¹ Arad kpanbar, wun nba tie kana nirua na, k kua kana niidiitu po na, nba gbat nan Islael tieb tɔk sɔnu k saa Atarim, k u lekib ki suol bi siab. ² K Islael tieb tul yennu mɔsonn a, "Li i tie ki saa tee k tin nyinn niib na, t saa biil doiwa." ³ K yennu gbat k sommib, k b kɔn nyann kana teeb na, k boontib bia biil b doi, k pul leŋ sann Horma. ⁴ Islael teeb na din fiil Hor jual bool, k tɔkin sɔnu nba saa mɔkmuŋ po,a bin kokin lint Edom tiŋ. B sommil ni k niib k la sukulu ⁵ k piak biil yennu nan Moyis k yen a bee ki i jiitki nyii nant Ijipt, a tin tan kpo kunkoouk na paaki, siaminba k jeet nan nyun kaa? Ti miat jeebiit nawa. ⁶ K yennu te k waalabili kua b ni, k junt niib na, k b boncian kpo. K ⁷ niib na tan baal Moyis bool k yet a, tin tun yanbɔnm, yoo nba t bo pak biil fin nan yennu nawa.Miat yennu k wun nyinn wai na ti ni. K Moyis mial yennu niib na paak. ⁸ K yennu yet Moyis a :"Jiin kutmɔnt k nan waauk, k lakinua dacaatl paak, k wunba kul k waauk jumua, wun gokit got k la laafia." ⁹ K Moyis jii kutmɔnt k nan waauk, k lakin dacaatl paak. Wunba kul k waauk jumua k u gotit got kutmɔnt waauk na, wun la laafia. ¹⁰ K Islael teeb fiil k saan caan b kaaŋ Obof, ¹¹ k b fiil Obof k saan caan b kaaŋ Abarim langbent ni, kunkoouk paak, k jiin Moab tiŋ yondo po. ¹² K tan nyii leŋ k saan caan b kaaŋ Sered baauk ni, ¹³ k fiil leŋ k saan caan b kaaŋ Arnonn mɔkil gaŋ po, kunkoouk nba be Amor teeb kpaar po nan. Arnonn mɔkil Moab tiŋ nan Amor tiŋ kpaar e. ¹⁴ Li paak e k yennu tɔbii gbouŋ na piak li po k yaa, " Waheb doo be sufa yent ni nan li baat, nan Arnonn mɔkil, ¹⁵ nan bia jiin moab kpaar po na." ¹⁶ K Islael teeb nyii leŋ k saan siaminba k b yi yennu bunbunn. leŋ e k yennu yet Moyis a : " Taant niib na k baal namm k tulib nyun." ¹⁷ Li yoo maŋe k Islael teeb yin yaŋ na a: " Bunbunn, putil man nyun, k t saa footil nan yaŋ. ¹⁸ Li tee bubbunn nba k nijaana nan niib tuandamm gbir e. K b jii kpanbar dammil nan patii ki gbir e. K b fiil kunkoouk nan paak k saan Matana. ¹⁹ K nyii Matana k saan Nahaliel, k nyii Nahaliel k saan Bamof, k ²⁰ nyii Bamof k saan baauk nba be Moab yent ni, k kpia Pisga jual nba be kunkoouk bol na. ²¹ Tɔn k Islael teeb tun toomii k b saan Amor teeb kpanbar Sihonn bol k saa yetua a: " ²² Ŋaan k t somm gal a tiŋ ninŋ. Timm nan t bonkobit kan nyik sɔnu tɔkinu, ŋaan somm i kpant ni, ko k somm i tilontii nyaka, t bia kan nyun i bunbunn ni nyun.T saa somm sɔnu ni kua e nan ta tan saa nyi a tiŋ ni. ²³ Ŋaan kpanbal Sihonn k sak Islael teeb n tɔkin gal u tiŋ ni, k jiin u kunkɔnkɔnna kul k saan namm Jahas nba be kunkoouk paak na, k saa kɔn nan Islael teeb. ²⁴ K Islael teeb b kpii b datai maŋ bonciann tɔb na ni, k fat b tinii, laa nyii Arnonn mɔkil niigaŋ po, k saa tu Jakob mɔkil nba tee Amonn kpaar, kimaan Amonn teeb din guu b doo fanu. ²⁵ K Islael teeb fat Amor doi kul k kal li ni, K bia fat Hesbonn doo nan digbana nba kpia k kua li ni. ²⁶ Hesbonn din tee Amor teeb kpanbar Sihonn digbansaakare, k u din kɔn nan Moab tee kpanbarkpelua k fat u tiŋ kul k saa tu Arnonn mɔkil. ²⁷ Li paak e teen k b yeen barŋar na a: " Baat Hesbonn man, k te k lin ŋamm maa. ²⁸ Kpanbar Sihonn kunkɔnkɔnna din nyii u digbangbeŋŋir nba tee Hesbonn na ni. k naan nan muu nba tuu di na, k dii Moab doo nba tee Ar na k bia dii niib nba be Aronn kunkona paak na. ²⁹ Li sii paalktul yimm Moab teeb. Yimm nba jiantil tingbana nba tee kemos na, i kpakin yanne na. U te k i jab cial, k i poob teen yommii k tul Amor teeb kpanbar Sihonn. ³⁰ Ŋaan mɔtana b yaaboona ji boonta, k t biil Hesbonn k saa tu Dibonn. T bia biil Nasim k saa tu Nofa, k li kpia Medeba. ³¹ K Islael teeb kal Amor teeb yent ni. ³² K Moyis tun dobiiteeb a bin saan k got laan baa saa teen biaŋinba k kua Jaser doo na ni k lekib. K Islael teeb kɔn k fat doo maŋ nan digbana nba kpia k bel Amor teeb nba be leŋ na. ³³ Tɔn, k Islael teeb ŋmant soo sɔnu k saa Basaan, k pkanbar Og, wunba tee Basann kpanbar nan fiil nan u kunkɔnkɔnna a bin tookib, Edrei doo ni. ³⁴ K yennu yet Moyis a : " A daa tiin jaŋmaanii, k maan n jiiu k kubin a nuu niwa ŋua nan u niib nan u tiŋ. Teentua nan faa din tun biaŋnba k tul Amor tee kpanbar Sihonn, wunba din kar Hesbonn na." ³⁵ Islael teeb din kpii kpanbar Og nan u bonjai nan u jab kur k k teen b sua k u mɔk maanfool, ŋaan ji kal tiŋ na ni.