¹ Susue kuun puol po k Islaaeltieb boi Yennu a: Lanm e saa liit kɔn nan Kaanaantieb k tult i? ² K Yennu yet a: Suudatieb saa liit. N jikt tinŋ na k kubnt b nuu ni. ³ Suuda tieb na yet b ninja Siimeon a: ŋaant k tinm nan yinm n saan k kɔn nan Kaanaantieb nba Yennu jii b tinŋ ktul't na. k Siimɔn saan nan'm. ⁴ Nan Suudatieb lakn saan tɔb na, k Yennu te k kɔn nyann kaanaan tieb nan Pelesitieb k kpii tusa piik bsek tinŋ ni. ⁵ B din la Adoni Besek tinŋ k b lek'ɔ k kpii Kaanaantieb nan Feleletieb. ⁶ K u din tan cial k b wei k saa suol'ɔ k pot u niibijaba. ⁷ Adoni-Besek yet a: batnba piinlole tuu be n tebl-lɔnŋ ni, k b niibijaba nan b taabijaba pot a, k b tɔki jebula, mɔtaana, Yennu jiint'n lin nba k n bo tun k tul'b na e. K b jii'u k saan nan'ɔ Selusaalenm k u saa kpo lenŋ. ⁸ Suuda jab lek Selusaalenm k kɔn k fat, k kpii niib k bia juo duo manŋ muu. ⁹ K l puol po k suuda jab saan kɔn nan Kaanaantieb nba kua tinŋ nba mɔk kunkona na, nan yenbaa po kunkonbit ni, nan kunkuok doi nba be niidiitu po na. ¹⁰ K wei Kaanaan tie nba kua Heblɔn duo ni, k b tuu yi kiiliaf Alba na. K Suuda tieb bia kɔn nyann Sesai nan Ahimann nan Talmai naakuuk . ¹¹ L puol po, k Suudatieb bia lek Debil jab, l yuo b tuu yi Kiiliaf Sefele. ¹² Kaleb yet a: n saa jii n bipuo Aksa e k tul jua nba fit kɔn nyann Kiiliaf Sefel, k wun kuan'ɔ. ¹³ K Outnial wun nba tie Kaaleb waal'ɔ, Kena bija na, kɔn nyann duo na, K Kaleb jii u bipuo Aksa k tul'ɔ k u kuan'ɔ. ¹⁴ Aksa yin-yuo daal k Outnial yet'ɔ a wun boi u baa k wun tul'ɔ tinŋ. Aksa nba jakt u bonŋ paak sik yuo nba, k u Baa kaleb boi'ɔ a: a luon bee k n tun tul'a ni i? ¹⁵ K u jiin'ɔ a: Tuln min paab, k l maan a tuln tinŋ nba mɔk nyun, tul'n nyun tuona mun. K Kaaleb tul'ɔ paapo nan tinŋ po nyuntona. ¹⁶ K Kenn nilɔ nba tie Mouis dianm, k saan duo nba mɔk kaati, nan Suuda jab k saan paanpieunŋ ni, Suuda yent ni. Lenŋ e, k b kal ŋanm nan Alaadtieb. ¹⁷ K Suuda nan Siimeon nba tie u ninja na, lakn saan k kɔn nyann Kaanaan tieb nba be Sefaf duo ni na, k biil duo nn fanu, k pul duo manŋ sann a Holma. ¹⁹ K Yennu sonm Suuda tieb k b fat kunkona tinŋ na .ŋaan b din k fit nyann Gasa nan Askelonm nan ¹⁸ Eklonn doi, nan b digbana nba kpia'b. Niib na din kua mɔkgbiant e, k mɔk kut-tantolt. ²⁰ B din jii Heblonn k tul Kaaleb e, nan Mouis nba senn na, k bel nyinn naakuut ŋanta nba tie Anak yaabuona na. ²¹ Bensaamin buolu ni din fit bel nyinn Sbuus tieb nba kua Selusaalenm na. Sebuus tieb nan bensaamin tieb bia daa kua lenŋ dinna. ²² Sosef ŋaatieb mun lek Betel, k kaagbennu taa b po. ²³ Sosef ŋaatieb kɔn yent Betel, k sian yuo k b yi Luus. ²⁴ K sejenm saa la jua nna,k u nyii duo manŋ ni, k b yet' ɔ a: want't taa tien bannu nba k kua duo na ni, k t saa dia fanu. ²⁶ K u wann'b sian nba po k b saa fit kua duo na ni. ŋann e k b lek duo na, nan jukmani.ŋaan nyik jua nna nan u ŋaatieb kuukua. ²⁵ K jua nyii k saan Heftieb tinŋ ni, k saa bil duo lenŋ k b pul Luus, ŋann e tie duo manŋ sann kaa kaa nan dinna. ²⁷ Maanaase buolu din k bel nyinn niib nba kua Ef-sann nan Taanak nan dol nan Iblenm nan Miigedo doi nan digbana nba kpia'b na. K Kaanaan tieb luon bin bial duo na ninŋ. ²⁸ Yuo nba k Isalaaeltieb din tan la panŋ pukn na, k b mab kaanaan tieb k te k b tuun tuona k tien'm, ŋaan b bia din k bel nyinn'b. ²⁹ Eflaim buolu mun din k bel Kaanaantieb nba kua Gesel, k Kaanaan tieb din kua Eflainm sinsuuk ni Gesel. ³⁰ Saabuulɔn buolu din k bel kaanaan tieb nba din kua Kiitlonn nan Nahalal doi ni na ni, k Kaanaan tieb din kua Saabuulon duo sinsuuk ni, ŋaan b din mab'b k te b tuun b tuona k tie'm. ³¹ Asel din k bel nyinn kaanaan tieb nba kua Ako na, nan Siidonn nan Alal nan Aksib, nan Elb nan Efk nan Lehob doi na ni. ³² Asel buolu mun din kua kaanaantieb sinsuuk ni nba tie duo yab, l paak b din k bel k nyinn'b. ³³ Neftaali buolu mun k bel Kaanaan tieb nba kua Aka nan Sidonn nan Befanaf doi ni na. Naftali niib din kua nan Kaanaan tieb na e, k mab'b k b tuun b tuona. ³⁴ Amol tieb din mab Dann buolu e, k b duo tinŋ nba mɔk kunkɔna na ni, b din k te k b sik paanu ni. ³⁵ Amol tieb din tukn k kua Ajaalonn nan Saalbim doi ni, nan Heles kunkona paak e, yuo nba k Eflaim buolu nan Manase buolu panŋ din tan pukn na, k b mab'b k te k b tuun b tuona k tien'm. ³⁶ Amol tieb tinŋ telk din nyii Aklabinm luanu k saan Sela, k bia gal saa.