye jla mawuxo kpan bonɔ ɖekúnnu do fɔnssinku Aklunɔ Jezu tɔnwú bɔ Mawu ka kɔ̀n acɛ kege do ye ji. ³⁴ Mɛ ɖejan nɔ jɛ nuɖe do ɖo ye mɛ ǎ ɖo mɛ e ɖo ayikungbàn alo xwe ɔ ye nɔ sɔ sa bonɔ sɔ́ akwɛ tɔn wa. ³⁵ ni mɛsɛdo ɔ ye bɔ ye nɔ ma ni nuɖitɔn ɔ ye untee nu tɔn hudo mɛ ɖokpo ɖokpo gbɔn ɔ. ³⁷ Jozɛfu ee nyi bo nyi Ciplu sin mɛ bɔ mɛsɛdo ɔ ye sunnyikɔ ɛ ɖɔ Banabasi (tinmɛ tɔn gbɔdo numɛtɔ) ³⁶ Eɖesu ɖo ayikungbàn bo sa lobo sɔ akwɛ tɔn wa ni mɛsɛndo ɔ yě.