¹ Balaam nba baan nan yennu luon k wun yet yetŋaam Islael tieb paak ne, k u k tien nan waa tu tuon bannunba, k bu jabaat na, ŋan ji lol u nun tinkuonŋ po. ² Balaam nba got k la k Islael niib kal yaaja ŋaak ŋaak. L yuo na k Yennu seyenŋ sik u ninŋ. ³ Balaam ji din piin k piak baknɔŋ maam k ya: balaam maam beol bija maam nba nyin dannua nba k u num nyuaan. ⁴ Maam nba tie dannua nba gbitl yennu maan, k laat panŋ dannua yenu dɔktu, k bia sikint u mɔnŋ k ninbinaa bia nyuan. ⁵ U saakɔb a lanbɔnt nafan paal a dinduabol ŋan, Islael! ⁶ U tantl nan baat na e,k naan guatl nba kpia nan bɔonŋ na e k tie nan dɔknaa nba kaagbenu yennul buol na, k tie nan kpenguonna nba be nyun kpinii na. ⁷ nyun puub u kpaant ninŋ k t k bon buubult pia fanu. K b kpanbal tie wu nba mɔnk yiiko k cie agaal, k b naan mɔnk panŋ. ⁸ yennu bo nyinua Esibt duo ninŋ nan panŋ nba na nan munaab yaal ne. U saa kɔnk k paak digbaana nba kɔnno e. U saa kɔnn b kpabaa e, k yiekib taalban piini. ⁹ Islael pɔl u dunnaa k dua nan yanbɔl juok nan yanbɔl naɔnŋ na. ŋmee sa fit k fienua? yetŋam i be wunba yet yetŋaam paak, k mɔpol l be danua nba puol mɔpolaa na paak. ¹⁰ K baalak wutuol duo k u buo niib k ŋmann ŋmaannib ŋan yet balaam a : ." N bo yiina ma a baal k tan pol mɔpol n datai e ŋan k yet yetŋanm taal funu munta b paak. ¹¹ Sietl n na ki i kuun n daan yet nan n sa tula piini ŋan kagbennu yennu bela k a ji kan la l piini. ¹² K balaam jiin k yet balaak a : " finii n kan pa a tunti nba k a daan tum na. ¹³ Li liek tie k balaak jii u ŋaak likili kul, nan lik taana k tulin, ŋaan n kan fit k tun bonŋna na, bonbiil k l ki tie kagbennu yennu nba yet linba ,n si ŋami k yien kaagbennu nba yet linba e? ¹⁴ K mɔtaana gotl n ji sa buoluu buolii na: Baat k n ji sa wana niib manŋ buoluu nba sa tun a niib linba yuo nba baat na. ¹⁵ Balaam paak u maam k yet a: ." balaam mɔbona, Beol bija ŋua nba k u nunm nyuan nan mɔbona, ¹⁶ daanua nba gbin yennu maam nan mɔbona, daanua nba ban yennu nba be sanpaapo binbenŋ, daanua nba laat yennu nba mɔk panŋ na yentu,daanua nba tu gbaan k jiant l ŋan k u ninbinaa laat e. ¹⁷ N laatua, ŋaan l k tie mɔtaana, n baliua, ŋaan k naak nan nua. Ŋmaajal nyii Saakɔb ŋaak ninŋ, k danmil n fiil Islael. U saa faa Moab saakab yulaa k yakt u bia saa kɔn paat Set waat. ¹⁸ U saa tien Edoom tieb yudaanua, u saa tien seil yudaanua, ŋanm nba tie u datai. Islael wann u panŋ. ¹⁹ Wun nba saa nyi Saakob ŋaak nan ninŋ, saa tun nan yudant, k kpi daam nba tin k nyii digbanaa ninŋ k paak. ²⁰ K balaam la Amaalek k tie k u wannua k pak a : "Amaalek ki tie digban Cincinn, ŋaan u saa biil dayenn kua e. ²¹ Balaam got kenit nba k wannib maanm k yet a : A ŋaak, ŋa k a duanu u paak tanpiik paak. ²² Ŋaan b tan sa bel kenit tieb k nyinnib yuo nba k Asiili tieb tan sa jiia nan mabl k kuanna b duo ni. ²³ Balaam via sɔkin maam k yet a : N waa ɴŋmie sa fit k be k fuo k yennu daak nanmua? ²⁴ Ŋaan yuo nba k nyun nin lulaa sa nyi k tiin k baal. B saa sikin Asiili tieb nan Ebulo tieb k b duo mun saa biil. ²⁵ Balaam ji fiil k tin k kun u ŋaak ninŋ. K Balaak mun toɔkin u sɔnu k kun.