¹ K niib na piin piak k want b fala nba tee, k tee yennu. yennu nba gbat b pinpakit maŋ, k u donn wuntool bi pak, k tee k muu gaal b kaŋ na kpiŋ. ² K niib na bui fabin k tul Moyis k lua sommil, k Moyis mkal yennu, k muu nan kpeen. ³ Li paak k b pul leŋ sann Tabera, kimaan leŋe k yennu din te k muu dii b bool ni. ⁴ Boolganu din pukin Islael teeb po, k nialu din tan mɔkibnkn k b loon nant, k Islael teeb mɔŋ din fabin nant po k yaa a " Li bonni tee k t saa la nant, t bo saa ŋmama. ⁵ Taa din be Ijipt tiŋ ni, t din ŋman jaani nba kul k t loon, t din k pak sial l paak. T tian l kana nan naapela nan gbab, nan kpinfaat nba kul k t din laat. ⁶ Mɔtana t jii kan laa li siari, see mana kuukua, k tankpinnii ji mɔkit." ⁷ K yennu yet Moyis a " Gant nibulcimm pinnlole, bin nba k niib mib nan b tee tuadamm, k baal namm yennu lanbouŋ tammɔb ni, k te bin set leŋ k kpiana. ⁸ N saa sik leŋ k pak nana, k jii seek n tula na mun k tulib, k b saa k b saa somma k jiin niib na jika, k a ji kan jiia kuukua. ⁹ Nyiɔk ŋaan na malin tu baa kiŋ ni. k li mann b tuu ji k ŋmat boroboro nan olif tiinii kpame k pul. ¹⁰ K Moyis gbat niib na nba see koonn koonn , k bulin b lanbont tammɔi ni na, k l biil u pal, kimaan yennu wuntool din doo b paaka. ¹¹ K Moyis boi yennu a: "B teen k a baal na bobiil a dabil paak i? N tun bee k l k maŋa ni, k a jii niib na kul jika jinnimi? ¹² Mine namm koo k malibii? Be teen k a yaa n diab n nii nan biaŋnba k binaa tuun dia n bik na, k saan namm tiŋ nba k a senn mɔsonn k tul b yaajamm na ni. ¹³ N saa lat nant lee k tul niib na kul i? B ŋammit fabine k boin nant po. ¹⁴ N kan fit jii niib nan kul jika n kuukua, l saa yabit k paakima. ¹⁵ Li i tee nna bannue k a yaa diami, ŋaan fii mɔk ninbatinu nanin k kpin mɔtana, ŋaan daa te k n laat n mɔŋ jootu k l tee yanni. ¹⁶ K yennu yet Moyis a " Gant nibulcimm pinnlole, bin nba k niib mib nan b tee tuadamm, k baal namm yennu lanbouŋ tammɔb ni, k te bin set leŋ k kpiana. ¹⁷ N saa sik leŋ k pak nana, k jii seek n tula na mun k tulib, k b saa k b saa somma k jiin niib na jika, k a ji kan jiia kuukua. ¹⁸ Yetil niib nan a b ŋamm fanu k tee siil, k wonn b saa ŋman nant, a yennu gbat baa mɔ fabin k yaa b nian nant nawa, k yaa baa din be Ijipt din sɔ nan nna na, a mɔtana yennu saa tulib nant k b ŋman. ¹⁹ B kan ŋman nant maŋ dayenn kua kaa, koo daa ŋanle kaa, koo daa ŋaŋŋum kaa, koo dapiik kaa, koo dapiinle kaa. ²⁰ Ŋaan b saa ŋman ŋmaamunne nan laa tan sii nyib miana ni, k b saa miat. Linba na saa tun kimaan baa yet mi yennu, wunba be namm, k mɔ fabin, k yaa bi idiŋi be Ijipt e sɔ na paak." ²¹ K Moyis yet yennu a "Mine na, k n be niib tusaa kobii ŋanlole sinsuuk ni k somm namm, k a yet nan a saa tulin nant k bin ŋman k jaŋ ŋmaalik. ²² Nei nan pei be k saa jaŋiba a? Janii nba be nyun ni saa jaŋiba a? ²³ K yennun jiin Moyis a" Min yennu paŋ k yabi i? Mɔtana a ji saa la nan linba k yet na saa teen mɔnii koo l kan tum." ²⁴ K Moyis nyi nanyel k saa bet niib na linba k yennu yetua. Moyis din taan tuandamm piinlole na, k b set lint yennu lanbouŋ na. ²⁵ K yennu dɔkit sanpakgbouŋ ni k pak nan Moyis k ji seek nba k u tul Moyis na mun, k tul tuandamm piinlole na. Seek na nba baa b paak yoo nba, k b piin piak nan sɔkiniinba na, ŋaan k k pak wei. ²⁶ Tuandamm banle din bial b kaŋ ni k k baal yennu lanbouŋ nan bool. B din tee Eldad, nan Medad e, k yennu sik b paak, kaaŋ nan ni k b yimin k piak nan yennu sɔkiniinba na. ²⁷ K naasisua cial nyiin tan yet Moyis aEdald nan Medad bial kaaŋ na ni, k sɔkint yennu maan. ²⁸ K Joosua wunba tee Nunn bija, k be nan Moyis k sommtua u bisiniŋŋa na yet Moyis a wun bet jab na k bin ŋmin. ²⁹ K Moyis jii na a, N paake ki li mɔk funfunni i? N sunman k yennu n bo jii u seek k tul u niib kule, k tee b kul i piak nan sɔkiniinba na. ³⁰ Moyis nan Islael tuandamm piinlole na ji din ŋmat kaaŋ na nie. ³¹ K yennu te wouŋ da k pebil pinpara k b nyii mɔkgbeŋŋil ni, k yuuk k diab nan tiŋ nan taabana ŋantaa na, k din baa kaaŋ na kul po, k saa dian siaminba k nilua sa fit somm daar sommil. ³² K yonnu nan nyiɔk kul, k saa tu daleel na kul, niib na din tuu so pinpalae, sua din tuu k so k li k baat bɔtoouku. B din tu latibe kaaŋ na kul po, a lin kool ³³ Nant boncian daa din bial k b saa ŋman, k yennu din donn wuntool niib nan paak, k te k yialibiiuk baa kaaŋ nan kul po. ³⁴ Leŋ maŋ k b din pul Kibrof Hatafa, k l paak tee nianbiiuk kaat. kimaan baa din pii binba mɔk nianciɔŋ leŋ na. ³⁵ Niib na din fiil Kibrof Hatafa e k saan Haserof k saa caan b kaaŋ leŋ.