1
K Yennu maat Moise a nna:
2
Gotl, n gann suda buolum, houl yaabuona minŋ, ouli bija Betsaeel,
3
K gbien Yennu foŋam nba saa tul'ɔ panŋ, yanfuon nan fitu nba saa te k wun tun tuna,
4
K te k u saa fit k jii liklii kut, salma man salmɔnna,
5
K kpiel tan-nyi-nyila, k kpiel daaɔk. Nna e ku saa fit k tien tuon-buoli kul.
6
N te k Dan buolu ni jua, Aisamak bija gliab n tie u sonmtua, k n bia ŋanm k pukn ninfandanm, a bin fit k tun tuona nba k n wann'a:
7
Cetu lanbounŋ, molol taana lakl, l biitl nan linb kul k b saa jii pann lanbounŋ na,
8
tiebl nan lin nba k b saa tuan baa tuu juo wubl sian, wubl juo buol nba k b tien nan salma binbintl nba k b tuu mii bonnunbt,
9
malunŋ binbintl nan lin nba be l paak kul, sidlu nan u kantu.
10
Malunŋ tiat nan tiaŋant nba k manntua Aalon, nan u waas tuu saa lia k mann malunŋ,
11
ŋant binbe buol k pan nan tulaali nba nubl k man. K fit tun l kul na; tuontunna sii cɔln senni nba k n wann'a.
12
Kaagbennu pak nan Moyiis k yet a:
13
"Fin, maatl Isael tieb linba na: 'mantik, ii cɔln man ŋannu fuon daa k l maan ŋann e sii tie ninnɔnŋ min nan yinm sunsuuk ni, yaabuona nan yaabuona ninŋ, ninnɔnŋ nba k min Kaagbennu te k l ŋan.
14
Ii cɔln man fuondaal, k maan l tie daŋann e k tuli. L i tie k wunba biil l daal, u saa k po e wun nba kul tun sial yaa tuonn l daal, b naa bel k nyinn'ɔ u buolu ninŋ e.
15
I tuu saa tun tuonaa daa ŋanluob, daa ŋanlole tie fuon e k tie min Kaagbennu daa. Wunba kul tun tuonn fuon daal ŋan nan kuun e.
16
Islael tieb, b yaabuona nan b yaabuona sii cɔln l fuon daal, l molol sii tun k be.
17
ŋann e sii tie ninnɔnŋ min nan Islael tieb sinsuuk ni k maan Kaagbennu sanpaak nan tinŋ nantua din tun daa ŋanluob e, k ŋanlole daal k u nyik k k tun sial, k jiin fuon.
18
Waa faa laball nan Moyiis siinayi jual paak k gbann yuonba, k Kaagbennu tul'ɔ tanjeblkaa nba k ŋua Yennu dian nan u nuubil molol senni l paak.