¹ Rueben waas na Gad waas din mɔk bonkobt bonciann, k b la nan duo nba k b yi Jaeser nan Ga laad na tinŋ ŋan nan bonkobt guonn. ² K Gad waas nan Ruben waas baal Muois buol k tan yet'ɔ a : ³ Atharoth nan dibon nan Jaeser nan Nimra nan Jesbon nan Eleale nan Sebam nan Nebo nan Beon , ⁴ L tie duo nba k kaagbennu sonn Israel tieb k fat na ŋan nan bonkobguonn, k t mun mɔk bonkobt bonciann. ⁵ K b ŋanm yet a : canbaa lii tie k l saa gbuo a nunmi, tul't tinŋ manŋ k lii tie t faal, k daa te k t puotl Juulden mɔkl k kaal lenŋ i. ⁶ k Muois jiin Gad waas nan Tuben waas a: Ii luon k yin bial ne ŋaan k i nin janm n saan tɔbii? ⁷ Bie tien k i biil Israel waaliet pala k b kan fit kua tinŋ nba k kmɔkgbennu jii k tul'b na ni? ⁸ Linba na buolue k i baa nba din tun, yuo nba k n din be kades Barnea k n tunm a bin saa fiit got duo manŋ na ⁹ Baa saan duo nba b yi Eschol na k la lbaauk na k b jen k tan pak k biil Israel telieb pala nan l kan fit kua tinŋ nba k kaagbennu jikt k tienm na ni. ¹⁰ k kaagbennu wutuol duo daal manŋ ni k u sat mɔtont na k yet a : ¹¹ Niib na nba k woin nau b pala kull na, n pol nan b jab nba dii bina piinle kuo k gal nna k n nyin'b Ijipt tinŋ ni na, kan la duo nba k n sat mɔb nan n saa tul Abraham nan Isaak nan Jakob na. ¹² Sie Kaleb, Jefune bija nan Josue, Nun bija, ŋanmie waa, kaagbennu sɔnu nan b pala kul. ¹³ Kagbennu wutuol din duo Israel tieb paak, k u te b lin yil'b kunkuok paak bina pii nna; nan b nikpela manŋ nba tan tpo k gbenn. ¹⁴ Gotl yinme ji gaal i baa nba yiah k tie yanbɔndanm, k luon kaagbennu wutuol n do Israel tieb paak. ¹⁵ K maan lii tie k i nyik u wei u, usaa ŋanm k nyik niibna kbin bial tin kuanŋ na ni, ki sii tie danm nba kb saa nyiili Islael tieb biilu paak. ¹⁶ k b nakn Muois buol k yetiɔ a : ŋaant k tin moa bonkobloi k kuan t bonkobt, k bia lint t duo k tul t waas. ¹⁷ ŋaan t saa tien t siil nan t jatiat k cian Israe telieb, k saa dian baa saa kal sianinba. ŋaan t ŋaatieb nan t waas saa bial kii be duo nba kt t maa k l mɔk panŋ na, b yamani. ¹⁸ T ji kan ŋmat kun t ŋei ni sie k Israel nilɔ kul tan gaal u mɔnŋ faal. ¹⁹ K t kii mɔk fasial juulden mɔkl puotliel po. k maa t mɔk faal k l be juulden mɔkl yondo po. ²⁰ k Muois ye'b a : Lii tie yaa piak linba na tie mɔni ŋann tient siil man kaagbennu nunm ni nan tɔb saanu ²¹ I kunkɔnn kul saa puot juulden mɔkl kaagbenn tuann k lek i datai, nan waa tan saa nyannib k tuli ²² ŋaan duo manŋ i sikn b monŋ k ii gaal tinŋ na, l puol po i ji saa fit ŋmat, k maan i gvien i mɔsonn nan kaagbennu, k bia gbien i mɔsonn nan Iislael te lieba k kaagvennu sii min nan tinŋ na ite i faale ²³ ŋaan lii tie k i k tun nna, i tun k biil kaagvennue, yii ban nan i biite tan saa nyini paanu. ²⁴ Maa i doi k tul i waas k bia maa i bonkobloi k kua i bankobt, k tun nan yaa sat mɔb bianŋba na. ²⁵ Gad waas nan Ruben waas yet Muois a : Canbaa t tie a tuontunae, tsaa tun nan faa wann bianŋnba wa. ²⁶ T waas nan t puob nan t bonkobt nan t bonguonkla kul, saa bial kii be Galaad duo na nie. ²⁷ A tuontuna, kul tien sii l nan kɔnna , k saa saan kɔn kɔnn manŋ kaagbennu nunm ni, nan yonmdaan n yet bianba na. ²⁸ K Muois tul yiikuo manntua Eleasal nan Josue Nun bija na, nan Iislael waas saakab a. ²⁹ k u yet'b a : Lii tie Gad waas nan Tuben waas puot nani Juuden mɔkl, k tien siil nan b jatiat nan kɔnn kaagbennu ni, k sonmi k i nyann, yin ŋaan k Galaat tinŋ na i tie b yal. ³⁰ ŋaan li tie k b k hii b jatriat k puod juulden mɔkl k kɔnl k sonmi yinm nan ŋanm n biit faal duo nba k b yi kanaan na ni ³¹ K Gad waas nan Ruben waas jiin o: A tuontuna saa tun linba k kaagbennu Wanna. ³² Tsaa gal nan t kunkɔn jatiat kaagbennu nunm ni k kua kanaan duo ni; k tin ji fit yent t faal nba be Juulden mɔkl yondo po na ³³ K Muois tul Gad waas nan Ruben waa, nan Manase buolu mɔkl, nan Josef waas, Kpanbal sihon wunba Amuolen nba Kpanbal yent nan kpanbal og, k u munt Basan kpanbal yent, kpanbala na yent nan doi nba din kokn lint'b ji din tie b yale ³⁴ K gat buolu ŋanm ma Dibon nan Ataro an Aroel, ³⁵ nan Atrof nan Sofan nan Jaeser nan Jogbaha; ³⁶ nan Bef nan Timra nan Bef Haran doi nan l juona k lint; k bia maa b bonkobloi k kuant b bonkobt. ³⁷ K Ruben buolu ŋanm maa Hesbon nan Eleale nan kirjataim, ³⁸ nan Nebo nan Baal Meon nan sibma doi. Doi nba k b ŋanm maa na b din lebt b sanae k ji pulb sangana ³⁹ Manase bija nba tie Makir na, u naakuuk ni niib din saan Galaad k ass bel Amor tieb nba kua lenŋ na; ŋaan ji kal l ni. ⁴⁰ K Moiis jii Galaad tinŋ k tul Makir Naakuuk, k b kua linŋ. ⁴¹ Jair Wunba, nyii Manase buolu ni na, mun saan fat digbanlia, k pul doi manŋ Jair doi. ⁴² k Nobach mun lek k fat Kenaf nan l doi nba Kpiar, k ŋanm pul l Sana Nobach k gaan nan Usaan.