¹ Baa nyi Ejipt l ŋmaali ŋaata ni, l dasinsinn daal, k Islael tieb baal kal sinai jual buol. ² Baa din nyii duo nba k b yii lefiidiim k kua tinkuonŋ b ji din tien b kaanŋ sinai jual buol. ³ K moyis duo juol na paak a wun ceet yennu. K yennu be saapaa po, k yii na yeetua: Gotl faa saa paak nan Islael tieb. ⁴ I la min yennu nba tun linba k til Ejipt tieb,ŋaan jii nan kɔnbiaɔk nba tu baak u waat paak biaŋinbana, k baal nan nna na. ⁵ Mɔtaa na li tie k i saak n mɔb k cɔlin n senni, tingbonnŋ na kul si tie i yal'e, k yimme si tie niŋann , li tie dia n donn taanu. ⁶ ŋann, yimm e sii tie n niib, k tie n manntieb li tie k a jii n mɔmaanua k wann Islael tieb. ⁷ K Moyis ŋmat k sik b kaanŋ na ni, k saa yiin b tuandanmm kul k taa , wannib linba kul k kmɔkgbenu paak. ⁸ K niib na kul yikin nan kunkɔ yenn k yeet a: T saa tun linba kul k kmɔkgbenu yeet a tin tun k Moyis wann kmɔgbenu linba k niib na maat. ⁹ Kmɔkgbenu yeet Moyis a: Gotl n saa nyi saapagbenŋ gbenŋl ni e k baal i buol. K niib na kul n laa k n paak naana, k b ji saaa tien ayaada,laa jii mɔtaana k saa. K Moyis paak kmɔgbenu linba k niib na paak k jiin ¹⁰ K kmɔkgbenu yeet Moyis a: Saant k yeet niib na k bin jii dinna nan wonn, k ŋanm b mɔnŋ k tien siil nan jaati. L kpaa talas k bin wuul b liant. ¹¹ k tien siil kii guu daalpo, ldaal n saa sik sinai jɔjaann paak, l buol e k niib kul saa lan. ¹² Caant gungɔunŋ k lint juol na k niib na daa puotl, k pak'b k b daa naki juol na buol kaawa, i bia kaa duo jual na paak. Nilua ŋmaa taal l buol bin kpiu. ¹³ Daanɔ nba kpeet sennu na, sua laa siitb,ŋaan l tie bin jaat'ɔ tana ŋannika k yekɔ pieni e k kpiu.Sennu na tie niib nan bonkobt kul yal'e.Wunba yeet u ji k mɔk manfuol. ŋaan bii tonŋi pebl pjak na yinn yuo nba e k nisiab saa duo juol na paak. ¹⁴ K Moyis ŋanm nui jual na paak k sik k tan paak niib na a binn tie n ŋanm l malunŋ. K wuu b tiat. ¹⁵ k u bia ŋanm maat'b; I tie siil man kii guul daalpo, sua laa dua nan u ŋaapuo. ¹⁶ k daa ŋanta daal manŋ sannyiɔk ni, k saapaapo danm k saak nyikt k tiaa, k sanpagben gbenŋ'l nna dɔkt jual na paak, k b gbat k naatunn mɔ sanpaapo waa, k jaŋmaani suol ŋanm nba be lenŋ na kul, k b ji jekl. ¹⁷ K Moyis nyii nan niib nan kul kaanŋ k saa set jual na lɔnŋ ni. ¹⁸ sinaii jual na din gbie nan muunyuut e kmaan kmɔgbenudin sik nan muu e jual na paak. Muunyuut na dni duo sanpaapo bonciann k naan musakau k muunyuut na, k wonpaaluk daa, k jual danm k tinŋ na jekl. ¹⁹ naatunn na mɔnni din ŋanmt duo bonciann. k Moyis paak, k kmɔkgbenu jiin'ɔ satiani ni. ²⁰ K kmɔkgbenu sik Sinaii jɔjul na paak k yiin Moyis, k Moyis duo. ²¹ k kmɔkgbenu yeetua a ŋmatl k sik k kpaan niib na k b daa kakii k baal n buol a bin lami. kmaan bii tien nna b nonciann saa kɔnŋ b manfuola. ²² Nan mann tieb nba lek nakii n buol gbaa, bii kii ŋanm b mɔnŋ, n saa dat b tuba waa. ²³ k Moyis yeet kmɔkgbenu a: Niib na kan fit duo kmaan a tul't sennu a t jii jua na k lii tie sianinba kaa biit e k t caan goktuuk k lint. ²⁴ Kmɔkgbenu ŋanm k yeetua a: ŋmatl k sik saa jii Aalaɔnn k baal naan'ɔ. ŋaan mann tieb nan niib na daa kakii a bin do k baal n buol, nna i kaa n saa dat b tubaa waa. ²⁵ K Moyis ŋmat sik niib buol k saa paak'b linba kul k kmɔkgbenu paakua.