¹ Kmɔkgbenu maat Moyis fin mɔnnɔa n kpiel taanna ŋanlie k yenn i naan sinsinn yal, k dian mɔmaam nba daan be sinsinn yaal nba daan bil na. ² tɔienn siil wuonn saanyiɔk ni; a duo sannyiɔk puob ni Sinaii juol paak i be l bul ki guun jual yuul paak. ³ Fin nan sua kan tuaak ki duo, bi kan laa nii sua jual ŋann kul paak i daa te k bonkobt bit nan bonkobt gbenŋaa n daa baat li juol buol. ⁴ Moyis kpiel li taana k l naan sinsinn yaal, l daal po ku donŋ k fil k duo Sinai jual paak nan kmɔkgbenu nbamaat biaŋinba . k u dia u nuu ni taan kpiel kala ŋanle. ⁵ kmɔkgbenu sik wonninŋ k muant u saann. ⁶ U gaal u nunpo k muant kmɔkgbenu, kmɔkgbenu yennu nba gbie nan ninbaatunnu nan ninkpabɔnŋ, u k donn wutol k mɔk lɔɔn nan ŋaant. ⁷ N mɔk lɔɔn nba kaagbenu nan niib, a maa n ki dal nba k biil tubl, n sa daat bi baa nba biil tubl nan u waat, u yaabuonna muntaa, munnaa nba saa wil u puol.ŋ ⁸ Li you na Moyis baa k jiant yennu. ⁹ K yet : n yemdaanua li tie ka numm gbuo miat sukl, yomdaan ki son nan tinm n ban nan buol na tie tubkaagbataa ka dii sukl t tunn biit nan t yanbomm k l maan t tie a niib. ¹⁰ yennu jiin k maat: n saa suol suolu min nan a buolu sinsik ninŋ, n saa te bonn nba k tinŋ paak sua kan ban k laal; k buol fannu sua bia kan ban k laa. buolu nba taan na kul saa bann tunnu mun yaal ka yiikin kmɔkgbenu yennu po k m gbaat ka yiikin. ¹¹ I ŋamm suol man ma maati linba din nai nunŋ ninŋ kin saa bel, Amoole tieb, kaana tieb, Hitti tieb, Felezi tieb, Hevi tieb nan yebu nba. ¹² I suol i mɔnŋ nan yiiba suol suolu nan niib nba ki saa b duo ninŋ na kimann b tan si tie baal t i po. ¹³ Amaa i biit biit b paat, k yiel yiel bon ninnant nba be jiantu diuk ninŋ, cua cua b ciceeli nba be. ¹⁴ I daa gbaat k jiantl b bon ninaant kimaan kmɔgbenu yennu tie funfun daan: yennu nba k tuot k b nantua nan sua. ¹⁵ I daa so suolu nan duo manŋniib; kimaan i mun tan si jiantl bi yennbit bit na b tan si yii k dii b paata jiet. ¹⁶ I jii k t bi bon poii k tien i bonjaii k bi kuant k b jiantl b yennii bit bit i k baa naan i waat mun tan si tie nan ŋamm na. ¹⁷ I ka nan yenbit nan kut. ¹⁸ I tiatl man k di jamm nba k di k ŋman paanu nba k ŋmat nan daatinŋ. Dikaala ŋmaalk daa ŋaanlie nba k sie, i tuu ŋman paanu nba k k ŋmaat nan daatinŋ, nan ma dien; l ŋmaal ninŋ k din nyi Ejipt duo ni. ¹⁹ Bon sinsinn kul tie n yaal. L tie nna sinsinn bonjak, a bonkobt, naabik nna ka pebik. ²⁰ Li tie bonnŋ bk b maal'ɔ ŋmaat k daa pebik. I ki daa yin yen kɔnn u tulu. I tu ŋmaat daa i waat ninŋ bii sinsin sua daa baat n buol nan nikuoni. ²¹ I tuu tun tuon daa ŋaaluob, daa ŋanlole daal i tun, l tie kpaa fuul nan dii jaan yuo i tuu kaal li daal k fuoi. ²² I tiatl man ki dii naawaei janm nba ki dii k l tie paanu yua bin sinsinna, nan jiet jin jii yo janm nba ki dii binn gbenu. ²³ Taal mun taa binn kul, jaab nan buolu kul n tu baal n buol, yennu nba tie kmɔkgbenunaan Islael yennu. ²⁴ N saa nyin digbana nba ki tuok b niib ki yaaliki tinŋ, ki sua kan fit ki yenk nan ni duo yo nba ki do taal muntaa binn ninŋ kmɔkgbenu yennu buol. ²⁵ I daa maan maalunŋ nan paanu nba ŋmaat nan daatinŋ, i bia daa tie maalunŋnaant kaa kaa sannyiɔk ninŋ yuo nba ki dii tietu janm. ²⁶ Binn kul i tu baal nan sinsinna jiet nba ki jaan kmɔkgbenu yennu ŋaak, i tu daa yaak tann bik u naa biin ni. ²⁷ Kmɔkgbenu yennu maat Moyis suabin mobona na kimaan l paak k nenn seni nba k lisie fin nan Islael waat sinsik ni. ²⁸ Moyis din be nan kmɔkgbenu juol paak yentunnu na piinna nan nyiɔtunna piinna u bk di jiet k bia k nyuu nyun, kmɔkgbenu yennu din sɔb u seni moboa piik tan kpiel kaa na paak. ²⁹ Moyis din nyia sinai jual paak k siik k dia nui ninŋ taan kpiel kaa ŋaanle nba k yennu din waaua k u suab u senii piik. U din k ban nan nuunŋ po nyilii yonba ku bo piak nan kmɔkgbenu. ³⁰ Aalonn nan Islael tieb got Moyis k su ku nunŋ po nyilii k jaaŋmaami suolb nan bin baal u buol ³¹ ŋaan k Moyis yiimm, k Aalonn nan saakab nba bo be baal u buol ku paak namm. ³² Li puolpo ki Islael tieb kul baal Moyis buol ku paak namm senii piik nba kmɔkgbenu bo tuulua sinaii juol paak. ³³ Wa din paak namm ki gbenn ku ji cincenn k piin u nunnpo. ³⁴ yuonba ku kua yennu laabonnŋ a wuu paak naanua u bo tu jii l cincenn ki piin u nunŋ po tie nan waa taan saan nyii lanbonnŋ ni. U nyii u tu paak Islael waat naan biaŋinba k kmɔkgbenu yennu paakua. ³⁵ Isael tieb yaan laa k Moyis nunpo nyilii ku jii cincenn k piin u nunpo tiee nan yuo nba ku tan sa ciet kmɔkgbenu yennu k paak naanua.