1
Galaat ŋaak tieb saakab, Makil waaɔ, Manase waas, nan Suosiaf ŋaak tieb yenm, nakin k paak nan Muois nan Saakab, Islael tieb Saakab.
2
K b yet a: Kagbennu bet n yomdanɔ nan bin ton tia-tia k bit duo k tul Islael tieb b faal. N yomdanɔ bia gaal Kagbennu buol yiikuo nan wuntul t ninja Tselofhad faal fadl na u bonpoi.
3
Li tie k Islael tieb bonpoi bun buol ganu, b mɔknt tu sa ji k pukn ba kun buolu nba k b kun na, t faal tu sa waat.
4
Yuo nba k Islael tieb tan la bina pinŋmo, b mɔknt tu sa pukin b budu nba k binpoi na kun na e. L ji nyi t yiejanm buolu nie.
5
K Muois paak Islael tieb sennii nba k Kagbennu pakua. K yet a: Suosief buolu ni tieb mɔk mɔni.
6
Gotl linba k senni nba k Kagbennu senn K l nyuan Tselofhad bonpoi: b si kun b jab ba luon sianba, linba sian tie bin tu kun b yieja naakuun.
7
Islael tieb buolu mɔknt tu kan saan yieja ŋaak ganŋ, ŋan Islael tieb tieb tu sa gaan b mɔnŋ nan b yiejanm faal paake.
8
K bonpuok kul nba mɔk faal Islael tieb buolu ni, tu sa kan u baa buolu nie, k fit k Islael tieb buolu kul I mɔk b baa nba faal.
9
Faal kan nyi buolu ni k saan kua buolu gaanu ni, ŋan Islael tieb buolu tu sa gaan nan b faale.
10
Tselofhad bonpuoi din cɔln sennu nba k Kagbennu din tul u tuotunnɔ Muois.
11
Machla, Thiltsa, Hogla, Milca nan Noa, b kul tie Tselofhad bonpuoi din kuun b baa wal bonjai;
12
b din kun Manasse waas buolu e, Suosiaf was k b faal be b yieja buolu ni.
13
Nae tie senni nan yikuot nba k Kagbennu din tul Muois k u tul Islael tie, Moab jual bud k l k fok nan suldan mɔkl k tuok na Seliko.