¹ Josiat din dii yukit gaal tialu jaam kagbennu sann ninŋ Jelusalem ,k baakityennu ŋmaasinsinn dapiik nan ŋanna daal k kɔt pegana k dii l jaan ² Udin senn mann manntieb na tuonna nba k b sii tuun kagbennu ŋasaakak ni k cekim k b sii tuun fanu. ³ Ubia din tul liifaii tieb nba Islael wann tieb k b din jiib k tul kagbennu na kpaanii k yet a :jiin yennu molol lakil na k kuan yenjiantu ŋasaakak nba k kpanbal Salomon wunba tie Dafiit bija din maa na ni .I ji daaa ban jikit k calii kaal nannii .Mɔtana ,yimme siik tien i kagbennu nan u niib Islael tieb. ⁴ Taant, Ii lieb naakuuk naakuuk,kii tuun yenjiantu ŋasakak na ni nan bianŋnba k kpanbal Dafiit nan u bija Salomon wann sua kul nan u tuonn nba tie na. ⁵ Ii ,set tuonna buol k som niib na naakuk kul yuo nba k b baal yenjiantu ŋasaakak ni nan b malunŋ bonaa. ⁶ Ii kot yukitgal malunŋ peganaa nan buunii na.Ii ŋanm i monŋ mɔtaana kii be fanuu k mann malunŋ na,k lin te ii lieb Islael tieb n fit weii sennii nba kkagbennu tul Moiis k u wannii na. ⁷ Josue din tul niib nba be lenŋ na peii nan buunii tutaa piintaa,nan naajaii tuta ŋantaa,k l tie yukit gal malunŋ yenpiinii. ⁸ U saakab mun bia din jii b pukinaa k tul niib na nan manntiebnan Liifaii tieb na a bin mann malunŋ, k saakab nba golii yejiantu ŋasaakak k tie mann tieb na yudanua Hilkia ,nan sekalia ,nan Jeheil,k b tul munn tieb na pegann nan bupaanii tutaa ŋanlie nan kobii ŋanluob nan naajaii kobii ŋantaa ,a bin jii mann malunŋ,Jaanm na yuo . ⁹ Konania,nan Semaya nan u baa bik Netaniel nan Hasabia nan Jeyel nan Josabad din tul b pukina pegann nan bupaanii tutaa ŋanmun ,a Liifaii tieb na n jii k mann malunŋ. ¹⁰ Bona nba din bobn gbenn k sua yukitgal tialu jaanm na yuo nba ,k mantieb nan Liifaii tieb na set b tuona buol,nan kpanbal nba wannib bianŋnba na . ¹¹ k b tien yuktgal tialu malunŋ k kɔt bonkobit ,k Liifaii tieb nan mann tiebna mun ji din jii sɔn k mii mii binbintl na pak. ¹² ŋanne k b ji biit mujuonu malunŋ bonkobt na k tul niib na naakuuk ,naakuuk,a lin te bin fit mann nan Moiis sennu nba tie bianŋnba na .Kbia tien n na nan nei yal mun biak. ¹³ K b din pul yukitgal tialu jaanm nant na muu paake nan sennii nba wann bianŋba na ,ŋaan yakn ŋant piinii nant na bobbl ni,nan sialii ni ,nansipiaat ni, ,k biit nant na k tul niib na yianyian. ¹⁴ Baa tun linba na k gbenn na puolpoe k Liifaii tieb na biit nant nak tul b monŋ k biabiit k tul manntieb nba tie Aalon yaabuonaa na k maan manntieb na din tun tuonnae k yonnu tan baa ,k Jokin malunŋ bonkobt muu kul nan malunŋ kpapanaa kul muu. ¹⁶ Ton ,daal man nie k b din tun malunŋ tuonnaa ,k dii yukitgal tialu janm ,a bin baakit ,kagbennu ,k bia mann mujuonu piinii malunŋ nan bianŋnba k kpanbal Josue senn na . ¹⁷ Islael tieb nba din be lenŋ na din jii daaŋanlolee k dii yukitgal tialuj aanm nan kpanu nab kaa datinŋ na jaanm . ¹⁸ Laa nyii yennu sokinii samuel binaa ninŋ a b daa k ban dii yukitgal tialu jaanm nan linba na ,k Islael kpanbal na sua daa k bandii yukitgal tialu jaanm,nba k Josue nan manntieb na Liifaii tieb nan suudaa tieb nan Islael tieb nan Jelusalem niib dii na buolu. ¹⁹ B din dii yukitgal tialu jaanm na Josue naan binpiik nan ŋanniin ninŋ e. ²⁰ Kpanbal Jesue nba din ŋanm kagbennu ŋasaakak na k gbenn na puobpoe ,k Ejipt kpanbal Neko jii u kunkonna ,k b saan kalkemis ,k l kpia mokl nba yi yufltes na ,k josue kol awun gualua. ²¹ ŋaan k Neko tun nan momaan na a bin yet josue a bee be min nan fin sunsuuk ni ? fin suuda kpanbal ,a paak k a k t kon dinnae l tie ŋaak nba kn kon nanua e na k yennu betin a man kakit yian ,yennu taa n po,l paak daa goin .Nna ,k a u saa biila waa. ²² Josue din yet nan wun nyik ,k k gbiint maan nba k yennu te Neko pak nanua na ŋaan lebit u monŋ,k saan Megido paanu ni a wun kon nan Neko. ²³ Tob na ninŋe ,k Ejipt nilua din yet kpanbal Josue piennu ,k u yet u tuontunna a jiimin ,k yaat nanin ,n la danŋ bonciann . ²⁴ k u tuontunna jiu k kunnau taantolit ni k kuanua u tantoliet nba be lenŋ na ,k saan nanua Jelusalem .Lnŋe k u saa kpo ,k b piiu kpabalaa kat ni.k suuda nan Jelusalem tieb kul mɔ k fabn u kuun paak. ²⁵ k yennu sɔkkinii Jelemi yin kuun yanŋ k jiin kpanbal Josuas kuun po,k l tien kaal Islael tinŋ ni k tul yanyinnaa,Ljab nan puob, kul a bin tuu yin yanŋ na k tial u kuun po,Bdin dian yanŋ manŋ kuun fabinii yanii gbunŋ ni. 6 Lnba kul k Josuas din tun u naan yuo ,k l tie wa luon kagbennu bianŋnba na. Nan linba kul k u tun u pinpiik k saa tuu u juontu,l kul dian be Islael nan suuda kpanbalaa balkpelii kadauk nie.