1 Josaphat nba din mɔkit k la baakil yoo nba k u lol pookɔɔnt k l tie u bija nan Islael kpanbal Achab bipoo . 2 K bina gal waan k Josaphat , din sik Samali doo ni a wun foont Achab . K Achab din tien Josaphat nan binba waa u puolpo nanjilima k kpii pei nan nei bonciann , k tiem jaamm . U din yabil a wun sommɔ k bin lek Ramoth doo nba be Galaad-na . 3 Achab , Islael kpanbal yet Josaphat Juda kpanbal , k boiɔ a ; A saa cianin k man saan lek Ramoth nan Galaad-aa ? K Josaphat jiina yuo nba kul k a tie siil nan tiin saan lekib-aa . 4 ŋaan k Josaphat yet Islael kpanbal : N balmaanŋe ŋaant k tin boi kimongbennu waa . 5 Islael kpanbal nyiin sɔkinniinba , k b kann tie nan kobii ŋanna nawa , k u yetib : N saan lek Ramoth na Galaad , kuo n daa saa ? K b jiina , '' Saant k lekib , yennu jiinb k tiem kpanbal nuu ni waa . 6 ŋanne k Josaphat boi a : Kimongbennu sɔkinii sɔɔ kaa k t saa fit te wun boi sommil-ii ? 7 K Islael kpanbal jiin a , yenɔkɔɔ be , ŋɔɔe tie Michée , jimla bija ŋaan n namɔe , kiman u k mi sɔkin balŋanii k jiin n po , u tuu sɔkint bonbiile k jiint u po ; k Josaphat jii a : A daa yeen nna . 8 Lyuo k Islael kpanbal yiin u tuontunna saakɔɔ , k tumɔ a wun saan yiin u tuontunna saakɔɔ , k tumɔ a wun saan yiin Michée jimla bija k wun baal yian na . 9 Islael kpanbal na Josaphat , Juda kpanbal , k sɔɔ kul kal b naan binbiintaa paak k lia b naan liantaa . K kal Samalia duo taamɔkul yial ni k sɔkiniinba nan sɔkint maa b tɔɔ . 10 Sɔkiniinba manŋ yenɔ , wunba sann tie sedekias kenaana bija ; din jii kut k nan yiina , k yet a : Kimongbenu nba paak linba na a saa jii yiinae k kɔn nan Syliens tieb k buontib . 11 K sɔkiniinba sɔkin nna k yetɔ , dommi Ramoth na Galaad ! K a saa la nyannu . Kimongbennu saa jiinb k tiem kpanbal nuu ni waa . 12 ŋaan toomin nba saa a wun yiin Michée na poŋ donŋ yetɔ , guotil sɔkiniinba sɔkin kpanbal , nyannu nba ŋaan poe . 13 K Michée jiin a , kimongbennu nba fo sann ni . N saa pak linba k yennu yaa ma pak-e . 14 Waa dɔkit kpanbal Asa buol yoo nba k kpanbal yetɔ a Michée , ti saan lek Ramoth na Galaad . Amii kuo ti daa saa ? K Michée iij'a , saant k lek ,i saa laa nyannuwa ; k b sii be i nuu ni . 15 K kpanbal yetɔ ; a li-i tie k a piak nanin kimongbennu saan nie , fan pak balmɔnii . Taalmunŋae k n saa pak a linba na ? 16 K Michée jiin-a : N la k Islael tieb kul yat juant paak nan pei nba k mɔk pekpalk na , k kimongbennu yet-a niib nan k mɔk tɔɔndaanɔ , ŋant k sɔɔ kuol n kun u ŋaank ni na palmaasil . 17 K Islael kpanbal yet Josaphat a : N k paka na u k ban pak sial k l tie bonŋann k jiin n po-o ? u tuun piak bonbiil k jiint n po . 18 K Michée yet , gbiintil linba k kimongbennu piak n la k kimongbennu kal u nan binbintil paak k yendɔunŋ ni kunkɔnkɔnna see niidiintu po na ninganŋ po . 19 K kimongbennu boi a ŋmee saa saan kpann Achab wunba tie Islaël kpanbal , k wun saan k b saa kpiu ? K malakanba na yemm tuu yet yenn , k leeb mun n pak leel . 20 Nan seek nba tan baal k yet kimongbennu min saa kpannɔwa . 21 K kimongbennu boiɔ a : A saa kpannɔ n lee ? K seek na jiin a n saa saane k te k sɔkiniinba na kul n faal faak , k kimongbennu yet : Ii saa k saa kpannɔ , Asaa nyann . 22 Guetil l yoo na k kimongbennu jii faak seek k tie sɔkiniinba nba be nan moie ni . ŋaan kimongbennu senn nan biilu sii be a paak . 23 L yuo k Sedekias , wunba tie kenaana bija nkin Michée k peḃɔ , a sɔn laaniiye k kimongbennu seek nyii n buol k baal tan pak nananii ? 24 K Michée yetɔ , a : A tan saa bannil yoo nba k a gal diiuk lanpool na diiuk lan pool ni k saa bɔl nae . 25 K Islaël kpanbal Asa yet u saakɔyenɔ a soot Michée k saan nanɔ Amonn , wunba tie duo yudaanɔ Joas wunba tie kpanbal bija . 26 A betib k bin kɔɔnɔ dansalik , kii teenɔ jalpeinn nan nyun kuukɔɔ , k tan tuu yoo nba k n tan saa jen nan laafia . 27 K Michée yet l tie k a jen nan laafia , ŋann ŋalin l wann nan kimongbennu k pak nanime na k bia yet a : '' Sɔɔ kul n gbaant linba k pak ''. 28 Tɔn k Islaël kpanbal na Josaphat , Juda kpanbal fiil saan a bin lek Ramoth duo na Galaad yent ni . 29 K Islaël kpanbal Asa yet Josaphat a : Tan saa tɔb na , n saa lia tanyanae , ŋaan finni lia naan liant . K Islaël kpanbal na lia tayana k saan tɔb . 30 K Sylie kpanbal dɔnŋ tul u taantolit saakab na mɔb na daa kpi , bik koo niikpel , ŋaan yii kpi , Islaël kpanbal na kuukɔɔ . 31 Taantolit saakab na nba la Josaphat yuo nba k b kul yet nan ŋɔɔe tie Islaël tieb kpanbal , k b kaan liintɔ a bin lekɔ , k Josaphat fa wuuyiikini , k kimongbennu yennu fatɔ k te leku na yakib . 32 K taatelit saakab na bann nan ŋɔɔ kaa tie Islaël kpanbal na , ŋanne k b nyik u weiɔ . 33 ŋaan k sɔɔ yek peenu k l suol Islaël kpanbal tɔb liatil nba tie naagbankɔnŋil tintaanbuol ; k gal suol u palbiil , kpanbal mɔɔ nan wunba ŋmakitil u taantolu na , a u la danŋa , ŋmantil k nyi tɔb na ni . 34 Yoo nba k tɔb nunii mɔnn l daal na ; Islaël kpanbal ji kal denn taantoluk nak took Syliens tieb na daa juok k yennu taa ba k u kpo .