¹ Puob bet seba gbat nan Salomon tie kpanmbal , kuu baal Jerusalem a wuu biknɔ nan maan kpanja . ² K Salomon jii u bubet kul , k sial k tenn k Salomon k wannɔ . ³ K puo bet seba laa Salomon yan nan ŋaak nba kuu maa na . ⁴ K tie u tabl paak , nan u tuotunna binbe buol , nan tuonna nan n tuo-tunna tiat , nan u siijeme nan bin tiat , nan jaana nba paak b sii tɔki k do kaagbennu ŋaak buol . ⁵ U niŋ mɔŋ u mat kpanmbal : L tie mɔne maa gbat linba n duo po k jii a yan na binbeŋ po ! ⁶ N daan k dan baa daan piak linba , k fit tan baal k laa nan n nibine . Gotl b k waanni a yan ne yabit bɔktl kaa a cie kpanmbal nba pakin linba . ⁷ Palman be a niib , na tuo-tunna nba be nanaa yuo kul k gbii a yan maa ! ⁸ Kaagbennu , a yennu n gaal balk , nan waa jiia k tiena yudanɔ nan kpanmbal kaagbennu a yennu buol ! k l maa a yennu luo Israël , k luo wun be yuo kul , l paak kuu tienna kpanmbal a fin fit tie l baa ŋan nan baalmɔni . ⁹ U tul kpanmbal lik-wulaa kob nan piile , nan telali nba nan tannyinyila- telali jii dan k b k gaal puob seba nba tul Salomon linba na . ¹⁰ Huram tuo-tunna nan Salomon tuo-tunna baal na d'Ophin lik-wulaa , nan daat , caacat nan tan nyinyila . ¹¹ K kpanmbal jii daat nan caacat k tien jaanna k l do kaagbennu nan kpanmbala ŋei ni , naatunna nan siyali tie yaŋ yiina yal , tin k ban k laa l liel juda . ¹² Kpanmbal Salomon tul puob bet linba kul kuu luo , linba kul kuu boi nan linba kul baal nane kpanmbal buol . Kuu jii tunn u duo ŋua nan u tuon-tuna . ¹³ Liik-wulaa nba bo tuu baal Salomon buol binniŋ bo kpei tuntaa n luob nan piiluob nan ŋanlob . ¹⁴ Kipukin lampo nba kpinkpenta pa na po . Arabi kpanmbal nan Israël yent yudam mun din bat nan salipienna nan Salimɔnae k tienɔ . ¹⁵ Kpanmbal Salomon maa likwula jana kobii ŋanle b kul u jii likbinna kobintaa k maa . ¹⁶ K bia jii likwulia k bia maa jaanakobintaa , u jii likbina kobinta-taa k maa sua kul , k kpanmbal tiem Liban dou ni . ¹⁷ Kpanmbal jii bamnyann k maa jaann k jii likwul piana k pinɔ . ¹⁸ L jaann buo tie taabana ŋanlob , nan taa ŋmiŋmaa buol k bin tien nan likwulaa k l do paapo ; l paak kul bo mɔ kpinkpent , k yanbɔla banle bo be lii kpinkpent buol . ¹⁹ K yanbɔla piik nan banle bo be taabana na kul po . L bonn liel k ban k tie jial buol . ²⁰ Salomon ŋaak nyu nyu bona kul bo tien nan likwula , Liban duo niŋ ŋei jetien bona kul bo tien na likwulaa . Sial bo k tien nan likli , Salomon yuo l bo k mɔk nyuat . ²¹ Kpanmbal bo mɔk nyunm-lua k l jiit Huram tuon-tunna l binna ŋantaa nba baal i , l nyunm-lua bo jiit likwula , liklii , nan bamnyana , nan waani nan "paon " nba . ²² Kpanmbal Salomon jii tancie tiŋ na kpanmbal kul nan yan , nan mɔkin . ²³ Tiŋ na kpanmbala kul jii bo luo Salomon a b laa ŋan nba k yennu bo tien u palni . ²⁴ K b kul jii bat nan paab , linba tie , likli , likwula , tiat , gbiat , telali , taamii , nan yunyo kit ; l bo tie nne binne kul . ²⁵ Salomon bo mɔk kunkɔ tantol tuntaa ŋaana , nan kunkɔkɔna tuntaa piik nan ŋanle k b be duo ni k dia u gbiat nan Jerusalem kpanmbal buol . ²⁶ U bo mɔk paŋ kpanmbala kul paak , laa jii baŋ kaa-kaa Philist tieb duo k saa daŋ Egypte . ²⁷ Kpanmbal saan na likli nan taana ŋenm Jerusalem , nan kpeki , nan kinkana nba kpatl jaa kpat niŋ na yenm . ²⁸ Ejipt nan duo kul din daal nan taamii k tien Salomon . ²⁹ Salomon tuonba tenn , l pinpiik nan juotu dian k be masɔkni Nathan kaadɔkin , nan Achija , Silo nan jeedo dɔktuuni , masɔkini Jeroboam Nebath bijaa ? ³⁰ Salomon tien binna piinna Jerusalem Israël kul . ³¹ K Salomon kpo , k b piu u baa David duo kuu bija Roboam gaal u yial .