¹ kangbennu pak nan Muiis k yet a: ² Pakin Isael waat k gaal b buol patu sua kul ŋaak ninŋ nikpel buol. Pati manŋ kul sii tie pati piik nan ŋanle ³ A dian suakul sann patu na paak .K dian Aalon sann Liefi patu paak k maan patu kul sii tie ŋaak kul nikpel yale e . ⁴ A saa jiil k bi siannin nba kin kpaa lanbonŋ na ni , k lii tie siala maa sii cei sian. ⁵ Nilɔ nba k n gannɔ na ŋua e k u patu sa luan luan na, k n sa te k Isael waas bunbulmi ji sa gbenn n buol ni ⁶ Muoiis pak l maan k tul Isael waas : k b nikpela kul jii patii k tl'ɔ , k nikpel kul tul patu , yejaa ŋaak kul ni kuo pati piik nan ŋanle , k Aalon patu fuo l sunsuukin. ⁷ Muoiis jii pat na k bil kangbennu tuann , siaala lanbounŋ na ni. ⁸ L daaŋanta puolpo , k Muoiis kua siala lanbounŋ ne ni k la Aalon patu k l yiit k tuk famaata, k yinn puuk k lon luaana k biela k tie pualu. ⁹ K Muoiis jii pati na kul kangbennu tuun , k jiil k jiin Isael waat k b la k sua kul gaal u patu . ¹⁰ kangbennu yet Muoiis a: jennin nan Aalon patu na n siaala lanbonŋ na ni , k lin fit kii tie nyinn k tul waa kangbata na , k bin fit k nyik bunbulmi n buol k bia daa kpenn. ¹¹ K Muoiis tun nma ; k l tuok nan kangbennu nba yet bianŋnba a wun tun na. ¹² K Isael waat jiin yet Muoiis a : gotl , t jekl k fabin, t sa buont t kula. ¹³ Wunba kul nakin kangbennu lanbonŋ ne saa kpo e. T kul sa kpo a.