¹ Kaagbenu yet Mouis a: a saa la maa tien Faalaɔn bianŋ nba nan nnuu panŋ. N kan ŋaan k bin siet b yan kaa. ŋua mɔnŋ e saa bel'b k bin siet u tinŋ ni. ² ŋann e Yennu pak'n k yet a: min e tie Kaagbennu. ³ N dɔkt Hablaahaanm nan Isaak nan Saakɔb paak nan Yennu nba tie Yenjaann na e. ŋanmt bann nan min e tie kaagbennu. ⁴ N bia lol nman n saa tul'b duo nba k b yi Kaanaan na e. Tinŋ nba k i din tie saanm k be i yan ni na ni. ⁵ Mɔtaana, n gbat islaaeltieb nba k Ejipt-tieb dia'b daabs ni na fabni waa, K n tial n lol po waa. ⁶ Yetl'b a: n tie kaagbennu Yennu e, n saa nyinn'i fala nba k Ejipt-tieb dia'i lenŋ na. N saa jii nyinn'i nan n nuu panŋ na e. N saa yiin'i n buolu e, k mii tie i Yennu. ⁷ Nna e, k i saa bann nan n tie kaagbennu Yennu. Min e nyinn'i daabs nba k ejipt-tieb dia lenŋ na.jli ⁸ N saa jii k baal nan'i tinŋ nba k n pol senn nan n saa tul Ablaahaanm nan Isaak nan Saakɔb. L tinŋ sii tie i faal, min kaagbennu e tul'i. ⁹ K Muois pak l kul k tul Islaaeltieb, ŋaan b din k duu Muois paak, b ji din bak a, k b k gbiint, k maan b pala ponŋ dɔnŋ biil nan bin nba k b din be yonmt ni na. ¹⁰ ŋann e k kaagbennu maat Muois a: ¹¹ Saant maat Ejipt-tieb kpanbaal Faalaaɔn, wun te k islaaeltieb na n nyi Ejipt tinŋ ni. ¹² ŋaan k mouis jiin a: islaaetieb ponŋ k gbiintl n maan kaa waa, k nlee k faalaaɔn saa gbiint n maan k n kfit piak fanu na? ¹³ ŋann e Kaagbennu maat Muois nan Aalɔn bin saan maat Islaaetieb nan Ejipt kpanbal na, a min e tul'i mɔb. ¹⁴ Isleeltieb yaajanm sana e na: Ruben, Islaaeltieb bijakpel e na. U din mɔk waas banna, Henɔk, Palu nan Hetslɔn nan Kalmi. ŋanm e Luben yaaja ŋaatieb. ¹⁵ Siimeɔn waas din tie Yemuel, Yaami, Ohad, yakin, Tsohaal nan Saul. ¹⁶ Lefi waas sana ena:.......... Lefi dindii bina kobk nan piinta ŋanlole .......... nan u puol po wari gersɔn ketaat, nan Melaavi. ¹⁷ Gelsɔn waas: Libni, Siimei , Biŋaak nan Yaaja. Ketaat bija din bina kobk nan piinta nan ŋanta k mal Amlaam, Yitsaal, Heblɔn nan Usial. Melaali bijanm:....... ²⁰ K Amlanm din kuan puolua. Amlanm din kuan Yaakabet u puolua, k mal waat banle Aalɔn nan Muois. Amlɔn din bina kobk nan piinta nan ŋanlole. ²¹ Yitsaal waas: Kuole, Nefaask nan Silbi. ²² Usial waas Miikael, Elsaafan, nan Siitl, ²³ Aalɔn din kuan Elikba Amiinadaab bipuo nan Naasɔnbipuo. U din mal waas, Naasɔn,Kuubona, Malua, Abihu, Elaasaal, nan Itaama. ²⁴ Kuole bija waas: Asiil, Elkana, Abiisaf. ŋanm n tie kolelsitieb yaajanm. ²⁵ Aalɔn bija Eliasal din kuan Puutial yenŋ Finea. B din tie lefi buolu ni yudanm e. ²⁶ ŋann Aalɔn nan Muois din tie bin nba k Yennu yet a bin nyinn islaaeltieb Ejipt kii dia'b fanu. ²⁷ ŋanm e saa saan Ejipt pak Faalaaɔn nba tie Ejipt kpanbal na, k nyinn islaaeltieb u duo ninŋ. ²⁸ Daal nba k Yonmdaanɔ din pak nan Mouis Ejipt duo ni, ²⁹ U din yet Mouis a: min e tie kaagbennu, saan yet faalaaɔn Ejipt kpanbal lin nba k n pak'a kul. ³⁰ ŋann e k Mouis jiin kaagbennu: n k fit piak fanu, l saa tien nlee k kpanbal na n gbiint i ?