¹ K yennu yet Moyis ² a wun paak k tul Islael teeb k yet a : Li i tee k ttan kua tiŋ nba k n jikit k li tee i doo na ni, ³ i saa fiit jii najak koo pejak koo peuuk koo buuk k mann maluŋ k juu mu k tul yennu, koo li tee k i yaa yin mann maluŋn k gbeen mɔsonn, k li tee yanbua yenpiinii, koo k tee yenpiinii nba k i sii yua mann k l tee jiantii maluŋ, k yenpiinii maŋ nuburu saa maŋ yennu. ⁴ Daanua nba jikikt peuuk koo buuk k l tie mujoonu bonkobuk piiniib k teen yennu, wun pukin bonkobuk na paak yon bɔlik gbinn, ⁵ k ŋmat olif tiinii kpan salena ŋanlee, k li tee jeet yenpiinii, k pukin tiiluana daan salena ŋanlee. ⁶ Li mun tee kni jikit pejakie k li tee yenpiinii, yin pukin yon bɔlik gbinn ŋanlee, k ŋmat nan olif tiinii kpan salena ŋanta, knjii tul k li tee jeet yenpiinii, ⁷ K pukin tiiluana daan salena ŋanta k yenpiinii maluŋ maŋ nubulu saa maŋ yennu. ⁸ munii tee k i jikit naajakie k l tee mujoonu yenpiinii, koo i gbeent mɔsonnie, koo l k tee weinanleeb yenpiiniie, ⁹ yin pukin yon bolik gbinn ŋantaa, k ŋmatil nan kpan salena ŋanna k jii k tul li tee jet yenpiinii, ¹⁰ k pukin k tiiluana daan salena ŋanna k maluŋ maŋ nubulu saa maŋ yennu. ¹¹ Yaa sii dia naajak koo peuuk koo buuk k mann maluŋ biaŋnbae na. ¹² Li tee k i mann maluŋ k l gal bonkob yenɔkua, yin tun bonkobuk kul nan u maluŋ nba tie. ¹³ Wunba kul tee Islael sɔn saa tun biaŋnba na, li tee k u baal nan mujoonu yenpiinii, k jeet maŋ nubulu saa maŋ yennu. ¹⁴ Boorganu nba kua nani na, waa saa kua nani yoo waame, koo waa sii be yookul e, wuu yaa wun ji u maluŋ k tul yennu, yoo nba kul, wun tun nan yaa tun biaŋnba na, k jeet maŋ nubulu saa maŋ yennu. ¹⁵ Yoo nba baat kul, sennu na sii tee kaale k tul yimm nan boolganu nba kua nani na. Yimm nan boolganu na sii tie yomm yennu bool. ¹⁶ Senn yennkua e dia yimm nan boolganu kua nani na. ¹⁷ K yennu yet Moyis ¹⁸ a wun pak Islael teeb a : Li i tee ki kua tiŋ nba k n jikiti k saa nani na ni, ¹⁹ tiŋ maŋ i nan jeet k i saa di, yin bɔkit jeet maŋ waan k li tee bulcinpiinii k tul yennu. ²⁰ Yaa saa jaan i sinsinn k pul l sinsinn boroboro nba na, ii jii tul yennu k li tee bulcinpukin. Ii jii bulcinpukinn na k tul yennu nan yaa tuu boor dii k tul biaŋnba na. ²¹ I maluŋ nan maluŋ nba baat, i tuu saa jii piinii nan boolub, k li tee i sinsinn jeet nba k i jaan k tul yennu. ²² Li tee k sua k mi, k k wei yennu sennii nba k u tul Moyis nan yenn nba, ²³ koo k l tee sianyoo k niib na k wei sennii nba k yenuu tul Moyis na, ²⁴ k tookpeta maŋ tuun, k l tee niib na k mi lipoie, ŋaan niib na kul saa baal nan najake k lin joo muu k li nubulu saa maŋ yennu, k bia pukin jeet nba tee li maluŋ jeet nan daan yenpiinii, k bia pukin bujak, k li tee yanbɔmm yenpiinii. ²⁵ Manntua tuu saa ŋamm Islael teeb kul paak ŋammil k bin la nyikicabu, kimaan b bo k mieb k tun kpet, k ji baal nan b yenpiinii nba jokin muu k teen yennu, b biit paak k l tee yanbɔmm yenpiinii. ²⁶ Islael teeb nan boolganu nba kua namm na saa la nyikicabu kimaan sua kul bo pukin tookpeta maŋ niwa. ²⁷ K li tee k i yenua kpet tun yanbɔmm, wun baal nan busal nba dii binyennkua, k li tee yanbɔmm yenpiinii. ²⁸ K manntua saa ŋamm daanua nba tun yanbɔmm na, maluŋ binbintl na bool, li i tee k b ŋamm k gbenn, u saa laa nyikicabu. ²⁹ Sennu na dia wunba kul kpet tun yanbɔmme, waa lek tee Islael niilua koo boolganu nba kua nani. ³⁰ Ŋaan wunba miwa ŋaan tun yanbɔmm, waak lek tee Islael nilua koo boolganu, u tun k yisin yennu wa. Bin kpiu, ³¹ kimaan u yet yennu mɔb, k bia biil u sennuwa. Ii nyinn l daanua yennu niib ni. ŋua e lon u kuun. ³² Islael teeb nba din daa be kunkoouk paak na, k b din tan la jasua k u yi daat foon daal. ³³ Binba din lau k u yi daat foon daal na din baal nanua Moyis bool, ³⁴ k b kuanua dipabik ni ŋaan guu u, kimaan b din k mi baa saa teenua biaŋnba. ³⁵ K yennu yet Moyis a : "jua na tee wun kpoe, Niib na kul n jaatua tana k kpiu kaaŋ na kpiŋ." ³⁶ K niib na jiiu k nyii nanua kaaŋ na kpiŋ, k jaatua tana k kpiiu, nan biaŋnba k yennu waan Moyis na. ³⁷ K yennu yet Moyis ³⁸ a wun pak tul Islael teeb a.: " Yimm nan maaru nba saa wei tuu saa nyar cab bɔnwuwula gbenta i liant mɔgbankookii paak. ³⁹ K u saa got k la i liant mɔgbankookii gbenta na , k l sii tie tiarin k tuli, k i sii dia n sennii kii saakir, k l saa teeb k i ji kan nyikin ŋaan tun i yanbɔɔtoona. ⁴⁰ Liant mɔgbankookii gbenta na tuu sii tee tiarin k tuli, k ib saa dia n sennii fanu, k l sii tee niib nan balmɔni. ⁴¹ Mine tee i yomdaanua yennu, k tee wunba nyinni Ijipt tiŋ ni a mii tee i yennu. Mine tee i yomdaanua yennu.