¹ Jiant nba na e k Kaagbennu din nyik'b a, lin wann Islaaeltieb, bin nba din k lakaanaan tɔbi na. ² U din luon k lin tumi Islaael waas k jiint tɔbi po e mantk bin nba din k la tɔbi sian yuo. ³ Jiant (yent) na din Filisti tieb kpanbala waas a, Kaanan tieb kul, Sodonntieb, Hevennba k b Liiban jual paak , Laa ji baalElmon jual paak k saan k saa tuu Hamot luanu. ⁴ L jiant din bial a lin bikn Islaael tieb e, k laan b saa wei senni nba k kaagbenu din tul Mouis, a wun wannn b yaajanm na waa aa? ⁵ Islaael waas din be Kaanaan tieb sinsuuk ni, nan Hetien nba, Amoliennba, Efelesiennba, Hefiennba nan Sebusiennba; ⁶ b din kuan buolu nba manŋ bonpoi, k jii b mɔnŋ bonpoi k tul buolu manŋ bonjai, k jiantl b tingbana. ⁷ Islaael waas, din tien lin nba k manŋ Kaagbennu. B din tanm Kaagbennu po waa, k jiantl tingbana nba k yi baal nan pata. ⁸ Kaagbennu wutuol din di nan mupienu na e, islaael tieb paak, K u te k Mesopotaami bet nba k b yi'u Kusaataim na kɔn k nyann'b k dia'b, k b tuun u tuona, k saa diin bina ŋanniin. ⁹ Islaael din yikn k tul Kaagbennu, k Kaagbennu fiin fietua k u fiel'b, Otniel, Kenas bija, Kaaleb puol po waalɔ. Kaagbennu siek na din be u paak. U ji din tie bubuulɔ e, Isaael duo ni, k u din saan tɔb k Kaagbgbennu te k u kɔn nyann Mesopotaami bet; k u nuu na din mɔk panŋ Kuusan nan Lisatainm paak. ¹¹ K palmaasl ji din be duo ni piinna, nan Otniel nba din tan kpo. ¹³ Eglon taan Amon duo ni waas nan Amalesitnba k b piin soml k kɔn k nyann Islaael tieb k gaal kaati duo na. ¹⁴ K Islaaetieb waas ii din tien bet Eglon yonmi e saa tuu bina piik nan ŋanniin. ¹⁵ Islaael tieb waas din yikn tul Kaagbennu, k Kaagbennu tul'b fat-tua Ehuud, Gela bija, Bensaamit. U din k tuun nan nuudiitu. Islaael waas din tɔkn u po e ,k tun piini Eglon buol Moabnba bet. ¹⁶ Ehuud din kul jukbanjiak nba k fɔknt tie nan kpinkpindukn na. K jii bɔkn u pann, niidiitu po, ¹⁷ k ji jii piini na k saan nan'n Moab bet Eglon buol. ŋaan Eglon din Nillɔ nba k mɔk gbanant e. ¹⁸ Yuo nba k Ehoud din tul piini k gbenn, k u yet niib nba din jii piini na a, bii ŋmat. ¹⁹ ŋaan ŋua monŋ gal Gligal tangbenŋa na buol, k ŋmat kua u kuukua, bet Eglon buol k yet'ɔ: oo, bet n mɔk bunbɔli-maan k luon man yet'a. K bet din yet a: nyin man ŋaan nyik t kuukua. k b kul nyii. ²⁰ Bet na nba din k kal dimaatuk ni, u binbintil paak u kuukua na, K Ehud nakn u buol, k yet a: n dia Yennu mɔmaan e k yaa man tul'a, k bet na fiil set. ²¹ K Ehud jii u niiganŋ k saat jukbanjiak nba be u niiiitu po na, k ŋmuu bet na puol paak. ²² k jukbanjiak na kpii nan l sunsuol-buol (nan l kpaal)kul, k kpapana piin'l. Ehud din k nyinn jukbanjiak na bet puol ni, k l din gal punt u puol po. ²³ K Ehud nyii ŋaan luo gann, k bia kpal u paak. ²⁴ ŋaan siet, k bet na tuontunna baal k la gana kpal a. K b duki a bet na nyann e. ²⁵ K b din guul k l wei, k la nan gana k luot, k b jii l pienu k luot, k ji la bet dua lenŋ k kpo waa. ²⁶ Yuo nba k b guu bet na luotu na, k Ehud bakn k gal tangbenŋa na buol, k cial saan Seil. ²⁷ Waa saa baal Eflainm, yent nba mɔk jual na paak, k u pebl katkaak, k yiin Islaael waas, a bin tien siil nan tɔb. Islaael waaas nan ŋua din siik jual na (paak) na ŋua e din tie yudaanɔ. ²⁸ k yet'b a ii waan man. Kaagbennu te k i nyaann i datai nba tie maotieb na waa. K b wei Ehuud puol k sik k saa guul sian nba k moabtieb cial a bin saan puot suldan mɔkl na, B din k te k nan niyenɔ waa mɔnŋ puot. ²⁹ L daal b kɔn k nyann moabnba nba tie kunkɔnkɔnjaana na tuta piik. B sua din k fit cial paak. ³⁰ Islaaeltieb din nyann moabtieb daal manŋ. K paalmaatl ji din be duo na ni k saa tuu bina piiniin. ³¹ Saakua nba din wei k paan Ehud paak din Saingale, Onaf bija: U din kɔn k nyann nyann filistinba nan nan nei gbjal e kobi ŋanluob, k u mun din Islaael fat-tua.