¹ Kpanbal Salomɔn nba din gbenn Yennu jiantu ŋasaakak maanu na. U din jii bona nba k u baa Dafiit din jii k tu Yennu, k l saa maa ŋaak k u maa k tenn na, k kuan Yennu jiantu ŋasskak ŋasaakak na ni. L salpiena nan l bonmɔna, nan bona nba kul a din tenn. ² K kpanbal Salomɔn taan Islael buolu kul, nan b naakuut saakab na n taan lieb, Selusaalenm Daafiit ŋaak ni, k jii mɔlol lakl na siin, k saan kuan Yennu jiantu ŋasaakak ni. ³ K Islael niib na kul taan, kpanbal buol a bin di jaanm. ⁴ Yuo nba k Saakab na kul taan lieb k lefiinba naakuuk ni jab jii mɔlol lakl na. ⁵ B din jii lakl na nan Yennu binbe-buol, nan bona nba kul be lenŋ k saan kuan. ⁶ K panbal Salomɔn nan islaeltieb nba tikl lieb mann malunŋ, k kpii pei nan nei bonciann, k l kaa kann baa yab na paak. ⁷ Manntieb din kuan mɔlol lakl Yennu jiantu ŋassakak na ni, k senn Yennu binbebuol, sian nba k b yi ŋant yaa ŋant ⁸ buol seliibannba mɔk kpinkpant nba fɔk k ga dɔkn lakl na, nan l bonsuota nba k tuu suol, k fiit jii lakl na. ⁹ B din k bosuota manŋ fɔk k tan gal tian, k wun nba be nuak laat, sie a i be nanyel k fɔk nan'n na, k a kan la l mobi. Lakl manŋ daat daa be nan dinna. ¹⁰ Lakl manŋ nuak ni, tanpatlai ŋanle nba k Muois din gaal Oleb jual paak na kuukua be, yuo nba k Kaagbennu din senn mɔsonn nan Islaeltieb, baa din nii Ejipt na. ¹² nan lefiitnba din tie yan-yinna, Asaaf, Eman,Sedutun nan binsaamin nan b waat kul, din lia liatpiint k sie Yendo po, k kpia binbintl, nan b naatuna nan yeli, nan biat, k manntieb kobi ŋanle nan piine din be b buol k pebl naatuna. ¹³ yuo nba k bin nba pieb naatuna na, nan yiin yani taan yonm, b din tuu yiin k jiantl k bia don Kaagbennu Yennu sann e, k maan u ninbatinu k mɔk gbennu! K l uo Kaagbennu Yennu ŋaak na ji tuu gbien nan wunn. ¹⁴ Wunn na din be k te k manntieb na ji kan fit bial lenŋ, kii tuun b tuonn k maan Kaagbennu yudant yat gbie nan Yennu jiantu ŋasaakak na.