¹ Betsalel nan oholiab nan tuon tunna nba k yennu tulb kaktin, nan yanfoon nan panŋ nba sa fit sonm yennu lanbonŋ na caanun, bkul taan k too yennu nba yet moobonaa nba na. ² K Moiis yiin Betsalel nan Oholiab, nan niib nba k yennu tulb kaktin, kb palaa gbiie nan lom nan bin tun yennu tuonaa na abin piien taonn na tunmu. ³ K nuu tuontunna manŋ din gaal piinii nba k islael teeb baal nann k tul Moyiis a wiin caan lanbonŋ na. Sannyiɔk kul b din ŋamii baat nan yanbuu piinii k tien Moyiis. ⁴ K nuu tuontunna nba caant yennu lanbonŋ na tan la k piini na sa janŋ nan lanbonŋ caann ⁵ K b baal k yet Moyiis a : Piinii nba k yennu yet niib a bin baal nann k lin caan lanbonŋ na yabit k sa tenna. ⁶ ŋanne k Moyiis tul Mɔb k b lin kaaŋ kulpo, k yet niib na a; sɔɔ ji daa baat nan yennu lanbouŋ na piinii k pukii. L paak niib na ji din K baal nan sial k pukin. ⁷ Kmaan niib na mba baal nan piinii nba na din yab k saa tun langouŋ tuonna. L din be yab k saa tenna. K jiin bon jɔnkal po. ⁸ Niib n'ba din tuon tuonnaa na din nyaal cicenn nba k b saa dɔkin yennu lanbonŋ na nan cabaa piik k l ŋmat nan gungun bɔwuwul, nan gungun mɔnwuwul nba nyilii, nan gungun- mɔnŋ nba nyilii. B bia din nan yennu Malakaa nba l paak. ⁹ Cincen dɔktl kul din mɔk Fɔkint taakaabii piik nan ŋanna, yaalmuu taakaabi ŋanle. L kul din tee yonme. ¹⁰ B din jii caabaa ŋanmuue k taan kpab nyaal, yenn, k bia jii ŋanmu nak bia kpab nyaal leel. ¹¹ B din jii gungun bɔwuwule k nyaal k kokin caabl nba juont lin nba k b kpaab' ne paak, l ŋanle kul paak. ¹² b din jii ŋmibilaa piimu k teen cincen-kpabka na kul puol po, k l kul naan liiel. ¹³ B din jii lik kut banlɔktaa piinun k baan boan cincen-gbeŋaane k taan nan lia, kl ji fit tee lanbɔnŋ. ¹⁴ B bia din nyaal waabii gbent piik nan yenn a bin pin yennu lanbɔnŋ manŋ kl ji naan nan lanbɔnt nba k b dua leŋ na. ¹⁵ Cincenn cabaa manŋ foakint din tee takaabii piik nan ŋammun k l yaalmu tee takaabii ŋanle. L kul din naan liaae. ¹⁶ B din taan cabaa ŋanbue yenn po, k taan ŋanlob leel po. ¹⁷ B din jii ŋmebilaa piimuue k teen cabaa nba k b taan na cabjuok kul kokaa. ¹⁸ B din jii kutmɔnnek nan bɔloktaa piimun, kji dia k gaant cincena na k taant nan liaakl ji tee yenn. ¹⁹ L puol po, b bia din nan lan bɔnŋ ne bon doaktl. nan pijak gvenmunŋ, nan janŋ nba k b yi nikinn ne gbonŋ k nan liel. ²⁰ B bia din kpaa kpakt nan naajiil daat, k paan bon punpɔna yennu lanb ouŋne ninŋ. ²¹ Kpɔk kul din mɔk taakaab jinn ²² K b bia pon boonna ŋanle le k bɔkt-bɔkt l nuaak ninŋ. ²³ B din kpaa kpaakt piinle k seen yennu lanbouŋ na ninŋ niidiitu po. ²⁴ Bdin ji kutmɔnnaae k nan bon sentaa piinna, k kpɔk kul tua boona ŋanle paak. ²⁵ B bia din teen nnee k senn yennu lanbouŋ na ninŋ nii ganŋ po sentaa pienle ²⁶ K paakt piinle nan kut mɔnna bonsentaa piinna, k kpɔk kul tua bonsentau ŋanle paak ²⁷ Lanbouŋ na puol po klbe yenbaa po, k b sen kpakt ŋanlob, ²⁸ K bia pukin kpaakt ŋanle k senn puol po lɔtii nin, a l fit ki kot lanbouŋ nak li mɔk panŋ. ²⁹ L kpaakt ŋanle b din jii banŋe k taan bokim senni tinŋ ni k tan doo paapo b bia din teen l baannue lɔtii ŋanle na kul ninŋ. ³⁰ Lɔtii ninŋ kpaakt manŋ din tee ŋanniin k bon senta mun tee piik nan ŋanloob k k pɔk kul din tua senta ŋanle paak. ³¹ B din jii najiikdapɔntii ŋanmuek pɔn yak-yenn po. ³² K jii da pɔntii ŋanmue liil po, k bia jii dapɔntii ŋanmu k pon-pon puol po, nan dapɔntii ŋanmu nintual po. ³³ B bia din pɔn dafook k puakt sin siuk ninŋ k gal pan lanbouŋ na k pinŋ nan kpinŋ. ³⁴ B bia din jii kutmɔnna lotae k lol-lol daat ne k l suol dia nan k paakt na. K jiin jinjoaŋ nan tanmodoaktl po. ³⁵ K b ji gunguŋbon wu wul, nan bon kob gbenmɔn nyinyilk nyaal cencenpɔntu, k ji gungun ninyilaa k nan malakaa nba l paak. ³⁶ K bia ji tik nba waaki daat ŋanna, k kpel k nyunn l kul kut nyun, k caan, k kpaa pinii l paak, ŋanji jɔnn cencenne l paak k l diaal. ³⁷ B dia din jii cabŋann k ŋmat pekob-bɔnwuwul nan pekobmɔnwuwul nan pekobmɔnt k nyaal tanmɔdɔkl, k nan bon ninnat l paak. ³⁸ Tanmob kookl ne b olin jii dacaata ŋanmue k caan kut sentaa ŋanmu paak, knyunn dacaataa ne, nan dapantii ne kul kutnyun, k bia kpaa kutlɔktua daat na paak kl dia tanmodɔktl manŋ.